Morgunblaðið - 04.01.2009, Qupperneq 42

42|Morgunblaðið
Eftir Jóhönnu Ingvarsdóttur
joinhanna@gmail.com
Nú sem aldrei fyrr ríður áað hlúa vel að ungu kyn-slóðinni svo hún megidafna og þroskast í heil-
brigt hugsandi manneskjur. Því mið-
ur hefur mér lengi fundist skorta á
alla gleði í íslenskum ungdómi.
Hverju sem um er að kenna er brýnt
að búa börnin okkar undir lífið sjálft
með því að kenna þeim dyggðir á
borð við sjálfsöryggi, kurteisi, virð-
ingu og gleði. Það er ekki nóg að
henda bara ungunum úr hreiðrinu
um tvítugsaldurinn og ætlast svo til
þess að þau fljúgi sjálf ef þau hafa
hvorki fengið tilsögn né tíma foreldr-
anna á uppvaxtarárum. Líklegt er að
slíka einstaklinga skorti sjálfstraust á
fluginu til að standa keikir á eigin fót-
um og lifa af,“ segir náttúrulæknirinn
Birgitta Jónsdóttir Klasen sem nú er
að sérhanna námskeið sem ætlað er
unglingum í þremur efstu bekkjum
grunnskóla og neðstu bekkjum fram-
haldsskóla. Birgitta hefur hug á að
bjóða námskeið þessi í samstarfi við
skólayfirvöld og aðra samstarfs- og
styrktaraðila, sem kunna að hafa
áhuga á því að taka þátt í þessu
„gleði“-átaki, sem ná má til allra
staða á landinu, eftir efnum og ástæð-
um. „Ég ætla að koma víða við í þess-
ari fræðslu, sem ég tel geta orðið gott
framlag í því kreppuástandi, sem nú
ríkir á Íslandi. Fylgifiskar kreppu
eru fjölmargir og koma misjafnlega
niður á börnum og ungmennum. Ég
vil leggja mitt af mörkum til að efla
hamingjuna, sporna gegn vanlíðan og
efla velferð unglinga og fjölskyldna
almennt,“ segir Birgitta.
Mótunaráhrif í æsku
Birgitta er búsett í Reykjanesbæ
þar sem hún starfar sem nátt-
úrulæknir með aðstöðu á Flughót-
elinu. Hún hefur fjölþætta reynslu af
meðferðarstörfum og námskeiðahaldi
vítt og breitt um landið auk þess sem
hún hefur skrifað bók um svæða-
meðferð. Birgitta, sem á íslenskan
föður, er fædd árið 1952 og uppalin í
Þýskalandi. Hún fluttist til Íslands
árið 2000, en hafði á unglingsárum
gengið í Gagnfræðaskóla Keflavíkur í
tvo vetur. Sjálf segist hún hafa upp-
lifað litla gleði á sínum uppvaxt-
arárum sem hafi haft mótandi áhrif á
hana. „En svo kom að því að ég fékk
mín tækifæri síðar,“ segir Birgitta og
brosir. Hún útskrifaðist sem nátt-
úrulæknir frá þýskum háskóla árið
1973 og er auk þess menntuð í sál-
fræðilegri ráðgjöf og félagsráðgjöf
fyrir konur. Hún hefur unnið í sex ár
með klínískum sálfræðingi. Birgitta
er með kennsluréttindi og hefur með-
al annars kennt svæðameðferð og
öndunarmeðferð við ýmsa þýska há-
skóla. Hún var með sjálfstæðan
rekstur í Þýskalandi á árunum 1973-
2000, meðal annars á sviði nátt-
úrulæknisfræði, sálfræðilegrar ráð-
gjafar, veitingarekstrar og fé-
lagsráðgjafar HIV-smitaðra.
Birgitta segir bæði forvitni og for-
dóma ríkja hér á landi í garð nátt-
úrulæknisins. Staðreyndin sé hins
vegar sú að náttúrulæknirinn gangi í
gegnum sömu fög og almennir
læknar, meðal annars lífeðlisfræði,
líkamsfræði, læknisfræði, vefjafræði
og sjúkdómafræði, á þremur árum.
Að því búnu geti hann svo bætt við
sig grasalækningum, næringarfræði,
hómópatíu og fleiri greinum, sem
komið geta að gagni við lækningu
meina af ýmsum toga.
Börnin eru fljót að vaxa
„Hugur minn stefndi alltaf í heil-
brigðisgeirann. Náttúrulækningar og
sálfræðiráðgjöf eru einkar skemmti-
leg blanda að vinna með. Mikil fá-
fræði virðist þó ríkja um störf nátt-
úrulækna hér á landi, en í Þýskalandi
vinna náttúrulæknar og heim-
ilislæknar gjarnan saman og vísa
hvorir á aðra. Ég hef kosið að nota
