Ármann - 01.12.1965, Blaðsíða 21
Kaupmannahöfn á leiðinni til baka. Við vorum flestar samþykkar því,
þar sem við undum hag okkar alveg prýðilega. En samt kom laugar-
dagskvöldið, er við þurftum að kveðja alla nýju félagana okkar, og var
það ekki svo auðvelt.
Ferðin heimleiðs gekk eins og í lygasögu. Farið var alveg sömu leið og
við komum. í Kaupmannahöfn var dvalið rúman dag, sem var notaður
til að verzla, og síðasta kvöldið okkar í „útlandinu“ skemmtum við okk-
ur í hjarta borgarinnar „Tívolí“.
Daginn eftir var farið með lest til Gautaborgar og þaðan flogið til
Keflavíkur. Þar tók Guðmundur Jónasson á móti okkur og sá um, að
við komumst heilu og höldnu til Reykjavíkur. Vorum við allar fegnar
að komast heim eftir erfiða ferð. Eitt er þó víst, að við vorum allar hæst
ánægðar með hana. Viljum við svo ljúka þessari frásögn með því að
þakka. ferðastjórninni alla fyrirhöfn, vegna fararinnar.
Sund
Ármann hefur oft átt á að skipa góðum sundmönnum og sundkonum.
Nægir að nefna nöfn eins og Anna Ólafsdóttir, Þórdís Árnadóttir,
Kolbrún ólafsdóttir, Ágústa Þorsteinsdóttir, Pétur Kristjánsson, Ein-
ar Kristjánsson o. m. fl. Þau áttu flest íslandsmet í sínum sund-
greinum, er þau voru upp á sitt bezta, en þau met eru nú öll fallin,
ýmist í hendur Ármenninga eða annars sundfólks.
Undanfarin ár hefur ekki borið eins mikið á Ármenningum í sund-
greinum fullorðinna og áður fyrr, nema þá helzt í ár. Þeim mun meira
hafa Ármenningar látið að sér kveða í unglingasundunum, og eiga
Ármenningar nú flest unglingamet í sundi.
Okkar bezta sundfólk í dag er: Matthildur Guðmundsdóttir, sem er
mjög fjölhæf sundkona. Brinkusund og baksund eru hennar beztu
greinar, og á hún nú tvö íslandsmet í bringusundi, en auk þess á hún
19 telpna- og stúlknamet í ýmsum sundgreinum. Matthildur er aðeins
16 ára.
Hrafnhildur Kristjánsdóttir er að verða okkar sterkasta sundkona, að-
eins 14 ára gömul. Hún hefur þegar sett tvö íslanusmet í skriðsund-
um, og auk þess á hún 12 telpna- og stúlknamet í skriðsundi, flugsundi
og baksundi.
ÁRMANN
21