Straumar - 01.12.1927, Blaðsíða 14

188
STRAUMAR
kenningar á því, að guð vilji, að þú nálgist hann og að þér
sé það unt, hefir það kenningakerfi orðið þér til mikils
gagns. Það hefir kent þér, að þú værir guðs bam eða guðs
ættar og að þér beri að viðhalda og efla kærleikssamband
þitt við hann í bænum þínum. Það hefir um leið kent þér
að líta á mennina sem bræður og syni hins sama föður
og knúið þig til að sameinast þeim í kærleika. Það hefir
valdið sinnaskiftum í sál þinni eða gert þér örugga stefnu,
sem þér fanst vafasöm áður. Aðalatriðið er, að
þú farir að lifa hið æðsta boðorð Kiists. —
En nú mætir þú öðrum manni, sem hefir komist til sömu
sannfæringar og sama lífernis, þótt hann aðhyllist annað
kerfi trúarlærdóma, og enn öðrum, sem ekkert sérstakt
guðfræðikerfi hefir látið sig máli skifta. Hver er nú mun-
urinn á þér og þeim? Hann er sá, að þið eruð allir í sam-
félagi heilagra, en knúðir þangað af ólíkum orsökum.
Þið eruð allir í guðs ríki, en einn kemur að sunnan, hinir
að austan eða vestan. Þið krjúpið að fótum hins sama
föður, hver við annars hlið, ólíkir í öllu nema elskunni og
trúnni á hann og kærleikanum til mannanna. Það er eng-
in hætta, þótt skoðanir ykkar fari ekki saman, ef þær
leiða ykkur alla að þessum sama árangri. Móðirin og fað-
irinn krefjast þess ekki, að bömin komi með sundurlið-
aða skýrslu um það, hversvegna þau elski þau; þeim er
nóg að sjá ástina og traustið skína úr augunum, og finna
alúð og einlægni í atlotum þeirra.
Sólin skín á þessa jörð og mennina, sem þar búa, án
tillits til þess, hvaða hugmyndir þeir hafa um hana, ef
þeir á annað borð lofa geislum hennar að komast til sín.
Mun guð þá ekki veita kærleikskraft sinn öllum þeim,
sem opna sig fyrir honum, hvaða skoðanir sem þeir hafa?
Ef þú ei*t þyrstur og stendur hjá svalandi lind, þá farðu
ekki að þrátta við félaga þinn um efnasamsetning vatns-
ins, heldur krjúp niður og sefa þorsta þinn. Að því loknu
getið þið í bróðerni rætt um lindina.
IV.
Er nokkuð dýrðlegra en þetta? Samfélag heilagra er