Morgunblaðið - 25.07.2009, Síða 6

6 FréttirINNLENT
MORGUNBLAÐIÐ LAUGARDAGUR 25. JÚLÍ 2009
NÝJA inflúens-
an, H1N1, hefur
nú verið stað-
fest hjá 23
einstaklingum á
Íslandi. Síðustu
tvo sólarhringa
hafa fimm ný
tilfelli verið
staðfest hér.
Um er að ræða
7 ára dreng sem
kom frá Bretlandi 17. júlí sl., 19
ára bandarískan ferðamann sem
kom til landsins 21. júlí sl., 32 ára
konu sem hafði umgengist smit-
aðan einstakling hér á landi, 25
ára konu sem einnig var í nánum
tengslum við smitaðan ein-
stakling, 25 ára konu sem hafði
umgengist smitaðan einstakling
hér á landi og 32 ára konu sem
kom frá Bandaríkjunum 16. júlí
sl. Enginn sjúklinganna fimm var
með alvarleg einkenni og eru
þeir allir á batavegi.
Fimm ný tilfelli
H1N1-flensunn-
ar á Íslandi
Smit Tilfelli hér á
landi eru væg.
SNORRI Olsen
tollstjóri segist
ekki búast við
stórkostlegri
aukningu í
greiðsluáætl-
unum vegna op-
inberra gjalda
einstaklinga.
Greiðsluáætlanir
séu ekki nýtt úr-
ræði og hafi verið gerðar hjá inn-
heimtumönnum um árabil. Toll-
stjóraembættið hafi séð ástæðu til
að vekja sérstaka athygli á þessum
úrræðum sem skattgreiðendur
hafa, og greint var frá í blaðinu í
gær, þegar álagningarseðlar verða
birtir í næstu viku.
Á tímabilinu 20. júlí 2008 til 31.
ágúst sama ár voru gerðar 350
greiðsluáætlanir vegna launa-
afdráttar. „Við búumst aðallega við
því að fyrsta kastið komi fólk til að
ganga frá lækkun launaafdráttar
og þá sérstaklega ef það hefur ekki
skilað inn skattframtali og hefur
fengið háa áætlun,“ segir Snorri en
skuldarar njóta jafnræðis með tilliti
til búsetu og eiga að geta fengið að
gera greiðsluáætlun í öllum stjórn-
sýsluumdæmum.
Að sögn Snorra eru greiðsluáætl-
anir gerðar til sex mánaða í senn og
hægt er að framlengja þær svo
framarlega sem staðið er við
greiðslur. „Helst viljum við að
skuldir séu gerðar upp á ári þannig
að fólk geri upp eina álagningu í
einu. Það er ekki alltaf raunhæft og
þá sérstaklega ef fólk hefur verið í
mikilli fjármálaóreiðu og skuldar
margar álagningar þegar það kem-
ur fyrst að ganga frá greiðsluáætl-
un. Venjulegt launafólk á almennt
ekki að lenda í erfiðleikum við að
gera upp sín mál því það er búið að
greiða langstærstan hluta skatta
sinna í staðgreiðslu,“ segir Snorri.
350 í greiðsluáætl-
un á síðasta ári
Snorri Olsen
FRÉTTASKÝRING
Eftir Rúnar Pálmason
runarp@mbl.is
ERFITT er að sjá fyrir sér hvaða
þýðingu það hefði að Alþingi setti
einhvers konar fyrirvara eða for-
sendur fyrir samþykkt Icesave-
samningana, líkt og rætt hefur verið
meðal þingmanna. Fyrir Alþingi
liggur frumvarp sem annaðhvort
gerir ráð fyrir að samningarnir verði
samþykktir eða þeim hafnað. Sam-
þykki Alþingi samningana liggur
ekkert fyrir um að einhliða fyrirvari
við þá hefði einhverja þýðingu, þegar
til kastanna kæmi.
Skilgreini forsendur
Guðbjartur Hannesson, formaður
fjárlaganefndar Alþingis, ræðir ekki
um fyrirvara í þessu samhengi held-
ur um að Alþingi skilgreini hvaða
forsendur þurfi að vera til staðar til
að samningar um ríkisábyrgð haldi. Í
samningunum væri nú þegar mik-
ilvægt endurskoðunarákvæði sem
sumum þætti reyndar ekki nægilega
skýrt.
„Þannig að við erum ekki að tala
um að hafna samningnum heldur
hvað við teljum að þurfi að skoða í
slíkri endurskoðun,“ sagði hann.
Málið hefði verið rætt innan nefnd-
arinnar en ekkert verið ákveðið.
Meðal þess sem þyrfti að kanna væri
hvaða stöðu slíkar forsendur, sem
hugsanlega yrðu settar af Alþingi,
hefðu gagnvart samningsaðilum Ís-
lands. Ekkert hefði verið rætt við
Breta og Hollendinga um yfirlýsingu
um að ríkin hefðu sameiginlegan
skilning á fyrirvörum eða forsendum
samninganna.
Jafngildi höfnun
Stefán Már Stefánsson, prófessor í
lögfræði við Háskóla Íslands, sagði
að gildi og þýðing hvers konar fyr-
irvara færi eftir efni þeirra. Ef Al-
þingi myndi t.d. setja þann fyrirvara
að ábyrgðin væri bundin við eitthvert
hámark, t.d. 500 milljarða, væri verið
að hafna Icesave-samningunum sem
ríkisstjórninn gerði með fyrirvara
um samþykkt Alþingis. Ef Alþingi
vildi breyta samningnum, gæti það
ekki samþykkt frumvarpið.
