Straumar - 01.10.1927, Side 6

148
STRAUMAli
eilífu gTundvallarsannindum trúar og siðgæðis að endur-
fæðast með hverri kynslóð og verða styrkur hennar og
stoð í lífinu.
Svo hafa jafnan úfar risið með hinum ýmsu flokkum
kristninnar. Innbyrðis hafa þeir deilt um skilning ýmissa
atriða, og hefur þar hver togað sinn skækil. í deilum þeim
hefir einatt kent hatursþrunginna hugsana, en lítils bróð-
uranda. En nú á síðustu árum, er eymdin hefir aukist
mannkyninu svo mjög, vegna þessa síðasta heimsstríðs:
og er hörmung og böl eru nærri þær einu heimanfylgjur,
sem foreldrar geta gefið bömum sínum, þá hafa auga
margra góðgjamra manna opnast fyrir því, að ekki tjái
að hefja kristni meðal þjóðanna með fávíslegum flokka-
erjum, heldur sé heill þessa mannkyns undir því komin,
að gervöll kristnin sameinist í eina heild, er vinni að
því með öllum þeim krafti, sem Guð kann að ljá henni, að
græða mein manna, hindra hemað meðal þjóða og mynda
á jörðu hér allsherjar bræðralag, sem lifir samkvæmt
Guðs boðum.
Ýmsir fundir, sem haldnir eru víðsvegar um heim,
þar sem hver kirkjudeild á sinn fulltrúa, vinna nú að
þessu.
Vér íslendingar ættum eigi að reynast eftirbátar
bræðraþjóða vorra í samheldni gegn sameiginlegum óvin-
um kristninnar og öllu því, er andstreymt er trú og sið-
gæði, þótt hinar ýmsu stefnur rökræði ágreiningsatriði
sín.
Ærin verkefni bíða vor, er krefjast átaka allra þeirra,
sem unna réttlæti, trú og kærleika, hvort sem þeir teljast
andahyggjumenn, rétt-trúaðir eða nýguðfræðingar. Lög-
gjöf vor, eins og annara þjóða, byggist á heiðnum hugs-
unarhætti, þar sem auga er heimtað fyrir auga og tönn
fyrir tönn. Auðvaldsstefnan hefir skotið rótaröngum sín-
um í þjóðlíf vort, og vill telja mönnum trú um, að sálar-
heill fáist keypt fyrir gjallandi mynt. Auk þess bíða
margskonar böl og bágindi þess, að úr rætist.
Þjóð vor stendur á krossgötum. Andi tímans vill tæla
hana inn á breiðan veg þeirrar siðmenningar, er hefir það