Bankablaðið - 01.04.1936, Side 1

BANKABLAÐIÐ
2. ÁRG. APRÍL 1936 | 1. TBL. '
/
Námssjóður starfsmarma Landsbanka Islands.
Eins og bankamenn sjálfsagt muna,
gaf Landsbanki íslands starfsmönnum
sínum kr. 25.000.00 til sjóðstofnunar í
tilefni af 50 ára afmæli bankans 18.
sept. s.l. — Var svo fyrir mælt í yfir-
lýsingu bankans um gjöf þessa, að
skipulagsskrá skyldi samin af félagi
starfsmanna, sem viðurkennt væri af
stjórn bankans og skipulagsskráin síð-
an samþykkt af stjórn bankans.
Fyrir all-löngu var kosin nefnd til
þess að semja skipulagsskrá. Skilaði
hún frumvarpi, en um það hefir síðan
staðið all-mikill styr, þar til nú nýlega,
að samkomulag hefir náðst, og skipu-
lagsskráin öðlazt staðfestingu banka-
ráðsins, 18. apríl. Þykir ekki ástæða til
að rekja þær umræður eða afleiðing-
ar, er „fæðingin" hafði í för með sér,
en þar sem telja má víst, að banka-
menn almennt hafi beinlínis og óbein-
línis áhuga fyrir þessu máli, þykir vel
hlýða að birta hér skipulagsskrána í
heild, og er hún svo hljóðandi:
SKIPULAGSSKRÁ
fyrir
námssjóS starfsmanna Landsbanka Islands.
1. gr.
Sjóðurinn heitir: Námssjóður starfs-
manna Landsbanka íslands og er
eign starfsmanna hans, undir stjórn
st£,rfsmannafélags, sem viðurkennt er
af stjórn bankans.
2. gr.
Stofnfé sjóðsins er kr. 25.000 —
tuttugu og fimm þúsund króna — gjöf
frá Landsbanka íslands til starfsmanna
bankans á 50 ára afmæli hans 18. sept,
1935.
3. gr.
Tilgangur sjóðsins er að styrkja
starfsmenn bankans til aukinnar
menntunar í starfsgrein þeirra, inn-
anlands eða utan.
4. gr.
Höfuðstól sjóðsins má aldrei skerða,
og ávaxtist hann í Landsbanka ís-
lands, eða verðbréfum hans.
5. gr.
Af vöxtum sjóðsins skal árlega
verja % hlutum til styrktar starfs-
mönnum bankans, í fyrsta sinni árið
1937.
Þegar sjóðurinn er orðinn kr. 50,-
000 — fimmtíu þúsund krónur —
skal verja % hlutum vaxtanna árlega,
og er hann nemur kr. 100,000 — eitt
hundrað þúsund krónum — skal verja
% hlutum í sama tilgangi. Falli styrk-
ur niður eitt skipti eða fleiri, má veita
hann síðar eftir ákvörðun sjóðsstjórn-
ar.
Verði styrkur eigi veittur í þrjú ár
samfleytt, skal leggja vextina alla við
höfuðstól fjórða árið, ef styrkveiting
fellur þá einnig niður, og alltaf síðan,