Bankablaðið - 20.12.1981, Blaðsíða 4
4
SKAMMTÍMASAMNINGAR
GERÐIR EFTIR LANGT ÞÓF
Hliðstæðir samningum annarra stéttarsamtaka
Verkfallsaðgerðir þóttu ekki fýsilegar nú
Brdðabirgðalausn fram til 31. maí í vor
Samningarnir samþykktir með miklum meirihluta
atkvæða i allsherjaratkvæðagreiðslu
Eftir tímafrekt samningaþóf hjá ríkissátta-
semjara í októbermánuði, án þess að nokk-
uð miðaði í átt til samkomulags, ákvað SÍB
hinn 26. október, að boða til vinnustöðv-
unar félagsmanna sinna frá og með mið-
nætti aðfaranótt 12. nóvember 1981. Á
fundinum var einnig samin greinargerð
um ástæður verkfallsboðunarinnar, og var
hún send öllum félagsmönnum sam-
bandsins. Jafnframt var samþykkt að
koma á fót verkfallsnefnd er sæi um fram-
kvæmd hugsanlegs verkfalls.
Sáttatillaga frá ríkissáttanefnd
Ríkissáttanefnd hóf nú þegar að undirbúa
gerð sáttatillögu, eins og lög gera ráð fyrir.
Tillagan var lögð fram föstudaginn 6. nóv-
ember og atkvæðagreiðsla ákveðin 16. og
17. nóvember.
Sáttatillagan gerði ráð fyrir gildistíma
frá 1. nóvember 1981 til 1. maí 1983, 6%
grunnkaupshækkun á samningsu'manum,
nokkrum breytingum á starfsaldursálagi
o. fl. Stjórn SIB, samninganefnd og for-
menn starfsmannafélaganna voru þegar á
einu máli um að skora á félagsmenn að
fella sáttatillöguna. Meginrökin voru að
gildistími hennar væri of langur og með
hliðsjón af svo löngum gildistíma væru
önnur atriði tillögunnar alls ófullnægj-
andi.
11. nóvember boðaði SÍB til almenns
félagsfundar á Hótel Sögu. Skemmst er
frá að segja, að um 600 manns komu á
fundinn og ríkti þar mikill einhugur um
að fella sáttatillöguna.
Tveimur sólarhringum áður en sáttatil-
lagan var borin undir atkvæði félags-
manna, gerðust óvæntir atburðir hjá ríkis-
sáttasemjara. Samninganefndir ASI og
VSI gerðu með sér skammtímasamning til
15. maí 1982. Samningur þessi gerði ráð
fyrir 3.25% launahækkun.
Sáttatillagan kolfelld
Atkvæði úr allsherjaratkvæðagreiðslunni
voru talin hjá embætti ríkissáttasemjara
föstudaginn 20. nóvember 1981. Úrslit
urðu sem hér segir:
Á kjörskrá 2.490
Atkvæði greiddu: 2.314
eða 92,93%
Atkvæði féllu þannig:
Andvígir sáttatillögu: 2.194 eða 92.87%
Samþykkir sáttatillögu: 118 eða 5.09%
Auðir seðlar: 47 eða 2.04%.
I bankaráðunum var sáttatillagan sam-
þykkt með 96% atkvæða. 4% seðla voru
auðir.
Samningar takast
Ljóst var, að eftir að ASÍ og VSÍ höfðu
gert skammtímasamkomulag sitt, hafði
línan verið mörkuð á vinnumarkaðinum
og taldi samninganefnd SIB að erfitt yrði
að brjótast út úr þeim farvegi. Nú var
gengið til samningafunda á ný. Eftir lang-
ar samningalotur hjá ríkissáttasemjara
tókst samkomulag, sem í meginatriðum
var sniðið eftir samkomulagi ASI og VSÍ.
Prentarar höfðu þá átt í rösklega viku
verkfalli, og tókst ekki að semja um um-
talsverðar viðbætur við samning ASÍ. Fé-
lagsmenn SIB höfðu lagt mikla áherslu á
að nýr samningur gilti frá því síðasti samn-
ingur rann út, eða frá 1. september. Þetta
náðist fram, en eftir langt þóf. Þó að samn-
ingurinn gengi ekki eins langt í nokkrum
atriðum sem sáttadllagan, þótti samninga-
nefnd SIB hann betri kostur, einkum og
sér í lagi vegna þess hve hann var stuttur,
en sáttatillagan gerði hins vegar ráð fyrir
miklu lengri samningstíma.
Frá hinum fjölmenna fundi SÍB um sáttatillöguna í Súlnasal Hótel Sögu.