Morgunblaðið - 06.03.2009, Side 4

Að nógu er að hyggja fyrir ferminguna
og þá skiptir öllu máli að hafa gott
skipulag á hlutunum. Sumum finnst
nóg að skrifa á minnismiða og merkja
inn á dagatalið það sem gera þarf en
aðrir fá sér þar tilgerða minnisbók. Síð-
an er gott að nota yfirstrikunarpenna
til að merkja við það sem er búið. Þann-
ig helst gott skipulag á hlutunum og
fátt ætti að þurfa að enda í stressi.
Ekkert stress
4 Fermingar
SKINKA
Eftir Svanhvíti Ljósbjörgu
svanhvit@mbl.is
B
örn með þroskahömlun fá
mjög einstaklingsmiðaða ferm-
ingarfræðslu enda er mark-
miðið að mæta barninu þar
sem það er statt. Guðný Hall-
grímsdóttir hefur verið prestur fatlaðra
síðan árið 1990 en ferming fyrir börn
með fötlun fer alltaf fram á sumardag-
inn fyrsta í Langholtskirkju. „Ferming-
arfræðsla barna með þroskahömlun er
að mörgu leyti öðruvísi uppbyggð en hjá
mörgum jafnöldrum þeirra,“ segir
Guðný. „Ég er með meira af hjálpar-
tækjum, til dæmis stórar, miklar og lit-
ríkar myndir og tónlist. Endurtekningin
skiptir miklu máli þegar unnið er með
börnum með þroskahömlun og ég segi
kannski sömu söguna nokkrum sinnum í
mismunandi formum, eitt skipti með
myndum, annað skipti með því að leika
söguna og fá þau til að leika með mér og
í þriðja skiptið með því að syngja hana
eða nota einhverja hluti til að tákna sög-
una.“
Skemmtileg ferming
Fermingin hjá börnum með þroska-
hömlun er að mörgu leyti öðruvísi en
hefðbundin ferming, til dæmis vegna
þess að börnin fá að velja sálmana sjálf.
Að sögn Guðnýjar liggur munurinn líka í
því að þessar fermingar eru miklu
skemmtilegri. „Ég fermi 19. árganginn
minn í vor og engin ferming er eins
vegna þess að hópurinn er mismunandi.
Þó ég segi sjálf frá þá er andrúmsloftið
mun léttara en í hefðbundnum ferm-
ingum. Það þýðir líka ekkert að vera
með eitthvað fyrirfram ákveðið vegna
þess að oft þarf að breyta því á staðnum
því það kemur eitthvað upp á eða þá að
ég finn að andinn er þannig í hópnum að
ég þarf að gera þetta öðruvísi. Ég þarf
því að vera mun sveigjanlegri en ella.
En fermingin sjálf er mjög hátíðleg og
þetta er stór stund í lífi barnanna því
mörg þeirra koma ekki til með að verða
stúdentar, gifta sig, skíra börnin sín eða
eiga aðrar stórar stundir í kirkjunni.
Þetta er þeirra stóra stund og það er al-
veg óviðjafnanlegt að horfa á þau þegar
þau standa fyrir framan altarið og ætla
að vera vinir Jesú alla sína ævi. Í ferm-
ingarfræðslunni geng ég út frá vina-
hugtakinu, hverjir séu vinir og hvað vin-
ir gera því þau skilja vinahugtakið mjög
vel. Þetta er mikill siðferðisboðskapur
og svo er gengið út frá þessum kærleika
að Guð gaf okkur Jesú og Jesús er besti
vinur okkar.“
Öll börn velkomin í kirkjuna
Guðný samdi sérstakt ferming-
arfræðsluefni fyrir börn með þroska-
hömlun sem var gefið út á vegum þjóð-
kirkjunnar árið 2000 en það er þannig
úr garði gert að allir sem annast ferm-
ingarfræðslu fyrir fötluð börn eiga að
geta nýtt sér það. „Fötluð börn, sama
hvar þau búa, geta því nýtt sér þjónustu
síns sóknarprests. Ég er öðrum prestum
innan handar og aðstoða börn með
þroskahömlun við að tengjast sínum
sóknarpresti. Það er mikilvægt að öllum
börnum sé boðin þessi þátttaka innan
kirkjunnar. Svo er þeirra að segja ann-
aðhvort af eða á. En ég held að það sé
rosalega mikilvægt að kirkjan bjóði öll
börn velkomin og með mínu starfi er
það gert. Eins er til sérstök námskrá í
fermingarfræðum innan kirkjunnar fyrir
börn með þroskahömlun sem er ákveðin
yfirlýsing,“ segir Guðný sem kennir
börnum í Öskjuhlíðarskóla, Safamýrar-
skóla og í sérdeildum í grunnskólum.
„Þegar krakkar hafa gengið saman alla
sína skólagöngu eins og í Öskjuhlíðar-
skóla þá er ósköp eðlilegt að þau fermist
öll saman, alveg eins og krakkar gera að
öllu jöfnu. Það er öðruvísi ef þau hafa
alltaf verið í sérdeild í sínum grunnskóla
og þá er meiri spurning hvort þau ferm-
ist með sínum hópi eða gangi til liðs við
minn hóp. En það sem er einkennandi
við mitt starf er ofboðslega gott sam-
starf og samvinna við foreldrana og sér-
kennara barnanna.“
Einstök börn
Í vor fermast fimmtán börn hjá Guð-
nýju en hún hittir öll börnin reglulega.
„Ég hitti þau einu sinni í viku í kennslu
og svo hittumst við í kirkjunni einn
laugardagsmorgun í mánuði með for-
eldrum, ömmum og öfum, frænkum og
frændum og fleiri ættingjum sem hafa
áhuga á að mæta. Þar myndast góð
samvera því þetta gefur fólki mjög mikið
þar sem það skiptir svo miklu að fylgja
barninu alla leið. Þetta er hluti af því, að
koma í kirkjuna einu sinni í mánuði,
finna sig heima, vita hvar allt er og vera
örugg með staðinn og hvað á að gera,“
segir Guðný sem telur að oft kvíði for-
eldrar fermingu barnanna. „Ég held að
á margan hátt kvíði allir foreldrar ferm-
ingu barna sinna, hvort sem þau eru
fötluð eða ekki. Kvíðinn er bara í mis-
munandi myndum. Ég held að við kvíð-
um alltaf því sem við vitum ekki hvað
er. Þá er kannski mitt hlutverk að út-
skýra, kenna og draga upp myndir sem
eyða þessum kvíða. Ég held að það sé
ofsalega mikilvægt að kirkjan gangi
fram með það fordæmi að við séum öll
velkomin og hvert og eitt okkar er svo
einstakt að við getum verið eins og við
erum.“
Léttara andrúmsloft
Morgunblaðið/Kristinn
Guðný Hallgrímsdóttir: „Fermingarfræðsla barna með þroskahömlun er að mörgu
leyti öðruvísi uppbyggð en hjá mörgum jafnöldrum þeirra.“
Ferming fyrir fötluð börn fer
alltaf fram á sumardaginn
fyrsta í Langholtskirkju en
það eru oft mun skemmti-
legri fermingar, að sögn Guð-
nýjar Hallgrímsdóttur, prests
fatlaðra. Þó er fermingin álíka
hátíðleg enda mjög stór
stund í lífi barnanna.
Ljósmynd/ Jóhann Kristjánsson
Í skemmtilegri fermingu Guðný segir fermingar barna með þroskahömlun oft
skemmtilegri og fjörugri en hefðbundnar fermingar.