Monitor - 19.05.2011, Blaðsíða 16

16 Monitor FIMMTUDAGUR 19. MAÍ 2011
Kristína Aðalsteinsdóttir er 24 ára myndlistarmaður
með ótrúlega fallegan smekk. Hún er að útskrifast úr
Listaháskóla Íslands um þessar mundir og ætlar í framhaldi
af því að setja upp nýtt vinnu- og sýningarrými ásamt átta
öðrum myndlistarmönnum. „Þar
ætlum við að gera listasnilld og grilla
í bakgarðinum,“ útskýrir Kristína
sem ætlar einnig að starfa sem vinnuskólaleiðbeinandi í tvo mánuði
í sumar. „Þess á milli ætla ég að hafa það náðugt í sumar, hérlendis
og erlendis, áður en ég sæki um mastersnám úti í heimi.“ Stíllinn
fékk að forvitnast aðeins um fatastíl Kristínu og hvaða flíkur eru
ómissandi fyrir sumarið.
Hvernig myndir þú lýsa stílnum þínum í fimm orðum? Ég vil búa í
Versölum?
Hver er uppáhaldshönnuðurinn þinn? Gareth Pugh, Luella, Betsey
Johnson, Jeremy Scott, Marjan Pejoski, Riccardo Tisci fyrir Givenchy. Í
rauninni allir sem bjóða upp á einhverskonar ævintýri og frásögn eða vott
af ofgnótt eða smekkleysu í fötunum sínum.
Hversu mörg skópör átt þú? Ekkert óþarflega mörg, kannski í kringum 20
stykki. Þau taka minnst pláss innan skápsins en kjólar og höfuðskraut mest.
Ef þú yrðir að fá þér tattú, hvað myndir þú fá þér og hvar? Táratattú í
pastellitum á hvarmann, af augljósum ástæðum.
Hvaða flík er ómissandi að þínu mati fyrir sumarið? Kylie Minogue
hotpants fyrir stúlkur og Tobias Funke cut-offs fyrir drengi. Svo skála ég
reglulega í barnasólarvörn SPF 50 við aðra albínóa landsins á sumrin, hún
telst sem fylgihlutur.
Myndir/Árni Sæberg
Stíllinn fékk Kristínu Aðal-
steinsdóttur, myndlistarmann,
til að sýna nýjustu, bestu,
þægilegustu, dýrustu, elstu,
skrítnustu og flottustu
flíkurnar í fataskápnum.
Vill búa í
Versölum
BESTA
Þessi
Emmu
Cook
silfurflík eru án
efa bestu kaup mín hingað til
en ég fékk hann í KronKron fyrir
nokkru síðan. Mér líður alltaf eins
og fallegum jólapakka í þessum
topp og ef ég fengi þúsundkall fyrir
hvert skipti sem ég hef notað hann
væri ég Jóakim Aðalönd.
ÞÆGILEGASTA
Nánast allt líf mitt fer
fram í þessum frábæru
stuttbuxum. Ég keypti
þær síðasta sumar í
American Apparel í New
York. Það skemmir ekki
fyrir að þær líta út eins og
gamlar ömmunærbuxur frá
Viktoríutímabilinu !
DÝRASTA
Þessi fallegi Vivienne Westwood jakki
sem ég fékk í KronKron fyrir nokkrum
árum. Hann kostaði mig miltað og nýra
og telst því sem dýrasta flíkin sem
ég á en ég elska hann því mér
líður alltaf eins og ég eigi heima
á ensku herrasetri árið 1805
þegar ég klæðist honum.
ELSTA
Var keypt af
móður minni
á markaði úti í
London og er afar
fallegur kremlitaður
antik kjóll með
ísaumuðu
gullmynstri. Hann
er að minnsta
kosti 60 ára
gamall og er
einn af mínum
uppáhaldskjól-
um og afar
lýsandi fyrir
fatasmekk
minn. Hann
er einn af
mörgum
kjólum sem
ég nota
mikið við
fínni tækifæri.