Á hinn bóginn gæti Alþingi gefið
út þau skilaboð til samningsaðila að
Ísland væri tilbúið til að samþykkja
allt, að því gefnu að fyrirvararnir
væru í samningunum. Slíkt gæti
hugsanlega leitt til frekari samninga-
viðræðna en Bretar og Hollendingar
gætu einnig einfaldlega litið svo á að
Íslendingar vildu ekki semja. „Fram-
haldið getur ráðist af því hvernig
gagnaðilarnir horfa á þetta. Það get-
ur vel verið að þeir segi: Gott og vel,
við skulum taka einn slag við Íslend-
inga um hámarkið og sjá hvort við
náum árangri. Þá getur allt fallið í
ljúfa löð. En það er ekkert öruggt
með það.“
Þótt slík samþykkt Alþingis gæti
farið illa í Breta og Hollendinga,
sagði Stefán Már að samþykkt Al-
þingis um að hægt væri að sam-
þykkja samningana með fyrirvara
vægari aðgerð en að fella einfaldlega
samningana. Vilji Alþingis gæti t.d.
komið fram í þingsályktun.
Fyrirvarar
gætu fellt
samningana
Fjallað um endurskoðunarákvæði
Icesave-samningarnir standa í
þingmönnum og sumir þeirra
hafa rætt um að setja verði ein-
hvers konar fyrirvara í þá. En ein-
hliða fyrirvarar við samninga
hafa yfirleitt litla þýðingu.
Guðbjartur
Hannesson
Stefán Már
Stefánsson
Eru einhver takmörk fyrir því
hversu lengi Alþingi getur
rætt Icesave-samningana?
Í samningnum við Hollendinga
segir að verði samningurinn ekki
samþykktur fyrir lok sumarþings
2009 sé hollenska ríkinu heimilt að
rifta samningnum. Nýtt þing er jafn-
an sett 1. október og væntanlega
þarf sumarþinginu að vera lokið þá.
Hvernig er hægt að breyta
samningum?
Aðeins er hægt að breyta þeim,
bæta við eða falla frá þeim með
skriflegu samkomulagi milli samn-
ingsaðila.
S&S
Morgunblaðið/Eggert
LITADÝRÐ OG GLEÐI
ÞAÐ styttist óðum í litríku gleðigönguna Gay Pride, hápunkt og stolt
Hinsegin daga, fjögurra daga hátíðar sem stendur frá 6.-9. ágúst.
Að mörgu er að hyggja við undirbúning slíkrar hátíðar og kannski eru
stúlkurnar í glugganum að leggja á ráðin. Alltént vakti litaglaður og blak-
andi regnbogafáninn sem kallast á við rauða bolina, athygli ljósmyndarans
sem stóð andspænis þeim á svölum uppi á fimmtu hæð.
HÆGFARA batamerki má sjá á
sandsílastofninum við Vestmanna-
eyjar, skv. niðurstöðum úr tveggja
vikna leiðangri Hafrannsóknastofn-
unar. Farið var á fjögur svæði,
Breiðafjörð, Faxaflóa, Vestmanna-
eyjar og Ingólfshöfða.
Stofn sandsíla hefur verið að
veikjast frá aldamótum. Í sumar
virðist uppistaðan vera tveggja ára
síli af 2007-árgangi en einnig fannst
talsvert af seiðum frá því í vor.
Þetta magn seiða af nýjum ár-
gangi gefur væntingar um að nýlið-
un í ár verði ekki minni en hjá 2007-
árganginum, að sögn Vals Bogason-
ar, sem fór fyrir leiðangrinum.
Talsvert magn sandsílis var við
Vík í Mýrdal og kringum Vest-
mannaeyjar. Í Faxaflóa var magn
síla og seiða með mesta móti miðað
við undanfarin ár, en við Ingólfs-
höfða á Breiðafirði fengust færri síli
og var þar ekki batamerki að sjá.
Sandsíli sýna hæg-
fara batamerki
Talsvert magn síla við Vík og Eyjar
REYNIR Pétur Ingvarsson hafði í nógu að snú-
ast í einu af gróðurhúsum Sólheima þegar
blaðamaður og ljósmyndari litu þar inn á dög-
unum. „Það þarf að reyta allan þennan arfa,“
sagði hann og benti á þéttvaxið arfabeð fyrir
aftan sig. Fyrir framan blöstu síðan við rækt-
arlegar raðir steinselju, púrrulauks og hinna
margvíslegustu salattegunda. „Annars er ég
bara með annan fótinn hérna megin því það er
nóg að gera í hinu gróðurhúsinu líka.“
Það reyndust vera orð að sönnu því þar var
fólk önnum kafið við að setja kryddsultu á
krukkur.
Í kertasmiðjunni var ekki síður mikið um að
vera. Hunangsilminn lagði þar af býsvaxperl-
um sem steypa skyldi í kerti. Og unnið var af
krafti við að skafa ysta lagið af þeim fjölda
kertaafganga sem Sólheimum berast og öðlast
eiga nýtt líf sem útikerti.
annaei@mbl.is
Arfinn skal burt
Morgunblaðið/Jakob Fannar
Reynir Pétur Átti mikið verk fyrir höndum við að hreinsa arfann.
Morgunblaðið/Jakob Fannar
Endurvinnsla Ysta lagið er hreinsað af kertunum og þau endurunnin.