Morgunblaðið - 25.06.2009, Blaðsíða 33

MORGUNBLAÐIÐ FIMMTUDAGUR 25. JÚNÍ 2009
568 8000 – borgarleikhus.is – midasala@borgarleikhus.is
Söngvaseiður (Stóra sviðið)
Sannleikurinn (Stóra sviðið)
Vertu í góðu skapi með okkur í kvöld
Við borgum ekki (Nýja sviðið)
Uppsetning Nýja Íslands.
Söngvaseiður. Sala hafin á sýningar í haust.
Munið afslátt fyrir viðskiptavini Vodafone!
Lau 27/6 kl. 19:00 Fös 3/7 kl. 19:00 Lau 11/7 kl. 19:00
Fim 25/6 kl. 19:00 U
Fös 26/6 kl. 20:00 Ö
Fim 2/7 kl. 20:00 Ö
Fös 3/7 kl. 20:00 Ö
Fim 9/7 kl. 20:00
Fös 10/7 kl. 20:00
Fim 16/7 kl. 20:00
Fös 17/7 kl. 20:00
Fös 4/9 kl. 19:00 U
Lau 5/9 kl. 19:00 Ö
Sun 6/9 kl. 19:00 Ö
Mið 9/9 kl. 19:00 U
Fim 10/9 kl. 19:00 Ö
Fös 11/9 kl. 19:00
Fös 18/9 kl. 19:00 Ö
Lau 19/9 kl. 19:00 U
Sun 20/9 kl. 14:00 Ö
Lau 26/9 kl. 14:00 Ö
Það á eftir að vekja mikla at-hygli að Gennadí Rosdest-venskí skuli hafa verið ráð-
inn aðalgestastjórnandi Sinfóníu-
hljómsveitar Íslands. Það breytir
engu þótt ráðningin sé ekki nema til
eins árs.
Gennadí Rosdestvenskí er nafn
sem hefur fylgt mér alla ævi, eða allt
frá því að áhugi minn á klassískri
tónlist kviknaði, þá var hann aðal-
hljómsveitarstjóri í Bolshoi-leikhús-
inu, höfuðvígi óperutónlistarinnar í
Rússlandi.
Eftir að múrinn féll, og samskipti
austurs og vesturs urðu vinsamlegri,
fóru plötur með rússneskri klassík
að berast í miklum mæli til Vestur-
Evrópu, – tónlist sem hafði verið
hljóðrituð í Rússlandi, en hafði
aldrei verið markaðssett á Vestur-
löndum. Þar var nafn hans á annarri
hverri plötu í upptökum rússnesku
Útvarpshljómsveitarinnar, því hann
var aðalstjórnandi hennar á sama
tíma og jafnvel lengur en hann var í
Bolshoi.
  
Það hlýtur að vera góð hljómsveitsem Gennadí Rosdestvenskí
fellur svo fyrir, að hann vill skuld-
binda sig til að koma. Hann þyrfti
varla annað en að taka upp tólið til
að fá að stjórna hvaða hljómsveit
sem er, skuldbindingarlaust, bara til
að hafa gaman af því. Þeim mun
ánægjulegra er að hann skuli sýna
Sinfóníuhljómsveit Íslands þann
heiður að vilja ráða sig til hennar.
Enn meiri heiður hlýtur það að telj-
ast í ljósi þess að hann er mjög
kröfuharður stjórnandi, og lætur sig
hverfa umsvifalaust ef aðstæður eru
ekki eins og best verður á kosið.
Þegar Gennadí Rosdestvenskí
sagði upp í Bolshoi árið 2001 sagði
hann ástæðuna vera þá, að hann
hefði ekki nógu góða tónlistarmenn
lengur, og að rússneska pressan
hefði þá meiri áhuga á öðru enn
klassískri tónlist. Eftir hrunið opn-
uðust gáttir fyrir rússneska lista-
menn til að spreyta sig á Vestur-
löndum, þar sem þeir urðu eftir-
sóttir með nýfengnu ferðafrelsi.
Rosdestvenskí sætti sig ekki við að
sitja uppi með þá næstbestu og
hætti. Í haust gekk hann á dyr hjá
Sinfóníuhljómsveitinni í Boston,
ekki fyrir það að hljómsveitin væri
ekki nógu góð, heldur mislíkaði hon-
um að nafn hans væri ekki nægilega
áberandi í kynningu á tónleikunum.
  
