Faxi - 01.12.1985, Síða 10

<
Forsaga að byggingu
Sjúkrahúss Keflavíkurlæknishéraðs
Hugmyndin að byggingu
Sjúkrahúss Keflavíkurlæknishér-
aðs hefur án efa verið ofarlega í
hugum Suðumesjamanna, löngu
áður en til framkvæmda kom. En
kveikjan að framkvæmdinni var
sú, að stofnuð var Rauðakross-
deild Suðurnesja árið 1942, með
það markmið að safna fé og vinna
að byggingu sjúkrahússins. Fram-
lög til byggingarinnar voru farin
að berast að vori 1943. Þá afhentu
Jóhann Guðnason og kona hans
kr. 10 þúsund í spítalasjóðinn og
frá Kveldúlfi h.f. barst sama íjár-
hæð.
Þá var ákveðið að láta söfnunar-
lista liggja frammi hjá bátaeigend-
um, sem trúlega hafa verið álitnir
fjársterkustu aðilarnir. Einnig var
á dagskrá að hrinda í framkvæmd
almennri fjársöfnun. Sóknar-
presturinn sr. Eiríkur Brynjólfs-
son gaf í árslok 1943,5 þús. krón-
ur og vegna þeirrar gjafar var
stofnaður sérstakur sjóður innan
spítalasjóðs, sem með vaxtatekj-
um átti að aðstoða fjárvana fólk í
Gerðahreppi, sem þurfti á sjúkra-
húsvist að halda.
Mikill áhugi virðist hafa verið
hjá almenningi á þessari söfnun
og þegar safnast höfðu kr. 125
þúsund, var ákveðið að hefjast
handa við byggingu sjúkrahúss-
ins.
Aðalhvatamaðurinn að stofnun
R.K. deildarinnar og öðmm byrj-
unarframkvæmdum var Karl G.
Magnússon héraðslæknir (sjá
Karl G. Magnússon héraðslœknir
vann ötullega að framgangi sjúkra-
húsmálsins.
tímarit Faxa í marz 1944 ávarp
K.G.M.).
Sjúkrahúsið var hugsað og
teiknað sem héraðssjúkrahús og
raunar var fljótlega eftir að
sjúkrahúsið tók til starfa sótt um
deildarskiptingu og að sjúkrahús-
ið yrði viðurkennt sem héraðs-
sjúkrahús. Leitað var til hrepps-
nefndar Keflavíkur og lofaði hún
að styrkja bygginguna fjárhags-
lega og taka að sér rekstur sjúkra-
hússins ásamt þeim hreppum
læknishéraðsins, sem ættu eftir
að standa að því.
Frumhugmynd um stærð
sjúkrahússins var, að það rúmaði
21 sjúkling og var þá allur aðbún-
aður fyrir starfsfólk mun rýmri en
síðar varð.
Hornsteinn að húsinu var lagður
12. sept. 1944 af Sveini Björns-
syni, þáverandi forseta, við hátíð-
lega athöfn.
Heildarfjármagn, sem Rauða-
krossdeildin safnaði, mun hafa
verið um 150 þúsund krónur, sem
virðist hafa nægt til að steypa hús-
ið upp. En þegar fé deildarinnar
var þrotið hafði hreppsnefnd
Keílavíkur forgöngu um að ræða
framhald byggingarmála við aðra
hreppa innan læknishéraðsins.
Undirtektirnar voru misjafnar
og töldu sumir hrepparnir sig
þannig í sveit setta, að íbúarnir
gætu ekki haft þau not af sjúkra-
húsinu, sem til var ætlast. Endan-
lega ákváðu hreppsnefndir Kefla-
vikur, Hafna og Njarðvíkur, en
þar höfðu búsetu fullur helming-
ur íbúa í læknishéraðinu að taka
að sér áframhaldandi byggingu
sjúkrahússins og einnig að
ábyrgjast rekstur þess. Var nú
byggingunni haldið áfram, þar til
hún var næstum fokheld. Oskuðu
þá þessar þrjár hreppsnefndir eft-
ir úrskurði ráðherra um, að hinir
hrepparnir tækju þátt í fram-
kvæmdum. Úrskurður ráðherra
var á þann veg að allir hrepparnir
bæru ábyrgð á byggingu og rekstri
sjúkrahússins, þó þannig að
Grindavík og Vatnsleysuströnd
bæru ábyrgð að hálfu vegna legu
byggðarlaganna.
Þó lægð hafi verið í framkvæmd-
um á þessu tímabili, lögðu þó
ekki allir árar í bát og Kvenfélag
Keflavíkur hóf fjárscifnun til
kaupa á röntgentækjum.
HITAVEITA SUÐURNESJA
óskar Suöurnesjamönnum gleöilegra jóla
og farsœldar á komandi ári, og þakkar viðskiptin á
árinu sem er aö líða
HITAVEITA SUÐURNESJA
BREKKUSTÍG 36, NJARÐVÍK
322 FAXI