SunnudagsMogginn - 20.02.2011, Page 23

20. febrúar 2011 23
bannið úr gildi. Svisslendingar sátu einir
eftir og Líbýumenn fögnuðu. Ekki varð
fögnuður þeirra minni þegar bandarísk
stjórnvöld báðust afsökunar á því að tals-
maður bandaríska utanríkisráðuneytisins
hafði farið háðulegum orðum um Gad-
dafi. Í báðum tilvikum hótuðu Líb-
ýumenn að rifta samningum við banda-
rísk og evrópsk fyrirtæki.
Hvað varð um olíupeningana?
Olían hefur fært Líbýu miklar tekjur, en
þær hafa ekki skilað miklu. Innviðir
landsins eru lélegir og sums staðar í mol-
um, vegir holóttir og hús í niðurníðslu.
Miðað við höfðatölu – talið er að um 6,3
milljónir manna búi í Líbýu – er fram-
leiðslan og olíulindirnar næstum jafn
miklar og í Sádi-Arabíu. Með þessum
peningum hefði mátt bæta lífskjörin mun
meira en raun ber vitni og meira að segja
Gaddafi hefur spurt hvað orðið hafi um
olíupeningana.
Um þessar mundir eiga sér hins vegar
miklar framkvæmdir stað í Líbýu og
byggingakranar eru víða. Í Bad Trablous
suður af Trípolí er verið að reisa gríð-
arlega verslunarsamsteypu fyrir 600
milljarða evra. Arkitektarnir eru frá Kali-
forníu, verkfræðingarnir frá Tyrklandi og
verkamennirnir frá Víetnam, Egyptalandi
og Túnis. Enginn Líbýumaður kemur að
verkinu.
Engin opinber umræða er um arftaka
Gaddafis, en þrír elstu synir hans, Mo-
hammed, Seif el-Islam og Al-Saadi, hafa
verið áberandi. Gaddafi kippir síðan í
taumana þegar honum finnst þeir ganga
of langt. Það gerðist til dæmis árið 2000
þegar þriðji sonurinn, Al-Saadi, sem þá
var leikmaður Al Ahli, knattspyrnuliðs í
Trípolí, þótti nota áhrif sín á dómara
þannig að þeir dæmdu hans liði í hag.
Þegar helstu keppinautarnir í Benghazi
teymdu asna í treyju númer 10 – sem
einnig var númer Al-Saadis – um göt-
urnar lét hann jafna leikvang þeirra við
jörðu.
Spyrja má hvort þessar breytingar
marki endalok eyðimerkursósíalisma
Gaddafis, en kannski er nær að spyrja
hvort atburðarásin muni gera að engu
þær áætlanir sem hann hefur í huga. Líb-
ýumenn gera sér grein fyrir því að í
valdatíð Gaddafis hafa mörg tækifæri
glatast og nú sjá þeir fram á að olíu-
lindirnar verði uppurnar eftir 30 ár miðað
við núverandi framleiðslu. Það er sá tími
sem komandi kynslóð hefur til að nýta
olíuauðinn til að byggja upp landið.
leiðtogum grannríkjanna, Hosni Mubarak fyrrverandi forseta Egyptalands, og Zine Ben Ali, fyrrverandi leiðtoga Túnis. Gaddafi með bandaríska þotu í líbýskum hrammi í baksýn.
AP
’
Á tímum fjöldans er
valdið í höndum
fólksins sjálfs og leið-
togarnir hverfa að eilífu.“
Úr Grænu bókinni, sem geymir hug-
myndafræði Moammars Gaddafis.