Morgunblaðið - 24.12.2008, Síða 46

46 Umræðan
MORGUNBLAÐIÐ MIÐVIKUDAGUR 24. DESEMBER 2008
Munið að algengasta orsök kertabruna
er röng meðferð kerta
Munið að slökkva
á kertunum
Slökkvilið
Höfuðborgarsvæðisins
3.
Þ
að er heilbrigðu, mannlegu viti og tilfinn-
ingu eðlilegt að minnast með þökk og
virðingu þess móðurlífs þar sem ævin
hófst.
Heiðra skaltu föður þinn og móður þína.
Þetta er ein af tíu frumreglum sem Guð hefur sett
til varnar og tryggingar mannlegri farsæld.
Að heiðra föður og móður felur m.a. í sér það að
við hvert um sig hugsum með hljóðri lotningu um þá
skapandi andrá í lífi þeirra, þegar við urðum til, þeg-
ar þau urðu faðir og móðir okkar.
Upphaf okkar hvers og eins í móðurlífi er mikið
undur.
Hvernig er sagan af því?
Hana má segja með þessum hætti:
Einu sinni var fruma. Ein, einstök fruma. Og hún
varð til við samruna tveggja.
Það kallast getnaður þegar þetta gerist.
Sæðisfruma finnur egg eftir leit, asafengna,
ákafa, en markvísa leit. Og upp kemur þessi eina. Sú
eina til dæmis sem varð þú.
Og í henni bjó allt, hvert tangur og tetur, hvert
einasta listbragð í öllu þessu margslungna munstri
sem þú geymir og ert.
Og allt, sem varð þú, eins og þú ert, þar sem þú
situr,
liggur, gengur, vinnur, með allt það inni í þér, sem
þú hefur reynt og lifað, hugsað, strítt við og notið.
Ég er hér með bók í höndum, þar sem vikið er að
þessari furðulegu sögu, sem við eigum öll að baki
(Gunnar Edman: Ett litet grönt ord). Þar er vitnað í
frumufræðing, Thomas Lewis, sem sagður er al-
kunnur maður á sínu vísindasviði, en hann segir að
enginn maður í veröldinni geti skilið þetta undur eða
skýrt það. Frammi fyrir því standi allar mannlegar
gáfur og lærdómur án skilnings og orðvana.
Ætli við eigum ekki öll heima við hliðina á þeim
manni, sem fyrir hart nær þrjú þúsund árum var að
tala við Guð um tilveru sína og sagði við hann:
Ég lofa þig fyrir það að ég er undursamlega skap-
aður, undursamleg eru verk þín.
Þar voru allir þeir möguleikar eða hæfileikar sem
áttu eftir að koma í ljós og þú hefur notið til þessa
dags. Og vafalaust duldist þar miklu meira en það
sem hefur náð að koma fram eða næst fram í þessu
lífi.
Allt var þetta hulið í þessari frumu sem ekkert
auga sá og væri hverju mannlegu auga ósýnileg.
Og um leið og þetta undur var orðið til, þessi
fruma, fór hún að skipta sér, varð tvær, síðan fjórar,
síðan átta og þannig áfram, þangað til allir þessir
milljarðar af frumum líkamans voru orðnir til.
En á vissu andartaki þessarar sköpunarsögu kem-
ur ein mjög svo sérkennileg fruma til sögunnar og
tekur sig út úr, veit að hún hefur sérstætt hlutverk,
tekur sína stefnu samkvæmt því og finnur sinn stað,
þar sem það heilabú á að koma sem henni er ætlað.
Og hún fer að skipta sér eins og köllun hennar
býður. Og heldur því áfram þar til komnar eru allar
heilafrumurnar, mannsheilinn allur með sína millj-
arða af sérhönnuðum frumum.
Ein örlítil fruma gat rúmað allt, sem söng í Bach,
allt, sem
leiftraði fyrir sjónum Rembrandts, allt, sem New-
ton og Einstein gátu reiknað út, allt, sem sjálfur
Jesús Kristur gat hugsað, sagt og gert í jarðlífi sínu.
Leit og svör
» Sæðisfruma finnur egg eftirleit, asafengna, ákafa, en
markvísa leit. Og upp kemur þessi
eina. Sú eina til dæmis sem varð þú.
Pistlar sr. Sigurbjörns
Einarssonar, sem Morg-
unblaðið birti á sunnu-
dögum fyrr á þessu ári,
vöktu mikla ánægju með-
al lesenda. Um það
samdist, milli sr. Sig-
urbjörns og Morg-
unblaðsins, að hann héldi
áfram þessum skrifum
og hafði hann gengið frá
nýjum skammti áður en
hann lést.
