Morgunblaðið - 24.12.2008, Síða 48

48 Umræðan
MORGUNBLAÐIÐ MIÐVIKUDAGUR 24. DESEMBER 2008
FRÁ ÞVÍ í nóvember 2007 hefur
Samband íslenskra framhalds-
skólanema, SÍF, starfað að mál-
efnum framhaldsskólanema. Þegar
sambandið var stofnað ákvað hópur
nemendafélaga að standa utan við
það sakir grundvallarskoðanamunar
á rekstri og áherslum sambandsins,
og starfar þess í stað saman innan
Hagsmunaráðs íslenskra framhalds-
skólanema, HÍF. Ein af ástæðum
þess að viðkomandi nemendafélög
ákváðu að sniðganga SÍF var að
sambandið þiggur yfir sex milljóna
króna styrk frá menntamálaráðu-
neytinu á ári hverju. Þar með rýrir
sambandið trúverðugleika sinn um-
talsvert, enda snýr hagsmunagæsla
samtakanna að stærstum hluta að
viðkomandi ráðuneyti. Því hefur
HÍF aldrei sóst eftir slíkum styrkj-
um.
Í fjárlögum ársins 2009 er hins
vegar gert ráð fyrir því að þessi
styrkur SÍF verði niðurskurði hins
opinbera að bráð og falli brott með
öllu. Forsvarsmenn SÍF eru eðlilega
afar ósáttir, enda fótunum kippt al-
gjörlega undan rekstri sambandsins
með niðurskurðinum. Það er þó full
ástæða til að staldra við og spyrja
sig hvort hér geti verið um blessun í
dulargervi að ræða fyrir sambandið.
Það er fráleitt að láta sem ekki sé
hægt að reka hagsmunafélag fyrir
framhaldsskólanemendur án
margra milljóna króna ríkisstyrkja,
líkt og forsvarsmenn SÍF hafa gert í
fjölmiðlum. Sönn hagsmunabarátta
stendur nefnilega og fellur með
hugsjónum þeirra er standa að
henni en ekki fé skattgreiðenda,
eins og starf HÍF hefur borið með
sér.
SÍF er nú í fyrsta skipti frá stofn-
un þess algjörlega óháð yfirvöldum
og frjálst til að berjast fyrir hags-
munum félagsmanna sinna af fullum
heilindum. Jafnframt gefst sam-
bandinu tækifæri til að taka starf-
semi sína og baráttumál til gagn-
gerrar endurskoðunar og
forgangsraða upp á nýtt. Vonandi
mun SÍF eflast til muna við þessa
naflaskoðun og sinna starfi sínu af
fullum krafti á nýju ári.
Stjórn HÍF hvetur forsvarsmenn
SÍF til að láta ekki deigan síga við
þessi áföll, heldur líta á niðurskurð-
inn sem tækifæri. Jafnframt vonast
stjórn HÍF til að SÍF sinni hags-
munamálum framhaldsskólanema af
fullum krafti við hlið HÍF á nýju ári.
Því að þrátt fyrir ágreiningsmál
samtakanna tvennra má ljóst vera
að þau vinna að sameiginlegu mark-
miði; sem bestum hag framhalds-
skólanema í landinu – og hann er
einfaldlega of mikilvægur til að
leyfa kreppu eða niðurskurði að
stefna honum í hættu.
Tækifæri í dulargervi
Gísli Baldur Gíslason, Haf-
steinn Gunnar Hauksson og
Kristinn Á.L. Hróbjartsson
skrifa um hagsmunamál fram-
haldsskólanema
» Sönn hagsmunabar-
átta stendur og fell-
ur með hugsjónum
þeirra er standa að
henni en ekki fé skatt-
greiðenda, eins og starf
HÍF hefur borið með
sér.
Gísli Baldur
Gunnarsson
Höfundar eru formenn nemenda-
félaga MR, Verzlunarskólans og MH
og sitja í stjórn HÍF.
Hafsteinn Gunnar
Hauksson
Kristinn Á. L.
Hróbjartsson
Staldraðu við eitt
augnablik og líttu um
öxl. Taktu svo reynslu
þína, allt það neikvæða
og sára sem yfir þig
hefur gengið og allt hið
ljúfa og jákvæða sem
þú hefur upplifað. Settu
það síðan í pott minn-
inganna, hrærðu vel í,
við rétt hitastig og út-
koman verður gegnheilar, gull-
islegnar, demants-perlur sem ekk-
ert fær afmáð eða eytt.
