Jazzblaðið - 01.12.1951, Síða 10

Í5LENZKIR HLJDÐFÆRALEIKARAR
Jón (bassi) Sigurðsson
Eitt yngsta hljóðfærið í danshljóm-
sveitum hér á landi er kontrabassinn.
Nokkrir menn voru að vísu, sem léku á
bassa í hinum eldri danshljómsveitum,
en það fór aldrei mikið fyrir þeim, enda
varla miðlungsmenn á hljóðfærið. Það
var ekki fyrr en á árinu 1946, þegar
Einar B. Waage byrjaði að kenna hér
á bassa, eftir að hafa verið við nám í
U. S. A., sem nýir menn fóru að reyna
við hljóðfærið, og þá ekki sem auka-
hljóðfæri eins og allir hinna eldri, held-
ur sem aðalhljóðfæri. Fyrstu nemendur
Einars B. Waage voru þeir Hallur Sím-
onarson, Axel Kristjánsson og sennilega
einn eða tveir í viðbót, sem gáfust upp.
Þeir Hallur og Axel fóru brátt að leika
á bassa með hljómsveitum, en sá bassa-
leikarinn, sem mest hefur borið á í seinni
tíð er nokkuð yngri en þeir Hallur og
Axel, þ. e. a. s. Jón Sigurðsson, sem nú
leikur í hljómsveit Björns R. Einars-
sonar.
Jón var farinn að leika lítilsháttar á
guitar fimmtán ára gamall, 1947. Hann
hafði mikinn áhuga fyrir tónlist og var
búinn að biðja móður sína um leyfi til
að fara á tónlistarskólann, þegar hann
byrjaði næsta haust. En ekki vissi hann
enn hvaða hljóðfæri hann ætlaði að læra
á. Hann réðist „á síld“ um sumarið og
hlustaði hann á alla tónlist, er útvarpið
flutti, en oft var „skipperinn" að nota
talstöðina til sinna erinda, svo að ekki
voru of mörg tækifæri til að hlusta.
Þegar eitt slíkt tækifæri gafst heyrði
hann plötu, þar sem aðaleinleikarinn var
bassaleikari. Þá ákvað hann strax að
læra á bassa. Síðar kom í ljós, að plata
sú, er hann heyrði var „One bass hit“,
með Dizzy Gillespie hljómsveitinni og
Ray Brown sem bassaleikara.
Jón hóf nám á bassa hjá Einari strax
um haustið, og ekki hafði hann fengizt
við bassaleik lengi, þegar hann byrjaði
að leika fyrir dansi. Var hann í „lausa-
bissness" með Árna ísleifs píanóleikara
og fleirum þennan vetur. Þegar Tívoli
byrjaði næsta sumar, fór hann til Jan
Morávek, þar sem hann segist hafa lært
sérstaklega mikið. Ennfremur segir
hann, að það sumar hafi verið skemmti-
legasta tímabil hans við hljóðfæraleik-
inn, enn sem komið er, bætti hann svo
við. — Jón er nefnilega ekki nema 19
ára gamall, svo að hann á eflaust eftir
að leika víða enn. Hann fæddist 14.
marz 1932 á Þingeyri í Dýrafirði. Til
Reykjavíkur fluttist hann 11 ára gamall.
Haustið 1948 byrjaði hann í hljóm-
sveit Jóhanns G. Halldórssonar í Góð-
templarahúsinu, og var hann þar áfram,
er Jan Morávek tók við hljómsveitinni
nokkru síðar. Hann lék í Góðtemplara-
húsinu í eitt og hálft ár, eða fram í
ágúst 1950, en þá fór hann til Baldurs
Kristjánssonar í Tívolí. Þar var hann
þó aðeins í nokkrar vikur, en í nóvem-
ber fór hann til Björns R. Einarssonar,
þar sem hann leikur nú.
Jón hefur auk þessa leikið í þeim
stóru hljómsveitum, er komið hafa fram
á hljómleikum hér undanfarin tvö ár.
Hann hefur manna oftast leikið á jam-
10 ^azzlUií