Árdís - 01.01.1954, Blaðsíða 28
26
ÁRDÍS
Ég held áfram að lesa, þá er komið fram á árið 1911 og félagið
telur 26 meðlimi, sem enn starfa af krafti. Margrét Benediktsson
kom oftar en einu sinni og flutti erindi á samkomum, sem félagið
stóð fyrir. Á einum fundi er einn prestur kirkjufélagsins gest-
komandi; álítur hann að verkahringur konunnar sé svo stór að
varla þurfi við að bæta; en eftir nákvæma athugun segist hann
álíta, að kröfur konunnar um jafnrétti séu réttmætar, því eitt
af hennar störfum sé að hjálpa bágstöddum. Þá talaði Sigríður
Helgason og þakkaði ræðumanni fyrir, en gat þess að það væri
ástandið í heiminum, sem hefði drifið konur út á stríðsvöll að
heimta atkvæðisrétt. Með atkvæðisrétti gætu þær máske bætt úr
þjáningum þeirra, sem bágt ættu. Sagði hún, að mörg móðir bæði
til Guðs nótt og dag fyrir börnum sínum, að þau viltust ekki á
glæpastig, en altaf héldi móðirin áfram að biðja, en á meðan héldu
karlmennirnir áfram að selja vín og eyðileggja þannig velferð
barna sinna, eiginkvenna og sjálfra sín. Þetta væri gert samkvæmt
lögum, sem þeir einir bjuggu til. Þakkaði prestur þessa útskýringu
og taldi þennan fund hafa farið svo vel fram, að kallast mætti
fyrirmynd.
Nokkru seinna eru konur hvattar til að biðja bændur sína að
skrifa sig fyrir þriðjung eigna sinna og gera það á löglegan hátt.
Á fundi í maí 1912 er samþykt að biðja forseta kirkjufélagsins að
leyfa umræður um kvenfrelsi á kirkjuþingi, sem halda átti í
Argyle í júní, en því var neitað. Vil ég í því sambandi minnast
þess að í júní 1909 sat kona í fyrsta sinn sem erindreki á kirkju-
þingi í Winnipeg; var sú kona móðir mín, Sigríður Helgason frá
Argyle.
Félagið hefir aftur samkomu 15. okt. 1913; aðalatriðið á skemti-
skránni er ferðasaga til íslands, flutt af Sigríði Swanson frá Winni-
peg; einnig flutti Jónas Þorbergsson kvæði, sem hann hafði ort;
og Alla Johnson las upp sögu. Nú á Jónas heima í Reykjavík, en
Alla býr- á Hvoli í Aðalvík í Suður-Þingeyjarsýslu.
I apríl 1914 er minst á hinn nýja ritstjóra Lögbergs og hans
ágætu greinar um kvenfrelsi, var það Dr. Sig. Júl. Jóhannesson.
Hann var einlægur stuðningsmaður þess frá því fyrsta og lét
ýmislegt frá sér heyra því viðvíkjandi. Hann var staddur á sam-
komu félagsins 14. okt 1914 og flytur þar erindi. — Sagt er frá
leikriti, er Nellie McClung samdi „Women’s Parliament11, er sýnt