Bankablaðið - 01.04.1936, Qupperneq 14

14
BANKABLAÐIÐ
Þórhalli Tryggvasyni úr Búnaðarbank-
anum. Kjörbréfanefnd fann ekkert að
athuga við umboð þau, er fyrir lágu.
Fór kosning þá fram, og var
Einvarður Hallvarðsson
kosinn forseti fyrir næsta ár.
Kosning meðstjórnenda fór þannig, að
kosningu hlutu:
af A-lista: F. A. Andersen,
- C-lista: Elías Halldórsson,
- B-lista: Haukur Þorleifsson,
- A-lista: Björn Björnsson.
en í varastjórn þessir:
af A-lista: Jóhanna Þórðardóttir,
- A-lista: Gísli Gestsson,
- C-lista: Guðm. Ólafs,
- B-lista: Sig. Bjarklind.
Endurskoðendur voru kosnir:
Jón Jónsson, Landsbankanum,
Jóhann Árnason, Útvegsbankanum.
Hinn nýkjörni forseti gerði tillögu um
það, að árstillög sambandsfélaga væru
óbreytt og innheimtu hagað á sama hátt
og áður. Var þetta samþykkt með öllum
atkvæðum gegn einu.
Talaði forseti síðan nokkur orð til
fundarmanna og óskaði þess, að menn
vildu líta á sambandið sem eina heild,
en ekki vera með reipdrátt um það, úr
hvaða banka menn væru.
Fleira var ekki tekið fyrir.
Fundi slitið.
Félag starfsmanna Búnaðarbanka ís-
lands var stofnað 7. febrúar.
Stjórnina skipa:
Þórður Sveinsson, formaður.
Magnús Þorsteinsson, ritari.
Þórir Baldvinsson, gjaldkeri.
Húsabyggingar
bankamanna.
I síðastliðnum septembermánuði vakti
eg máls á því hér í blaðinu, hvort ekki
myndi mögulegt fyrir bankamenn að
mynda einhverskonar samtök um bygg-
ingu íbúðarhúsa, og skoraði jafnframt
á stjórn S. í. B., að taka það mál til
yfirvegunar hið allra fyrsta.
Það hefir vakið undrun okkar margra,
hve þessu þýðingarmikla máli hefir ver-
ið lítill gaumur gefinn, og áhugi fyrir
því meðal bankamanna yfirleitt virðist
ekki hafa verið eins mikill og mátt hefði
ætla. Eg hefi reyndar heyrt, að fráfar-
andi stjórn Sambandsins hafi eitthvað
leitað fyrir sér um væntanlega lántöku,
en með litlum eða engum árangri, og á
fyrsta fundinum í vetur stóð til að gef-
in yrði skýrsla um þær tilraunir, en ein-
hverra orsaka vegna var því þá frestað
og síðan hefir ekkert heyrzt um málið.
Nú vil eg beina þeirri spurningu til
sambandsstjórnarinnar, hvort mögu-
leikarnir fyrir byggingarsamtökum
meðal bankamanna hafi verið ýtarlega
rannsakaðir, og ef svo skyldi vera, að
hvaða niðurstöðu hafi verið komizt. En
sé þetta enn að mestu leyti órannsakað,
þá endurtek eg áskorun mína um, að
stjórnin geri ráðstafanir til að málið
verði skjótlega tekið til rækilegrar at-
hugunar.
sv.
Bankamenn
verzlid við þá, sem
auglýsa í
Bankablaðinu.