Gennadí Rosdestvenskí kann þvíað verða erfiður og kröfu-
harður, en fáum blandast þó hugur
um að hann er frábær hljómsveit-
arstjóri, og það vita þeir fyrir víst
sem hlustuðu á tónleika Sinfóníu-
hljómsveitar Íslands undir hans
stjórn á Listahátíð.
Það er kannski til marks um tím-
ana sem við lifum, að um klukkutíma
eftir tónleikana logaði fésbókin af
ummælum þeirra sem höfðu verið á
tónleikunum, og fundu hjá sér hvöt
til að deila þessari ótrúlegu upplifun
með vinum sínum. „Geðveikir tón-
leikar!“, „Ótrúlegur snillingur!“,
„Magnaður Sjostakovits!“ var meðal
þess sem tónleikagestir sögðu, en
stærsta verkið á tónleikunum var
Leningrad-sinfónían eftir Sjostako-
vits. Og Jónas Sen tónlistargagnrýn-
andi var líka hrifinn og sagði túlkun
Rosdestvenskís „magnaða“ og bætti
því við það þetta hefðu verið með
mestu tónleikum Sinfóníuhljóm-
sveitarinnar frá upphafi.
  
Árni Heimir Ingólfsson, tónlistar-stjóri Sinfóníuhljómsveitar-
innar, segir mér að Rosdestvenskí
hafi áhuga á að stjórna fleiri rúss-
neskum verkum þegar hann kemur
næst, og að líklega verði áttunda sin-
fónían eftir Sjostakovits þar fyrst í
röðinni, en hann ætlar líka að flytja
verk eftir minna þekkt rússnesk tón-
skáld. Árni Heimir sagði mér líka að
þau hjá Sinfó hefðu verið á nálum í
ár fyrir tónleikana, vegna þeirra
sagna sem af tiktúrum meistarans
fara meðal annarra hljómsveita.
Ég get ímyndað mér að með þessa
ráðningu ríki mikil gleði og til-
hlökkun hjá Sinfóníuhljómsveit Ís-
lands og tónleikagestum líka. Árni
Heimir líkti ráðningunni við það að
landi Rosdestvenskís, leikhússgoð-
sögnin Konstantín Stanislavskí,
hefði á sínum tíma verið ráðinn til
Þjóðleikhússins.
  
