Útvarpstíðindi - 02.05.1949, Blaðsíða 23
Útvarpstíðindi
167
„Jæja, — — jæja? —“ sagði ég, „hvað heitið þér annars?“
„William Jacksonsagöi hann.
Og þar sem ég er mjög fljótur að hugsa, sá ég þegar í hendi mér, hvað fyrir
hafði komið. Þetta var náunginn, sem ég átti í rauninni að sýna dráttarvélina,
en ég hafði af ofur eðlilegum ástæðum ruglast á nafni hans og herra John-
sons. Það ætti að banna með lögum, að tveir menn með svo lík nöfn stundl
svo líka atvinnu í sömu borg.
Þetta endaði nú samt allt vel. Og þar sem ég er fæddur sölumað'ur frá nátt-
úrunnar hendi, ákvað ég að hið eina rétta væri að fara með manninum í
bankann — hvað ég og gerði, og nú á hann dráttarvélina.
Ég sendi hér með hina staðfestu ávísun. Og ég hef ákveðið að dveljast hér
í borginni enn um skeið, ef mér skyldi heppnast að selja fleiri vélar.
Yðar einlægur
Alexander Botts.
SÍMSKEYTI
Ánamaðkaborg Ills 1015 22/3. 1920
ALEXANDER BOTTS
Delta gistihúsi
Cyprus City Missisippi.
Móttekið fyrstu skýrslu yðar og kostnaðarreikning Stop Þér eruð rekinn
Stop Ræðum um kostnaðarreikninginn bréflega Stop Ef þér svo mikið sem
snertið við dráttarvélinni aftur munum við sækja yður að sök samkvæmt
þyngstu lagalegum ákvæðum.
Dráttarvinafélagið Bændavinur
Gilbert Henderson sölustjóri.
SÍMSKEYTI
Cyprus City Miss 51 OP 22/3. 1920
Dráttarvinafélagið Bændavinur Co.
Ánamaðkaborg Ills.
Móttekið bréf yðar Stop Bíðið þar til fáið næstu skýrslu mína Stop Og ekki
nóg með það Stop Allur bærinn talar um hina dásamlegu dráttarvélasýningu
mína Stop Johnson kom og pantaði tvær dráttarvélar Stop Plóðgarðabygging-
arfélagið í bænum hefur pantað eina Stop Næsta vika á að vera Dráttarvéla-
vika í Cyprus City Stop Fjöldafundur borgara mánudag til að ákveða hversu
margar ánamaðkadráttarvélar borgin eigi að kaupa til vegagerða og veghefl-
unar Stop Fjöldafundur skógarhöggsmanna þriðjudag hvar ég mun hvetja þá
til að kaupa dráttarvélar og Jackson og Johnson munu leggja orð í belg með
mér Stop Ákveðið að taka á móti pöntunum skógarhöggsmanna á miðviku-
dag fimmtudag föstudag og laugardag einnig fyrir byggingarfélög og aðra
Stop Segið verkfræðingum ykkar að auka framleiðsluna Stop Betra fyrir yður
að endurskoða símskeyti yðar sent morgun.
Alexander Botts.
(Framh.)