Skinfaxi - 01.05.2011, Blaðsíða 4

4 SKINFAXI – tímarit Ungmennafélags Íslands
Fyrirmyndarleikmaðurinn er átaksverkefni
gegn munntóbaksnotkun knattspyrnu-
manna á vegum UMFÍ, ÍSÍ, Landlæknis-
embættisins, KSÍ og ÁTVR. Einnig er her-
ferðinni beint gegn notkun tóbaks á
íþróttasvæðum. Á sambandsráðsfundi
UMFÍ í október sl. var samþykkt tillaga um
að skora á sambandsaðila og aðildarfélög
að banna alla tóbaksnotkun, þar með talið
munntóbak, í öllu ungmenna- og íþrótta-
starfi og koma upp skiltum þessu til árétt-
ingar. Jafnframt var stjórn UMFÍ falið að
leita samstarfs við sérsambönd ÍSÍ og fag-
aðila um sameiginlegt átak gegn notkun
munntóbaks.
Átakið mun standa frá júní til loka sept-
ember eða yfir keppnistímabil knattspyrnu-
manna. Ástæða þess að átakinu er beint
að knattspyrnumönnum er að meðal
þeirra hefur munntóbaksnotkun breiðst
afar hratt út á síðustu misserum. Sam-
kvæmt könnun meðal knattspyrnumanna
Herferð gegn munntóbaksnotkun:
Fyrirmyndarleikmaðurinn
kemur fram að allt að 30% leikmanna hafi
notað munntóbak.
Vitað er að helsta ástæða þess að ungt
fólk byrjar munntóbaksnotkun er hóp-
þrýstingur eða fyrir tilstuðlan fyrirmynda.
Átakið fer fram með þeim hætti að valinn
verður einn leikmaður frá hverju liði í efstu
deild og fær hann titilinn fyrirmyndarleik-
maður. Sá leikmaður neytir ekki tóbaks.
Hlutverk leikmannsins er að vera fyrir-
mynd yngri iðkenda auk þess að prýða
veggspjöld í auglýsingaherferð átaksins.
Hvert einstakt lið í efstu deild fær heim-
sókn á heimaleik, þar sem ungir krakkar í
búningum félagsins afhenda fyrirmyndar-
leikmanninum veggspjald sem hann árit-
ar og staðfestir með undirskrift sinni að
hann sinni fyrirmyndarhlutverki sínu af
kostgæfni. Einnig fær formaður viðkom-
andi félags afhenta áskorun um að móta
stefnu um notkun tóbaks á félagssvæðinu
og sjá til þess að henni verði framfylgt.
Átakið verður kynnt rækilega með aug-
lýsingum og umfjöllun fjölmiðla. Markmið
átaksins er að koma þeim skilaboðum
áleiðis að íþróttir og munntóbak eigi enga
samleið. Og þó að átakið beinist sérstak-
lega að knattspyrnumönnum er það
aðeins upphafspunkturinn og markmiðið
er að halda áfram á næstu árum að vekja
íþróttamenn í öllum keppnisgreinum
sem og ungt fólk til umhugsunar um þær
slæmu hliðar sem neysla munntóbaks
hefur í för með sér.
Auglýsingaskilti sem
notað er í herferð-
inni „Fyrirmyndar-
leikmaðurinn“, en
að því standa UMFÍ,
ÍSÍ, Landlæknis-
embættið, KSÍ og
ÁTVR.
Úthlutun styrkja úr Forvarnasjóði fyrir árið
2011 fór fram 26. júní sl. í Þjónustumið-
stöð UMFÍ við Sigtún. Við það tækifæri
fluttu Guðbjartur Hannesson, velferðar-
ráðherra, og Geir Gunnlaugsson, land-
læknir, stutt ávörp.
Úthlutað var styrkjum að upphæð 72
milljóir í 102 verkefni. Ungmennafélag
Íslands fékk tvo styrki, 2,5 milljónir í verk-
efnið Flott fyrirmynd og 1,5 milljónir Ung-
lingalandsmótið.
Tilgangur Forvarnasjóðs er að stuðla að
forvörnum gegn áfengis- og vímuefna-
neyslu. Hlutverk sjóðsins er að styrkja verk-
efni á sviði áfengis- og vímuvarna í sam-
ræmi við stefnu og forgangsröðun ríkis-
stjórnarinnar í áfengis- og vímuvörnum
hverju sinni. Styrkir eru veittir félögum,
samtökum og opinberum aðilum. Einstakl-
ingum eru að jafnaði einungis veittir styrk-
ir til rannsóknaverkefna. Samhliða samein-
ingu Lýðheilsustöðvar og embætti land-
læknis sem ákveðin var með lögum fyrr á
þessu ári hefur Forvarnasjóður verið lagð-
ur niður en til verður nýr lýðheilsusjóður
sem hefur það hlutverk að styrkja lýð-
heilsustarf í landinu. Hlutverk sjóðsins er
víkkað út í samræmi við þær faglegu
áherslur að heildræn nálgun í forvarna-
starfi skili mestum árangri og einnig í sam-
ræmi við þróun fjárveitinga til Forvarna-
Forvarnir
Úthlutun styrkja úr Forvarnasjóði
sjóðs síðastliðin ár með sérstöku framlagi
til heilsueflingar og lýðheilsustarfs. Um
leið verður ákveðinn faglegur mælikvarði
settur til hliðsjónar er kemur að úthlutun
styrkja úr sjóðnum og mun sá mælikvarði
meðal annars ákvarðast af lýðheilsumark-
miðum stjórnvalda hverju sinni.
Guðbjartur Hannes-
son, velferðarráð-
herra, flytur ávarp
við athöfnina.