Saga - 1992, Blaðsíða 266

264
GUNNLAUGUR ÁSTGEIRSSON
atkvæðum að í hringborðsumræðu í sjónvarpssal 8. júní skuli taka þátt full-
trúar allra stjórnmálaflokkanna nema Framboðsflokksins.
Þorsteinn Hannesson óskaði bókunar á því, að hann gæti ekki séð aðra
ástæðu fyrir því, að Framboðsflokkurinn fengi ekki fulla aðild að öllum
umræðum, en þá, að flokkurinn býður ekki fram í öllum kjördæmum. Sama
ætti þá að gilda um Samtök frjálslyndra og vinstri manna.
Enn síðar segir í fundargerðinni:
Emil Björnsson kvað Magnús Bjarnfreðsson, sem hefði með höndum stjórn á
upptöku flokkskynninga í sjónvarpi, óska svars við þessum spurningum: Er
leyfilegt að syngja eða flytja tónlist í þessari kynningu stjórnmálaflokkanna?
Má þar viðhafa dans eða líkamsæfingar?
Þorsteinn Hannesson og Þórarinn Þórarinsson kváðust ekkert sjá við það að
athuga, ef einhverjir vildu tjá sig með gítarspili eða söng. Fram kom að full-
trúar Framboðsflokksins ætluðu að flytja mál sitt á ensku.
Formaður taldi fjarstæðu að leyfa slíkt og spurði hvort ástæða væri til að
ræða það frekar. Þorsteinn Hannesson óskaði eftir atkvæðagreiðslu um þetta.
Bar formaður þá fram þá tillögu að kosningadagskráin í ríkisútvarpinu skuli
bundin því, að þar verði aðeins flutt talað mál, enda verði aðeins íslenska
töluð.
Þorsteinn Hannesson óskaði eftir að tillagan yrði borin upp í tvennu lagi.
Var samþykkt með 4:1 atkvæði að aðeins skyldi leyft talað mál í dagskránum,
og allir voru sammála um að aðeins íslenska verði töluð þar.
I framhaldi af samþykktum fundarins sendi ritari útvarpsráðs flokkn-
um bréf þar sem fram kemur að flokkurinn fái að taka þátt í kosninga-
útvarpi og -sjónvarpi til jafns við aðra flokka að undanteknum hring-
borðsumræðum formanna flokkanna í sjónvarpssal.
Þegar þessi málalok voru ljós, tóku framboðsmenn af fullum krafti
til við að undirbúa þátttöku í flokkakynningu Sjónvarpsins, en hana
átti að taka upp á myndsegulband laugardaginn 22. maí, þannig að
ekki var allt of langur tími til stefnu. Að vísu höfðu framboðsmenn
kynnt sér áður hvernig fyrirhugað var að haga flokkakynningunni og
hafið undirbúning samkvæmt þeim upplýsingum. En sá undirbún-
ingur var aðeins á umræðustigi þegar ákvörðun um aðild Framboðs-
flokksins að kosningaútvarpi var tekin, þannig að endanleg gerð
kynnningarinnar varð til á þeim þrerriur dögum sem voru á milli
fundar útvarpsráðs og upptökudags.
Kynningarþáttur Framboðsflokksins var unninn með þeim hætti,
að fyrst fóru fram víðtækar umræður um hvernig henni skyldi hagað,
bæði að því er snerti málflutning og annað fyrirkomulag. Var síðan
einstaklingunum sem fram skyldu koma, ýmist einum eða í sam-