Organistablaðið - 01.12.1969, Blaðsíða 2

Árið 1947 lék hann í Westminter Abbey í London á vegum BBC
öll orgelverk J. S. Bach, og árið 1959 og 1962 í Oxford-háskóla.
Árið 1961 lék hann öll Bach-orgelverkin í fyrsta skipli í Ameríku
í Grace-dómkirkjunni í San Francisco i Kaliforníu fyrir geysistóran
hóp áheyrenda. í San-Francisco var hann heiðraður sérstaklega af
stjórn Kalíforníufylkis og einnig af borgarstjórn San-Francisco. —
Nokkru síðar lék hann í St.-Thomas kirkjunni í Fifth-Avenue í New
York við geysimikla aðsókn. Þar var hann einnig heiðraður sér-
staklega af Jolin F. Kennedy, þáverandi forseta Bandaríkjanna, og
af R. Wagner, sem var borgarstjóri New York-borgar.
I desember 1965 flutti hann öll verk Girolamo Frescobaldi í
Central Prestbyterian Church í Park Avenue eftir hljómleikaför um
öll Bandaríkin og Kanada.
Fernando Germani er dósent í orgelleik við Chigi-Músikakade-
míuna í Siena. En jjar eru á hverju sumri haldin námskeið fyrir
tónlistarmenn, sem auka vilja við kunnáttu sína, og eru kennarar
þar margir af færustu og frægustu tónsnillingum heims. Þessi aka-
demía var stofnuð fyrir meira en 30 árum af Guido Ohigi Saracini
greifa og Germani.
Auk þessa er Germani aðalkennari og verndari orgeldeildar og
orgcltónsmíðadeildar Santa-Cecilia-tónlistarskólans í Rómaborg.
Hann er heiðursfélagi í samtökum organista í New York, í klúbbi
organista í Pliiladelphia og organistafólögum í Sydney og Brisbane
í Ástralíu. Hann er heiðursborgari New Orleans í Bandaríkjunum og
hefur verið sæmdur ótal heiðursmerkjum, ítölskum og erlendum.
Hann liefur tekið -þátt í fjölmörgum tónlistarhátíðum, svo sem:
í Berlín, Frankfurt am Main, Luzern, Núrnberg, Hereford, York,
F.dinborg, Schaffhausen og mörgum öðrum borgum í Evrópu og
Ameríku.
Meðal hinna ýmsu bóka, sem Germani hefur gefið út, eru sér-
staklega merkar endurútgáfa á orgelverkum G. Frescobaldi, í þrem-
ur bindum, og kennslubók í orgeBeik í mörgum bindum. Einnig
hefur liann ritað fjölmargar greinar, sem birzt hafa í tónlistartíma-
ritum, ítölskum og erlendum.
Hér lýkur þessari frásögn um Germani. Þrátt fyrir þessa glæsi-
legu lýsingu á ferli lians er hér um að ræða ofur hógværan mann,
sem hvorki finnur til stærðar sinnar né hreykir sér hátt. Tækni hans
og kunnátta hvílir á styrkum stoðum án allrar yfirborðsmennsku og
2 ORGANISTABLAÐIÐ