Perlur sem gera þig að veðraðri
og þroskaðri manneskju sem kölluð
er til þess hlutverks að miðla af
reynslu, umhyggju og
ást í umhverfinu og til
komandi kynslóða.
Slípaðar, óafmáan-
legar, fallegar og dýr-
mætar demats-perlur.
Við erum nefnilega
öll hluti af guðlegri
áætlun. Hann býður
okkur háleitt hlutverk
í eilífri áætlun sinni.
Hlutverk sem snýst
ekki um forgengilegan
hégóma sem menn eða
hamfarir, mölur eða
ryð geta grandað.
Boðberar kærleikans
Boðberar kærleikans eru nefni-
lega jarðneskir englar. Manneskjur
af holdi og blóði, sem leitt er í veg
fyrir fólk til að veita umhyggju og
skjól, sýna samstöðu, miðla ást og
fylla nútíðina innihaldi og tilgangi.
Þeir veita von í nútíðinni og trú á
framtíðina vegna tilveru sinnar og
kærleiksríkrar nærveru. Þeir eru já-
kvæðir, þeir styðja, uppörva og
hvetja. Þeir sýna hluttekningu, um-
vefja og faðma. Þeir hlusta á þarfir
fólks, sýna nærgætni í samskiptum
og raunverulega umhyggju í hvaða
kringumstæðum sem er án þess að
spyrja um eða krefjast endurgjalds.
Smitandi kærleikur
Málið er nefnilega að þiggja kær-
leikann. Meðtaka hann af þakklæti,
leyfa honum að flæða um sig og lifa
honum. Það gerum við með því að
finna honum farveg svo hann smit-
ist. Breiðist þannig út svo fleiri fái
notið hans.
Kærleikurinn er tær. Hann er
heill. Honum fylgir sannleikur og
frelsi, umhyggja og umburðarlyndi,
von og traust, ábyrgð og agi.
Lífið er nefnilega ekki fólgið í
tölvum og tækjum eftir allt saman,
hlutabréfum eða flatskjám og því
síður í jeppum, drossíum eða öðru
dýrindis drasli.
Það þýðir ekkert að reyna að
stytta sér leið framhjá lífinu, reyna
að komast bakdyramegin inn í skjóli
embættis, fjármuna eða sökum ann-
arra forréttinda. Okkur mun aldrei
takast að svindla okkur inn til lífsins
eða að tengja framhjá. Lífið lætur
nefnilega ekki að sér hæða og öll
stöndum við jafn nakin og ber-
skjölduð frammi fyrir því. Þó vissu-
lega gædd þeim gjöfum sem Guð
hefur ætlað okkur að skarta. Raun-
verulegum eilífðar verðmætum.
Farvegur fyrir engils-sprettu
Öll höfum við val um það hvað við
látum líf okkar raunverulega snúast
um. Þú getur tekið um það ákvörðun
í dag að þiggja það að fá að verða að
jarðneskum engli sem gengur um
með þarfir og velferð samferða-
manna þinna að leiðarljósi. Engils
sem brosir og hlustar, umvefur og
faðmar.
Lífið dansar við okkur hvert og
eitt með sínum hætti. Spurningin er
bara hvort við leyfum því að bjóða
okkur upp.
Guð gefi okkur öllum náð til að
dansa lífsdansinn saman, í takt. Góð-
ur Guð styrki okkur þannig hvert og
eitt til góðra verka og leiði þau öll
sem það vilja til að verða farvegur
fyrir engils-sprettu.
Jarðneskir englar
Sigurbjörn Þorkels-
son fjallar um guðs
orð og kærleikann
» Boðberar kærleik-
ans eru jarðneskir
englar. Manneskjur af
holdi og blóði sem kall-
aðar eru til að veita um-
hyggju og skjól, sýna
samstöðu og miðla ást.
Sigurbjörn Þorkelsson
Höfundur er ljóðskáld og rithöfundur
og framkvæmdastjóri Laugarnes-
kirkju.
STÓRIÐJUSINN-
AR á Íslandi hafa
með síendurteknum
hætti fengið því
framgengt að starfs-
menn í þessari at-
vinnugrein séu í fyr-
irsögnum fjölmiðla
ævinlega taldir þre-
falt fleiri en þeir
raunverulega eru.
