Morgunblaðið - 12.02.2009, Page 44

FÓLK
MORGUNBLAÐIÐ FIMMTUDAGUR 12. FEBRÚAR 2009
Fólk
Eftir Arnar Eggert Thoroddsen
arnart@mbl.is
ÖNNUR hver búð við Laugaveginn stendur auð,
verslunarmenn horfa fram á gríðarlegan samdrátt
en þrátt fyrir fyrirsjáanlegar hörmungar virðist
ekki hægt að drepa rokkið niður. Ef eitthvað er
virðist þeim sem því tengjast hlaupa kapp í kinn
við að standa fram fyrir þessum voveiflegu fram-
tíðarhorfum. Þannig hefur Record Records ehf., ís-
lenskt útgáfu-, innflutnings- og dreifingarfyr-
irtæki, hafið stórfelldan innflutning á plötum allra
helstu útgáfufyrirtækja harðkjarna og þunga-
rokks. Haraldur Leví Gunnarsson, talsmaður Re-
cord Records, segir að eftirspurn sé mikil og fjár-
hagsleg áhætta sé því lítil. Hyggst hann selja
titlana í gegnum öfluga vefverslun á www.record-
records.com en svo verður titlum dreift í almenna
plötubúðir einnig.
„Ég er í tengslum við heildsala sem hefur yfir
öllum þessum helstu merkjum að ráða. Þetta lækk-
ar kostnaðinn til muna hjá þeim sem hafa verið að
panta í gegnum Amazon til dæmis.“
Haraldur segist vilja auðvelda aðgengi áhuga-
manna að þessu efni og gera það sýnilegra, fólk
hafi t.d. verið að selja titla í stofunni heima hjá sér
og það geti hentað illa fyrir feimið og óframfærið
fólk.
„Fólk sem er fyrir svona tónlist styður mikið við
böndin sín og er lítið að hala niður af netinu og ger-
ir sér far um að kaupa það efni sem uppáhalds-
sveitirnar láta frá sér.“
Kominn heim
Plötur með Jacob Bannon
og félögum í Converge eru
loks fáanlegar á skerinu.
 Kjartan Ólafsson, tónskáld og
formaður Tónskáldafélags Íslands
(TÍ), tjáði sig í Morgunblaðinu í gær
um punktakerfið umdeilda sem
ráðgert er að breyta innan STEFs.
Kerfið mismunar tónverkum ís-
lenskra tónsmiða eftir lengd og um-
fangi sem þýðir að verk af „klass-
ískum“ toga fá alla jafna meira
greitt fyrir hverja mínútu í útvarpi
en verk popptónlistarmanna. Kjart-
an gerir lítið úr ágreiningnum í við-
talinu, segir punktakerfið vera bón-
uskerfi og að þó að tiltekið tónverk
sé metið til fleiri punkta og þ.a.l.
hærri greiðslna þýði það ekki að
greiðslur fyrir önnur tónverk
skerðist. Bíðum nú við. Getur verið
að innan STEFs gildi önnur stærð-
fræðilögmál en þau sem við hin
þekkjum? Hvernig getur aukinn
hlutur eins ekki komið niður á hlut
annars? Jú, Kjartan útskýrir þetta
síðar í sama viðtali: „[Í] því sam-
bandi skiptir máli hvernig
greiðslur skiptast á milli íslenskra
og erlendra tónskálda.“ Sem sagt.
STEF dregur hluta af réttmætum
greiðslum til erlendra tónlistar-
manna og færir hann íslenskum
tónskáldum í formi bónusgreiðslna.
Er hægt að skilja þetta öðruvísi?
hoskuldur@mbl.is
Vita erlendir rétt-
hafar af þessu?
 Breska leikkonan Kate Winslet
hefur sópað að sér verðlaununum
að undanförnu fyrir túlkun sína í
kvikmyndnni The Reader. Myndin
er tilnefnd til fimm Óskars-
verðlauna og veðja margir á að
Winslet fari þar einnig með sigur af
hólmi. Það er hins vegar ekki á
jafnmargra vitorði að Íslandsvin-
urinn Nico Muhly á heiðurinn af
tónlistinni í kvikmyndinni. Muhly
er á mála hjá íslenska útgáfufyr-
irtækinu Bedroom Community sem
Valgeir Sigurðsson, tónlistarmaður
og upptökustjóri, stofnaði ekki alls
fyrir löngu. Muhly hefur margoft
komið fram á tónleikum hér á landi,
nú síðast í janúar þar sem hann
kom fram á sérstöku BC-kvöldi á
Kaffibarnum.
Nico Muhly með tón-
listina í The Reader
Eftir Ingveldi Geirsdóttur
ingveldur@mbl.is
„MÁTTURINN við að vera lista-
maður er að geta töfrað smá og
það er pælingin, að koma með
birtu á dimmri vetrarnóttu á
krepputímum,“ segir sjónlistamað-
urinn Óskar Ericsson um verk sitt
Þakgluggi sem verður til sýnis í
Listasafni Reykjavíkur á Safna-
nótt, annað kvöld.
„Þetta er vídeóinnsetning, ég
varpa bláum himni og hvítum skýj-
um á tjaldið sem er strengt yfir
port Hafnarhússins, bý til þak-
glugga. Hugmyndina að verkinu
hef ég gengið með í mörg ár og
upprunalega átti það að vera mikið
stærra og útivið en svo kom
kreppa og ég ákvað að minnka það
aðeins.“
Sólbekkir í boði
Verkið verður uppi frá kl. 19 til
24 og aðeins sýnt í þetta eina
skipti. „Það verða sólbekkir þarna,
sem ég fékk að í láni frá Laug-
ardalslauginni, svo fólk getur lagt
sig á bekkjunum og horft á verk-
ið,“ segir Óskar og blaðamaður
ímyndar sér að upplifunin á verki
Óskars verði svipuð og að fleygja
sér kylliflötum á bakið úti í móa á
fögrum sumardegi til að horfa á
margbreytileika himinsins.
