Útvarpstíðindi - 11.10.1948, Blaðsíða 14

374
ÚTVARPSTÍÐINDI
Og þessi ágæta veðurlýsing er og
eftir Björgu:
Vestan blika á kúfnum kalda
á Kaldbak hleður.
Sunnan kvika, utan alda,
austanveður.
Þessi vísa er eignuð Björgu:
Slingur er spói að semja söng,
syngur lóa heims um bing.
Kringum flóa góms um göng
glingrar kjóa hljómstilling.
Svo var sagt, að Björg kæmi eitt
sinn á bæ nokkurn og fór barn, er
þar var að gráta, er það sá hana,
því að það hræddist hana, en hún
var stórskorin og tröllsleg ásýndum,
en gáfuð í tali. Þá kvað hún:
Get eg að ég sé grýlan barna
af guðunum sköpt í mannalíki.
Á mig starii- unginn þarna
eins og tröll á himnaríki.
Og u.m iðju sína yrkir hún svo:
Eg er að góna upp á sjónarhólinn
oft að tóna óðarbland
og að prjóna mórautt band.
Sagt var, að Björg hefði kveðið
á glugga í Kaupangi, yfir Björgu
ömmu Guðmundar nokkurs á Varð-
gjá og hefur þá að líkindum, eins
og vísan bendir til, ckki verið heil
heilsu:
Æðir fjúk um Ýmisbúk,
ekki er sjúkra veður.
Klæðir hnjúka, hríð ómjúk,
hvítum dúki meður.
Hefi ég hér leitast við að draga
fram nokkur af kvæðum og vísum
Látra-Bjargar, þeirra, er til hefur
náðst, en af mörgu er að taka, þótt
engum efa sé bundið, að margt hafi
einnig glatast og týnst. En í stuttu
útvarpserindi er ekki unnt að flytja
það allt, t. d. verð ég nú að sleppa
öllum sveitavísum Bjargar, sem orð-
ið hafa landfleygar. Einnig mörgum
af kunnum tækifærisvísum, svo og
ýmsum gamankvæðum og flestum
vísum hennar um sjóróðra. Gefist
mér tækifæri síðar að korna hér
fram í útvarpinu, mun ég geta bætt
nokkru við það, sem hér hefur verið
flutt.
Vera má, eins og ég í upphafi
tók fram, að einhverjar af þeim
vísum, sem ég hefi flutt, séu öðrum
eignaðar eða ekki rétt með farnar
og kynni ég þeim, er betur vita
beztu þakkir fyrir góðar vísbend-
ingar.
Utvarps-
AUGLÝSINGAR og
TILKYNNINGAR
Afgreiddar frá kl. 9 til 11
og 16.00 til 18.00 alla virka
daga.
Sunnudaga og helgidaga
kl. 11.00—11.30 og 16—17,
eigi á öðrum tímum.
Sími 1095.