Ráðningu Rumons Gamba semaðalhljómsveitarstjóra Sin-
fóníuhljómsveitar Íslands lýkur senn
og óvíst er hver verður ráðinn í hans
stað. Að hafa nafn jafn virts stjórn-
anda og Rosdestvenskíjs efstan á
lista gestastjórnenda hlýtur, fyrir
utan frábæran leik hljómsveitar-
innar á undanförnum misserum, að
vera besta meðmælabréfið sem
hljómsveitin gat fengið áður en nýr
aðalhljómsveitarstjóri verður ráðinn
og til hans getur hljómsveitin gert
miklar kröfur.
Snillingur sem gerir kröfur
» Gennadí Rosdest-venskí kann því að
verða erfiður og kröfu-
harður, en fáum bland-
ast þó hugur um að
hann er frábær hljóm-
sveitarstjóri.
Gennadí Rosdestvenskí Í Bolshoi sætti hann sig ekki við að sitja uppi með
næstbestu óperusöngvarana og ákvað frekar að hætta þar störfum.
AF LISTUM
Bergþóra Jónsdóttir
Eftir Arnar Eggert Thoroddsen
arnart@mbl.is
ÞAÐ er nóg í gangi í hinu svokallaða
innrásarverkefni tónlistarsjóðsins
Kraums, sem miðar að því að aðstoða
hljómsveitir við að koma tónlist sinni
á framfæri annars staðar en í Reykja-
víkinni. Árstíðir og fleiri hefja sína yf-
irreið í kvöld, Mógil fer af stað á laug-
ardaginn og í kvöld hófst Innrás
rokksveitanna Nögl, Endless Dark,
At Dodge City og Gordon Riots.
Ferðalagið ber yfirskriftina Rokk-
innrásin og eru fyrstu tónleikarnir í
kvöld, í Reykjavík, á Dillon RockBar.
Aðrir viðkomustaðir eru svo
Grundarfjörður, Ísafjörður, Keflavík,
Sauðárkrókur og Egilsstaðir. Auk
sveitanna fjögurra munu heimamenn
á hverjum stað spila og verða til
dæmis sigurvegarar Músiktilrauna,
Bróðir Svartúlfs, með á tónleikunum
á Sauðárkróki.
Innrás Nögl er á meðal þeirra sveita sem ætlar að rokka landsbyggðina.
Íslensk rokkinnrás
Fjórar ungsveitir spila víða um land
fyrir tilstuðlan tónlistarsjóðsins Kraums
Eftir Ingveldi Geirsdóttur
ingveldur@mbl.is
„VIÐ erum fyrst og fremst að hugsa um að skemmta allri
fjölskyldunni og reyndum að hafa eins mikla fjölbreytni og
mögulegt er á þessari plötu,“ segir Stefán Karl Stefánsson
leikari um plötuna Í túrett og moll sem kom í búðir hér-
lendis í vikunni.
Þetta er fyrsta sólóplata Stefáns Karls, en hann vann
hana með Gísla Rúnari Jónssyni, sem skrifaði allt laust
mál og bundið, og Veigari Margeirssyni, sem annaðist all-
ar útsetningar.
„Þetta er fyrsta sólóplata mín þó svo ég líti á þetta sem
verk okkar þriggja. Mig hefur alltaf dreymt um að gera
svona plötu með Gísla og eftir að ég kynntist Veigari
fannst mér tilvalið, úr því við erum allir nágrannar í Los
Angeles, að við myndum gera þetta og hvenær er betra að
koma með léttmeti á markaðinn en einmitt núna.“
Sannleikur og grín
Á Í túrett og moll má finna fjórtán létt lög sem sum
segja litlar sögur. „Svo fylgir disknum heilmikil textabók
sem geymir bæði sannleik og grín um hvert lag,“ segir
Stefán Karl. Í textabókinni má lesa að grínleikararnir Óm-
ar Ragnarsson, Bessi Bjarnason, Halli og Laddi, Edda
Björgvins og Gísli Rúnar séu Stefáni Karli innblástur við
gerð þessarar plötu. „Mig langaði að platan yrði pínulítill
óður til eldri grínleikara, þeirra sem ég er alinn upp við,“
segir Stefán, en þegar hlustað er á plötuna er eins og
margar ólíkar persónur syngi inn á hana. „Þó svo að þetta
komi allt úr einum barka þá langaði okkur að hvert lag
hefði sinn blæ. Ég er mjög ánægður með útkomuna og
held að okkur hafi tekist að gera það sem við ætluðum
okkur í upphafi, vandaða plötu með flottri tónlist.“
Tileinkað Tourette
Athygli vekur að í nafni plötunnar kemur Tourette fyrir
og fyrsta lagið er tileinkað þeim sjúkdómi. „Við Gísli Rún-
ar erum báðir haldnir Tourette-heilkenni og höfum gert
mikið grín hvor að öðrum fyrir það. Þegar þetta lag var í
smíðum vorum við að hugsa um undirtitil á það og fannst
tilvalið að það yrði „áráttusöngur í túrett og moll“, okkur
fannst það svo fyndið að við settum það í titilinn líka. Um
leið vildum við vekja athygli á Tourette-samtökunum og
gefa þau skilaboð út að þó þú sért með Tourette eða
ADHD eða hvað eina, þá getur þú alveg náð langt í lífinu.“
Stefán Karl er kominn heim til Íslands yfir sumartím-
ann til að kynna plötuna og leika í tveimur bíómyndum.
„Annarri myndinni er leikstýrt af Þorsteini Gunnari
Bjarnasyni og þar leik ég á móti Ladda og síðan fer ég
með aðalhlutverkið í Laxdælu Lárusar Skjaldarsonar sem
Ólafur Jóhannesson er að fara að gera.“
Morgunblaðið/RAX
Kominn á klakann Stefán Karl verður á Íslandi í sumar til að kynna nýju plötuna og leika í tveimur bíómyndum.
Stefán Karl og Gísli Rúnar senda frá sér plötuna Í túrett og
moll, sem þeir lýsa sem skemmtun fyrir alla fjölskylduna
Fjölbreytt og fyndin