hendurnar mínar til að vinna með fólk
og meðhöndla í samræmi við sjúk-
dómsgreiningu, en vil í lengstu lög
forðast lyf og pilluát við ólíklegustu
kvillum. Grípa má til margra annarra
úrræða til að hjálpa fólki,“ segir Birg-
itta og bætir við. „Fólk þarf auðvitað
að finna hamingjuna í sjálfu sér til að
hafa dug, þor og frumkvæði til að
byggja sig upp og takast á við lífið.
En nú vil ég fyrst og fremst einbeita
mér að því að kenna unga fólkinu
okkar ýmislegt um gleðina og ham-
ingjuna og síðast en ekki síst vil ég
leiðbeina því í átt til réttrar næringar,
sem er undirstaða vellíðunar. Það er
alltof mikil neikvæðni í gangi í sam-
félaginu og það er alltaf mjög aðkall-
andi að halda rétt á málum er snerta
ungmenni. Og þrátt fyrir vinnuálag
mega mömmur og pabbar ekki falla í
þá gryfju að missa af bestu árum
barna sinna því þau eru fljót að vaxa
úr grasi,“ segir Birgitta að lokum.
Birgitta Jónsdóttir Klasen: „Nú vil ég fyrst og fremst einbeita mér að því að kenna unga fólkinu okkar ýmislegt
um gleðina og haimingjuna og síðast en ekki síst vil ég leiðbeina því í átt til réttrar næringar.“
Brýnt er að búa
börnin undir lífið
Dyggðir á borð við sjálfstraust, kurteisi, virðingu og gleði verða í hávegum
hafðar á námskeiði fyrir unglinga sem náttúrulæknirinn Birgitta Jónsdóttir
Klasen stefnir á að bjóða íslenskum ungdómi upp á.
Ensk könnun hefur leitt í ljós að
karlkyns kennarar bera meg-
inþungann af yfirgangi og árás-
arhneigð nemenda.
Svarað fullum hálsi
Könnunin sýnir að nemendur eru
líklegri til að svara karlkyns kenn-
urum fullum hálsi í kennslustund
og valda þannig ónæði. Á sama
tíma hefur dregið úr slíkri hegðun
við kvenkyns kennara, þó þeir fái
frekar yfir sig skammarræður
óánægðra foreldra. Könnunin var
framkvæmd af háskólanum í War-
wick í umboði bandalags enskra
kennara. Niðurstöður hennar koma
heim og saman við tölur sem birtar
voru nýlega og segja að 200.000
nemendum hafi verið vikið tíma-
bundið úr skóla árið 2007, en í ein-
hverjum tilfellum leiddi slíkt til
varanlegrar brottvísunar.
Tveggja ára niðurstöður
Þykir könnunin sýna að nem-
endum finnist auðveldara að ögra
karlkyns kennurum og láta reyna á
þolrif þeirra. Í könnuninni var litið
á árin 2001 og 2008 og var álíka
mikið ónæði af slíku bæði árin. Úr-
tak könnunarinnar var 1.500 kenn-
arar en þar af sögðu 80 prósent
karlkyns kennara að í hverri viku
væri þeim svarað fullum hálsi af
nemendum sínum, en á móti höfðu
70,8 prósent kvenkyns kennara
upplifað slíkt. maria@mbl.is
Óþekkt Nemendur svara frekar
karlkyns kennurum fullum hálsi.
Kennarar fá á baukinn
Búvísindi
framtíðarinnar
Búvísindadeild Lbhí veitir góðan undirbúning fyrir margvísleg
störf sem tengjast landbúnaði, matvælaframleiðslu, kennslu og
rannsóknir. Nám í búvísindum til BS-prófs skiptist í þrjá meginhluta:
  

    
  
  

  
  
    Kynntu þér nám í búvísindum
á heimasíðu skólans: www.lbhi.is
A
U
Ð
L
IN
D
A
D
E
IL
D
Meistaranám og einstök námskeið
Meistaranám í haf- og strandsvæðastjórnun
býr nemendur undir að takast á við eitt af mest
knýjandi viðfangsefnum framtíðarinnar, nýtingu
og stjórnun auðlinda.
Tökum á móti umsóknum fyrir skólaárið
2009 – 2010 til 15. apríl 2009.
Einnig opið fyrir skráningu í einstök námskeið
meistaranámsins á vor- og sumarönn 2009.
Tilvalið sem endurmenntun fyrir fólk sem
starfar á sviði skipulagsmála, auðlindanýtingar,
umhvefismats eða á öðrum tengdum vettvangi.
Nánari upplýsingar: www.hsvest.is
Lj
ós
m
yn
d:
Ag
ne
s
G
ei
rd
al
Í samstarfi við: