Morgunblaðið - 13.01.2010, Page 4

4 FréttirINNLENT
MORGUNBLAÐIÐ MIÐVIKUDAGUR 13. JANÚAR 2010
BERGÞÓRA og Thelma eru byrjendur í golf-
íþróttinni en þær vita að æfingin skapar meist-
arann.
Að undanförnu hefur verið frábært veður til
þess að æfa sveifluna og stúlkurnar láta ekki
segja sér það tvisvar heldur nýta hverja frístund
vel á golfvellinum í Grafarvogi. Aðalatriðið er að
taka sér góðan tíma, beita líkamanum rétt, horfa
á golfkúluna og slá af öryggi að hætti meistara.
STÚLKURNAR ÆFA SVEIFLUNA Í GRAFARVOGI
Morgunblaðið/Golli
UMRÆÐA fer nú vaxandi í mörgum sóknarnefndum í
Reykjavík um hvort nauðsynlegt sé orðið að setja upp ör-
yggismyndavélar við kirkjur. Nú þegar hefur Digranes-
kirkja sett upp slíkan eftirlitsbúnað eftir að rúður voru
brotnar þar á síðasta ári og skemmst er að minnast
skemmdarverka á Grensáskirkju á gamlársdag þar sem
rúður voru brotnar og rauðri málningu slett.
Auk skemmdarverka hefur borið á því að í kringum
stórhátíðir, þegar kirkjugestum fjölgar mjög, laumist
þjófar í anddyrin og steli úr vösum yfirhafna.
Skemmdarverk tilgangslaus og þróunin sorgleg
Að sögn Ólafs Jóhannssonar, prests í Grensáskirkju og
formanns prestafélagsins, velta því nú ýmsir fyrir sér
hvort tímabært sé orðið að vakta kirkjurnar. „Fáeinir
prestar hafa nefnt það við mig að þeir séu að hugsa um að
gera þetta, en þetta er náttúrlega fokdýrt.“
Ólafur segir málið auk þess viðkvæmt, fólk komi til
kirkju í ýmsum erindagjörðum og tilhugsunin um sam-
félag undir vökulu auga eftirlitsmyndavéla þyki fæstum
heillandi. „En auðvitað vill maður að kirkjurnar séu látn-
ar í friði og almennt má segja að þessi skemmdarverk séu
sorgleg þróun. Munurinn á skemmdarverki og þjófnaði
til dæmis er að með þjófnaði er fólk að reyna að komast
yfir einhver verðmæti sem það getur mögulega selt, en
með skemmdarverki græðir enginn og það er svo til-
gangslaust.“ una@mbl.is
Eftirlitsmyndavélum við
kirkjur kann að fjölga
Morgunblaðið/Ómar
Vargar Aðkoman að Grensáskirkju var ljót á nýársdag.
Skemmdarverk og þjófnaður
við kirkjur dapurleg þróun
HRANNAR B.
Arnarsson, að-
stoðarmaður for-
sætisráðherra,
segir Facebook-
síðu sína ekki op-
inberan vett-
vang. Athygli
vakti þegar hann
tíndi til nei-
kvæða erlenda
umfjöllun um Ísland í Icesave-
málinu á síðunni og lét fylgja með
að hún væri „með kveðju frá Bessa-
stöðum“. Hafa sumir túlkað þetta
þannig að embættismaðurinn hafi
verið að hæðast að forsetanum eða
ákvörðun hans. Facebook-síðan er
lokuð og ekki hafa aðrir aðgang að
henni en vinir hans á Facebook-
vefnum.
Aðspurður segir Hrannar að
hann komi ekki fram sem talsmað-
ur ríkisstjórnarinnar á síðunni,
heldur birti hann þar ýmislegt sem
viðkomi hans lífi og starfi, fyrir
sína vini og kunningja. Með teng-
ingunni við Bessastaði hafi hann
einfaldlega verið að benda á upp-
runa þeirra frétta sem dundu á Ís-
lendingum þann daginn. Að öðru
leyti vill hann ekki tjá sig um málið.