Sigurbjörn
Einarsson
VIÐ vitum það öll,
að minnsta kosti innst
inni, að heilsan er dýr-
mætari en flest annað
sem við eigum. Á erf-
iðleikatímum eins og
við mætum núna er
ennþá mikilvægara en
áður að hlúa að sjálfum
sér. Þau verðmæti sem
felast í góðri heilsu;
jafnvægi hugar, líkama og sálar,
verða seint ofmetin og missa ekki
gildi sitt. Það hafa eflaust margir
fundið á eigin skinni þessar síðustu
vikur að tengsl sálar og líkama eru
sterk, að áhyggjur, kvíði og reiði
gera óumdeilanlega vart við sig í lík-
amanum. En við áttum okkur líka á
að það er misjafnt hvað það er sem
snertir fólk illa, misjafnt hvernig
fólk bregst við. Við finnum að hug-
urinn er sterkt afl, bæði til að brjóta
okkur niður; draga úr okkur mátt-
inn, en líka til að byggja okkur upp
og sjá ljósið í myrkrinu. Það er mik-
ilvægt að við finnum styrk til að tak-
ast á við lífið á breyttum forsendum,
að komast í tengsl við þá innri krafta
sem í okkur öllum búa til þess að
komast í gegnum erfiðleika og
áskoranir og öðlast jafnvægi, hvað
svo sem á dynur.
Heildræn nálgun er kjarninn í
mörgum greinum náttúrulækninga,
og snýst um líta á manneskjuna sem
eina heild hugar, líkama og sálar.
Þetta er gert eftir mismunandi leið-
um, en allar aðferðir ganga út frá
ákveðnum lögmálum sem hægt er að
nota sem módel eða leiðarvísi til
bættrar heilsu og hamingju. Heild-
ræn meðferð snýst um að við séum
sjálf stærri en summa
parta okkar, og að líf
okkar sé hluti af stærri
heild, hvort sem það er
lagður í það líf-
fræðilegur eða and-
legur skilningur, og lúti
þess vegna þeim lög-
málum sem lífið lýtur
allt. Þessa heild náum
við e.t.v. aldrei að skilja
til fulls, en þá visku
sem hefur sprottið upp
úr þessari nálgun get-
um við notfært okkur
til að öðlast jafnvægi.
Heildræn meðferð skoðar ein-
staklinginn frekar en einstaka
„parta“, einkenni hans og eiginleika,
og leitar eftir samhengi í sögu hvers
og eins, til þess að styðja þá veiku
hlekki sem orsaka það ójafnvægi eða
einkenni sem eru til staðar. Sá sem
sækist eftir góðri heilsu ætti að leit-
ast við að kynnast sjálfum sér,
hverjir eiginleikar hans eru og
hvernig þeir birtast bæði í styrk og
veikleika, og bera virðingu fyrir
þeim og átta sig á raunverulegu
samhengi þeirra einkenna sem
brjótast fram. Heilbrigð manneskja
er ekki einungis „einkennalaus“,
heldur er hamingjusöm, líður vel í
eigin skinni og hefur styrk, lík-
amlegan og andlegan, til að mæta
álagi í hvaða formi sem það birtist.
Það er okkar, hvers og eins, að taka
ábyrgð á eigin lífi og líðan og að sjá
hvað það er sem þarf að breytast.
Hluti af því að breyta hlutum í lífi
sínu til hins betra og öðlast góða
heilsu er að kunna að leita sér hjálp-
ar. Við erum svo heppin að lifa á tím-
um þar sem þekking, kunnátta og
viska heildrænna meðferða er okkur
aðgengileg, og nóg til af fólki og
fræðum sem getur hjálpað okkur til
að öðlast nægan styrk til að mæta
því sem lífið býður og njóta þess.
Heilsan er númer
eitt – heildræn
nálgun við lífið
Ágústa Kristín
Andersen skrifar
um heilsuna, líkama
og sál
Ágústa Kristín
Andersen
»Heildræn nálgun er
kjarni náttúrulækn-
inga, heilbrigði er jafn-
vægi í samspili hugar,
líkama og sálar. Áhersla
er á að hjálpa þér að
hjálpa sjálfum þér.
Höfundur er nálastungufræðingur og
hómópati.
MORGUNBLAÐIÐ birtir alla útgáfudaga aðsendar
umræðugreinar frá lesendum. Blaðið áskilur sér rétt til að
hafna greinum, stytta texta í samráði við höfunda og
ákveða hvort grein birtist í umræðunni, í bréfum til blaðs-
ins eða á vefnum mbl.is. Blaðið birtir ekki greinar, sem eru
skrifaðar fyrst og fremst til að kynna starfsemi einstakra
stofnana, fyrirtækja eða samtaka eða til að kynna við-
burði, svo sem fundi og ráðstefnur.
Innsendikerfið
Þeir sem þurfa að senda Morgunblaðinu greinar eru
vinsamlega beðnir að nota innsendikerfi blaðsins. Formið
er undir liðnum „Senda inn efni“ ofarlega á forsíðu mbl.is.
Einnig er hægt að slá inn slóðina www.mbl.is/sendagrein
Ekki er lengur tekið við greinum sem sendar eru í
tölvupósti.
Í fyrsta skipti sem formið er notað þarf notandinn að
nýskrá sig inn í kerfið, en næst þegar kerfið er notað er
nóg að slá inn netfang og lykilorð og er þá notandasvæðið
virkt.
Ekki er hægt að senda inn lengri grein en sem nemur
þeirri hámarkslengd sem gefin er upp fyrir hvern efn-
isþátt en boðið er upp á birtingu lengri greina á vefnum.
Nánari upplýsingar gefur starfsfólk greinadeildar.
Móttaka aðsendra greina
Fréttir
í tölvupósti