„Þetta er kannski pínu væmið
verk, sem er reyndar bara gaman.
En meiningin er að fólk fái smá yl
í hjartað enda er verkið hugsað
upphaflega sem meðal við skamm-
deginu. Galdurinn við verkið er líka
að skilja eitthvað eftir handa
ímyndunarafli áhorfandans svo
hann geti skapað sína eigin sögu
og það verða mörg element í þessu,
blanda af bæði tölvu og alvöru
heimi.“
Óskar er hrifinn af því að nota
vídeólistina til að skapa stemningu
í svartasta skammdeginu. „Það er
lítið um vídeólist á Íslandi og með
verkinu er ég líka að sýna hvað er
hægt að gera með þennan miðil.
Fólk áttar sig oft ekki á því hvað
vídeólistin býður upp á, sérstaklega
hér þar sem er myrkur hálft árið.“
Mynstrið í óreiðunni
Þegar fyrri verk Óskars eru
skoðuð er augljóst að náttúran er
honum hugleikin. „Ég er undir
áhrifum frá umhverfinu og hef lítið
unnið með fólk, aðallega með loft,
vatn og jörð. Listin er einskonar
töframáttur og þar tengist náttúr-
an inn í, náttúruöflin eru miklu öfl-
ugri en önnur öfl. Þetta snýst líka
um að finna mynstrið í óreiðunni; í
skýjunum, vatninu og eldinum.“
Næsta verkefni Óskar er fyrir
komandi Menningarnótt en verk
hans á seinustu Menningarnótt,
Þvottavélakórinn á Skólavörðuholti,
er mörgum minnisstætt. „Ég hef
grúskað mikið í því undanfarið að
skapa minn eigin orkugjafa og hug-
myndin er sú að smíða vindmyllu
sem knýr áfram sjálfbært raf-
magnslistaverk, listaverk sem fer
bara í gang þegar það er hvasst.“
Pínu væmið verk
 Sjónlistamaðurinn Óskar Ericsson sýnir Þakglugga á Safnanótt  Vill gefa
fólki smá yl í hjartað  Smíðar vindmyllu til að knýja áfram rafmagnslistaverk
Morgunblaðið/Kristinn
Þakgluggi Þeir sem vilja fá örstutta hvíld frá skammdeginu er bent á að
kíkja á listaverk Óskars Ericssonar í Hafnarhúsinu, annað kvöld.
Eftir Arnar Eggert Thoroddsen
arnart@mbl.is
VETRARHÁTÍÐ Norræna hússins
fer fram dagana 13. og 14. febrúar,
föstudag og laugardag. Viðburðir
eru margir og mismunandi; m.a.
verður heilmikil draugaráðstefna
föstudaginn 13. sem er einkar hæf-
andi dagsetning fyrir slíkan gjörn-
ing en auk þess verða ráðstefnur,
ljósmynda- og myndlistasýningar og
margt, margt fleira.
Unnið með arfinn
Þá verða tvennir rokktónleikar,
annars vegar mun íslenska rokk-
sveitin Reykjavík! spila plötu sína
The Blood í heild á föstudeginum en
daginn eftir treður grænlenska
sveitin Liima Inui upp.
Ber að fagna þessari heimsókn
bræðra okkar og systra frá Græn-
landi en allt of fátítt er að tónlist-
arhópar þaðan geri sig heimakomna.
Sveitin nýtur nú um stundir mikilla
vinsælda á Grænlandi og spilar til-
raunaglatt rokk, þar sem fyrir koma
stefnur eins og rapp og reggí, en um
leið er tónlistin bundin þjóðlegum
tilvísunum. Hræra þessi er fram-
reidd á einkar nútímalega vísu og
segja má að nýi og gamli tíminn á
Grænlandi mætist í einum rokkandi
skurðpunkti. Innfæddir Grænlend-
ingar skipa sveitina sem var stofnuð
árið 1994 og er það bassaleikarinn
Georg Olsen sem leiðir sveitina.
Söngkonan Randi Broberg er hins
vegar í framlínunni og þykir hafa
mikla útgeislun. Í hitteðfyrra kom
svo platan Pluto út en hún sló í gegn
í heimalandinu og hefur nú selst í
3000 eintökum. Hljómsveitin, hlaðin
verðlaunapeningum, hefur gert mik-
ið af því að kynna sig og sitt land í
kjölfar vinsældanna. Tónleikar
sveitarinnar ku líka mikið sjónarspil,
en að baki sveitinni eru sýndar fram-
úrstefnulegar stuttmyndir eftir
meðlimi.
Helsvalt heimskautareggí
Frost og funi Sjálfur heimskautsísinn bráðnar þegar Liima Inui gefur í.
Grænlenska rokkhljómsveitin Liima Inui leikur á
Vetrarhátíð Norræna hússins næstkomandi laugardag
Amiina kemur fram í Ásmund-
arsafni á Safnanótt. Kl. 20 leika
stelpurnar í hljómsveitinni á
alls kyns sérkennileg hljóðfæri
sem eru strokin, klingja og
hringja. Kl. 21.30 leika þær sér
svo að ómnum í Kúlunni, fyrstu
vinnustofu Ásmundar.
Dagskrá Listasafns Reykja-
víkur á Safnanótt er mjög fjöl-
breytt og m.a. verða dansarar
úr Kramhúsinu með dansatriði í
sýningarsölum Hafnarhússins
sem tengjast sýningum hússins
frá kl. 19 til 24.
Annað um að vera
44 Menning
Kjarngott rokk á krepputímum