Eins og að tjá sig í eldhúsinu
Hann tekur skýrt fram á síðunni
að hún sé óopinber og ætluð fjöl-
skyldu hans, vinum, kunningjum og
öðrum sem vilji halda tengslum við
hann. „Hér vil ég geta tjáð mig eins
og ég geri í eldhúsinu heima. Ekk-
ert á síðunni er ætlað til opinberrar
birtingar,“ segir í lýsingu síðunnar.
Þess má þó geta að skráðir vinir
Hrannars á Facebook, sem hafa
fullan aðgang að vefsvæði hans þar,
eru 1.729 talsins. onundur@mbl.is
Fésbókar-
síðan ekki
opinber
Háð í garð forsetans
ekki í krafti starfsins
Hrannar Björn
Arnarsson
Eftir Sigrúnu Rósu Björnsdóttur
og Önund Pál Ragnarsson
MÁNAÐARLAUN stórmeistara í
skák eru 257.000 krónur, samkvæmt
upplýsingum frá menntamálaráðu-
neytinu. Nú eru fimm stórmeistarar á
slíkum launum hjá ríkinu.
Ásdís Bragadóttir, framkvæmda-
stjóri Skáksambands Íslands, segir
menntamálaráðuneytið setja regl-
urnar, þegar spurt er um skilyrði til
launagreiðslnanna og vísar hún í lög
frá 1990 um launasjóð stórmeistara.
Hún segist ekki vita til að sett hafi
verið reglugerð með lögunum um
nánari framkvæmd þeirra. Mennta-
málaráðuneytið vísaði á SÍ þegar
spurt var hversu mikið stórmeistarar
þyrftu að tefla á mótum til að halda
laununum.
Í pistli Hrafns Jökulssonar um
skák í Viðskiptablaðinu á fimmtudag
sagði að aðeins tveir þeirra stórmeist-
ara sem eru virkir í skák í dag hefðu
síðustu mánuði teflt kappskákir, þó
svo fimm þeirra séu á launum.
Ekki skýr krafa um framlag
Í lögunum er áskilið að þeir sem fái
laun úr sjóðnum skuli sinna skák-
kennslu við Skákskóla Íslands eða
fræðslu á vegum skólans, sinna rann-
sóknum á sviði skáklistar, auk þess að
tefla fyrir Íslands hönd á skákmótum
heima og erlendis.
Ekkert er kveðið á um virkni
þeirra er njóta greiðslna úr sjóðnum
og segir Ásdís kennsluskyldu stór-
meistara það eina sem snúi að SÍ en í
lögunum sé ekki tilgreint hve mikil
hún þurfi að vera. Ásdís segir stór-
meistarana tefla fyrir Ísland hönd en
í lögunum sé ekki skýrt hversu mikið.
Stórmeistarar haldi titli sínum þegar
hann sé fenginn. Á bak við hann séu
2.500 ELO stig og þrír áfangar á
þremur sterkum alþjóðlegum mót-
um. Stórmeistarar haldi stigunum
hætti þeir að tefla.
Þegar spurt er hve lengi sé greitt
segir Ásdís það óskýrt. Í raun fái
stórmeistarar greitt þar til þeir hætti
sjálfir eða sé sagt upp af ríkinu. Sá
eini sem fékk tímabundnar greiðslur
er nýjasti launþegi sjóðsins.
Þess má geta að með frumvarpi til
laganna fylgdu drög að reglugerð.
Þar var m.a. lagt til að sótt yrði um til
tveggja ára í senn, að kennsluskylda
jafnaðist á við lektora við Háskóla Ís-
lands og gera mætti undanþágur
vegna undirbúnings móta.
Óskýrar reglur um laun
 Stórmeistarar fá laun frá ríkinu fyrir óskilgreint framlag til skákíþróttarinnar
 Virðast ekki til reglur um hversu lengi slíkar greiðslur skulu standa
Morgunblaðið/Árni Sæberg
Fjöltefli Rökhugsun skákarinnar
þekkir engin aldurstakmörk.
UNGI maðurinn
sem lést í brun-
anum á Hverf-
isgötu 28 þann 7.
janúar sl. hét
Kristinn Freyr
Arason.
Hann var 24
ára, ókvæntur og
barnlaus, skráður
til heimilis að Hverfisgötu 28.
Kristinn Freyr hefði orðið 25 ára
10. janúar.
Lést í bruna
á Hverfisgötu