Þetta hefur verið gert með að
bæta ævinlega við starfsmannatöl-
una svonefndum „afleiddum störf-
um“.
Afleidd störf geta verið marg-
vísleg. Starfsmenn í verksmiðjum
þurfa til dæmis að mennta börn
sín, fá verslunar- og heilbrigð-
isþjónustu og nota samgöngukerfi
og samgöngutæki. Í stað þess að
segja að starfsmenn við stóriðju á
Íslandi séu 1.600 er sagt í fyr-
irsögnum að þeir séu hátt í 5.000.
Með því að endurtaka þetta nógu
oft fær stóriðjan þrefalt betri út-
komu hlutfallslega en aðrar at-
vinnugreinar þar sem ekki er sí-
fellt verið að tönnlast á svona
talnaleik.
Það blasir við að þetta er ótæk
aðferð við að bera saman vægi mis-
munandi atvinnugreina vegna þess
að ef talsmenn allra hinna atvinnu-
greinanna fengju birtar fyrirsagnir
sama daginn um starfsmannafjölda
í viðkomandi greinum kæmi í ljós
að vinnandi menn á Íslandi væru
líkast til allt að 600 þúsund! Æv-
inlega er gefið í skyn að með stór-
iðjunni bætist við störf, rétt eins
og að þeir sem þar starfa hafi allir
verið atvinnulausir áður en stór-
iðjan kom. Aldrei er gert ráð fyrir
að hægt hefði verið að skapa betri
og arðbærari störf.
Ævinlega er gefið upp
hvað útflutningur stór-
iðjunnar bætir miklu
við í gjaldeyrisbókhaldi
landsins en aldrei hvað
mikið þarf að flytja inn
af hráefni sem breytt
er í annað hráefni í
verksmiðjunum. Mun-
urinn á stóriðjunni og
sjávarútvegnum er sá
að hráefnið til hins síð-
arnefnda kemur beint
upp úr auðlindalögsögu lands-
manna en hráefnið í stóriðjuna
þarf að kaupa að utan og flytja yfir
þveran hnöttinn.
Ragnar Árnason og fleiri vís-
indamenn hafa fundið út að stór-
iðjan skapar næstum þrefalt minni
virðisauka inn í þjóðfélagið en til
dæmis sjávarútvegur og ferðaþjón-
usta. Í nýjustu fréttum er gefið
upp að um 17% starfsfólks í stór-
iðjunni sé háskólamenntað fólk.
Það breytir því ekki að um yf-
irgnæfandi meirihluta starfa í ál-
verum gildir það sem auglýst var
æ ofan í æ þegar reynt var að ráða
fólk í álverið á Reyðarfirði: „Engr-
ar sérstakrar menntunar er kraf-
ist.“
Rangar fyrirsagnir
Ómar Ragnarsson
skrifar um fjölda
starfa
Ómar Ragnarsson
»Ef talsmenn allra at-
vinnugreina á Ís-
landi fengju birtar frétt-
ir með svipuðum
fyrirsögnum og stór-
iðjusinnarnir væru vinn-
andi menn á Íslandi 600
þúsund.
Höfundur er formaður Íslandshreyf-
ingarinnar – lifandi lands.
Fáðu úrslitin
send í símann þinn
Vöggusæn
gur
vöggusett
PÓSTSENDUM
Skólavörðustíg 21 ● sími 551 4050 ● Reykjavík
mbl.is
smáauglýsingar
Óskum viðskiptavinum
okkar og landsmönnum
öllum gleðilegra jóla
Starfsfólk Eignamiðlunar
S í ð u m ú l a 2 1 · S . 5 8 8 9 0 9 0 · w w w . e i g n a m i d l u n . i s
Þverholti 2 · S . 5 8 6 8 0 8 0 · w w w . f a s t m o s . i s
Sími 575 8585 FASTEIGNASALAN ÞÍN www.fmg.is
Spöngin 37, 2. hæð. 112 Reykjavík
Sími 575 8585. Fax 575 8586
Sigrún Stella Einarsdóttir
Lögggiltur fasteignasali GSM 824-0610
Ég óska viðskiptavinum mínum og
landsmönnum öllum gleðilegra jóla.
Ég þakka fyrir viðskiptin á liðnu ári og
óska ykkur farsældar á árinu 2009.
Sigrún Stella Einarsdóttir, löggiltur fasteignasali,
Fasteignamiðlun Grafarvogs.