SunnudagsMogginn - 31.07.2011, Page 20

20 31. júlí 2011
Þegar sólin skín, þá er kökuborðinu
skellt út undir tjaldvegg og barnabörn-
in, tvíburarnir Ágústa og Valur And-
ersen, leika sér í grasinu .
F
jölskyldan hefur verið með tjald frá því ég
fæddist,“ segir Bjarni Ólafur Guðmundsson.
„Ég reyndar náði að týna því eina þjóðhátíð-
ina, náði ekki í það á réttum tíma og það
fauk í óveðri á þriðjudeginum. Þá urðum við að kaupa
nýtt tjald. En það hefur líka orðið endurnýjun víða,
menn eru farnir að vera með tvöfalt tjald og ætli þau
stærstu séu ekki tíu fermetrar.“
Látlaust fjör í sumum tjöldum
Tjaldið er samkomustaður fjölskyldunnar allan sólar-
hringinn, að sögn Bjarna. „Það fer eftir því hvað
menn eru duglegir,“ segir hann og hlær. „Margar
fjölskyldur hafa fastar samkomustundir fyrir fjöl-
skylduna, sem eru á kaffitíma. Þá kemur fólk með
þjóðhátíðarterturnar sínar, flatkökur, brauðtertur og
annað slíkt, og yfirleitt er þetta fyrir eða eftir barna-
dagskrána. Oftast er eitthvað um að vera um kvöldið,
pylsupartí eða humarsúpa. Aðrir hafa fastan tíma í
kringum miðnætti, eftir brennuna, flugeldasýninguna
og brekkusönginn. Föstu punktarnir eru því kaffið,
kvöldmatur og miðnættið. En svo er látlaust fjör í
sumum tjöldum allt kvöldið, hjá söngelskustu fjöl-
skyldunum er stöðugt söngur og gítarspil.“
Bjarni segir menn íhaldssama á staði fyrir tjöldin.
„Menn nánast skriðtækla til að vera fyrstir á sinn
blett. Svo vanafastir eru menn að það hafa orðið vin-
slit. En svo grær það alltaf saman aftur.“
Og Eyjamenn taka vel á móti gestum. „Öllum sem
sýna kurteisi og koma með vinarþel í huga er tekið
vel og yfirleitt boðið upp á veitingar, hvort sem það
er í formi drykkjar eða lætt að viðkomandi flatköku
eða samloku. Stundum er fólk svo aðframkomið og
illa haldið af hungri þegar það kemur inn að fólk telur
sig gera mikið góðverk með því að gefa því að borða.“
Nostrað er við innréttingarnar hjá Bjarna eins og
öðrum. „Ég er með gamla bíóbekki úr bíóinu í Vest-
mannaeyjum, náði mér í fjögur sæti fyrir fjölskyld-
una. Síðan höfum við hefðbundna trébekki og borð.
Oftast höfum við tvöfalt tjald, reyndar ekki núna, og
þá erum við með leðursófasett í hinum endanum. Svo
er að sjálfsögðu koffort og skápur undir kaffi, sam-
lokur og annað slíkt – og lunda þegar hægt er að fá
hann.“
Fjölskyldan aldrei misst úr þjóðhátíð
Bjarni efast um að þjóðhátíð hafi nokkurn tíma fallið
niður hjá fjölskyldunni. „Við erum sjö systkinin og
þegar þessi elstu heltust úr lestinni tóku þau yngri
við. Ég hef verið með tjald síðan á níunda áratugnum.
Ég fór sjálfur fyrst á þjóðhátíð árið 1980 og hef komið
Bjarni Ólafur Guðmundsson
Stólar úr bíóinu og leðursófasett
Blysið logar og vongóðir krakkar bíða við veisluborðið.