Bankablaðið - 01.12.1978, Side 30

Starfsmannafélag
Verslunarbanka íslands
20 ára
Fyrir rétt rúmum 20 árum,
eða nánar tiltekið 31. október
1958, skutu 17 starfsmenn
Verslunarsparisjóðsins á
fundi og stofnuðu með sér fé-
lag. Félag þetta varð síðar
Starfsmannafélag Verslunar-
banka íslands, skammstafað
S.V.I.
Strax í öndverðu gerðist fé-
lagið aðili að Sambandi ísl.
bankamanna og hefur æ síð-
an sótt styrk til þeirra heildar-
samtaka bankamanna í ýmsu
því er snert hefur hagsmuni
félaganna.
Félagið hefur síðan starf-
að með mismiklum þrótti, en
félagslegurdoði og áhugaleysi
aðila hefur jafnan háð starf-
semi þess nokkuð. Blóma-
skeið starfseminnar verða því
jafnan rakin til ötuls starfs
nokkurra einstaklinga, sem
með ótrúlegri eljusemi hafa
fórnað sér fyrir málstað fé-
lagsins.
Sé litið yfir farinn veg verð-
ur manni hugsað til ýmissa
skemmtana, sem félagið hef-
ur gengist fyrir og allar tekist
með hinum mestu ágætum.
Skemmtanir þessar hafa
stuðlað að betri kynnum
starfsmanna og aukið á fé-
lagskennd þeirra. í annan
stað mætti minnast reksturs
sykurhúss (sjoppu) innan
bankans, sem jafnan hefur
haft á boðstólum ýmislegt
munngæti. Hefur það glatt
hina fjölmörgu sælkera fé-
lagsins og létt á streitu í dags-
ins önn að geta keypt sér
flösku af mineralvökva ásamt
öðru moði.
Hámark starfsemi félagsins
verður að telja byggingu
tveggja sumarbústaða í landi
Ásólfsstaða í Þjórsárdal. —
Þessu marki var náð með
fjárstyrk frá bankanum og
sjálfboðavinnu starfsmanna.
Verður að telja það öflugt
framtak ekki stærra félags að
ná að iyfta slíku Grettistaki,
og verður þeim seint fullþakk-
að, sem hvað mest létu af
mörkum til þessa málefnis.
Þann 28. október síðastlið-
inn minntist félagið 20 ára af-
mælis síns með myndarlegu
hanastélsboði í húsnæði S.Í.B.
að Laugavegi 105. Voru þang-
að boðnir allir núverandi sem
fyrrverandi félagar, banka-
stjórar, bankaráð auk for-
manns og stjórnar S.Í.B.
Voru félaginu fluttar þar
árnaðaróskir og einnig voru
því færðar gjafir.
Varð þetta teiti hin mesta
og þótti mjöður sá, er skenkt-
ur var, hinn Ijúfasti, en í anda
núverandi ríkisstjórnar þótti
tilhlýðilegt að bjóða upp á
„Black Russian".
Að þessu loknu var fjöl-
mennt að Hótel Loftleiðum í
tveimur strætisvögnum, sem
sérstaklega voru leigðir í því
skyni að flytja gestina á milli.
Mun það mörgum ógleyman-
leg lífsreynsla að hafa fengið
að aka í strætisvagni með
jafn hreyfu föruneyti og er
það mál vagnstjóranna að
sjaldan hafi sést glaðlegri far-
þegar.
Að Hótel Loftleiðum var
snæddur kvöldverður hinn
Ijúffengasti og síðan stiginn
dans. Var fótaburður manna
yfirleitt í beinu hlutfalli við
magn það, sem þeir höfðu
náð að innbyrða af hanastéli
fyrr um kvöldið.
Þegar hér kemur var álitið
rétt að Ijúka frásögninni, þar
eð heimildir þykja ekki áreið-
anlegar.
BANKABLAÐIÐ
sendir stjórn og félögum Starfsmanna-
félags Verslunarbanka íslands
bestu afmæliskveðjur.
24 BANKABLAÐIÐ