SKRÍTNASTA
Skópar frá Jeffrey Campbell sem er einungis framleitt í
takmörkuðu upplagi og ég arkaði hálfa Brooklyn endilanga
til þess að finna síðasta sumar. Þeir eru með mjúkum
loðfeldi að utan og spegli á hliðunum og líta út eins og
framtíðarskór á sterum.
Þeir eru sérstaklega
viðkvæmir fyrir
bleytu og hrikalega
ópraktískir á Íslandi
svo auðvitað keypti ég
þá samstundis. Ég vil
meina að þeir gefi manni
ómældan stökkkraft og
ofurkrafta.
FLOTTASTA
Marjan Pejoski chiffon- og
silkikjóllinn minn. Ef vel er að
gáð lítur hann út fyrir að vera
gerður úr litlum hvítum rósa-
blöðum og er með flæðandi
chiffoni á hliðunum, sem eru
ekki alveg eins báðum megin.
Ég klæðist honum aðeins
við afar sérstök tilefni. Hann
fékkst í Kronkron og var gjöf
frá foreldrum mínum og þykir
mér því afar vænt um hann.
NÝJASTA
Sveppajakki úr silki frá To Be Adored, pant-
aður af netinu. Ég er mikið fyrir blómamynst-
ur og er hann því prýðileg viðbót í safnið.
Hann minnir mig á Lísu í Undralandi
sem er uppáhaldsævintýrið
mitt.
stíllinn
fataskápurinn
„Stofan verður frekar rokkuð og hrá eins og nafnið gefur til
kynna,“ segir Ásgeir Hjartarson, betur þekktur sem Geiri pönk, um
hárgreiðslustofuna Rokk og rúllur sem hann opnar um helgina
á Hverfisgötu 125. „Nafnið er tengt við þáttinn sem ég var með í
Mbl-sjónvarpi en í staðinn fyrir Rokk og rúllur verður þetta Rokk
og rúllur hár- og förðunargallerý,“ útskýrir Geiri sem leggur mikið
upp úr andrúmslofti og lúkki stofunnar.
Leðrað og rokkað
„Ég ætla til dæmis að láta sjást inn í vaskana og vera með
keðjufatahengi í þessum rokkaða, leðraða og svala stíl sem ég fíla
í tætlur,“ segir hann en bætir við að einfaldir hlutir verði líka á
stofunni til að vega upp á móti rokkinu. „Þessum stíl blanda ég svo
við einfalda hluti og hönnun eins og til dæmis geðveika Vernon
Panton ljósakrónu sem trónir yfir afgreiðsluborðinu,“ segir Geiri
um stofuna sem verður einnig með mjög töff andrúmsloft þar
sem hann stílar mjög mikið inn á tónlistina. „Á stofunni verður
einungis spiluð tónlist af lagalistum eftir Tomma White, Andrés
dj úr Partyzone og Dj Margeir. Svo verð ég líka með geðveikt 4
fermetra stórt listaverk eftir Óla Holland á veggnum hjá mér.“
Herrarnir fá sinn tíma
Geiri mun bæði bjóða upp á herra- og dömuklippingar. „Kúnna-
hópurinn minn er svona 70% dömur og 30% herrar,“ segir Geiri og
bætir við að hann gefi herrunum góðan tíma eins og dömunum.
„Ég hendi þeim ekki út á 10 mínútum.“ Einnig verður boðið upp
á förðun á stofunni og fær Geiri þá fríðan flokk förðunardama til
liðs við sig. „Ég er með hóp af stelpum sem redda flottri förðun
þegar þörf er á og einnig er gott að hafa þær til taks vegna fjölda
annarra verkefna sem ég þarf að sinna,“ segir Geiri sem er svo
sannarlega ekki hættur í bransanum eins og margir héldu. „Ég
get ekki yfirgefið kúnnana mína núna og ég ætla rétt að vona að
fastakúnnarnir fylgi mér áfram,“ segir Geiri spenntur fyrir nýju
stofunni.
Geiri pönk opnar rokkaða förð-
unar- og hárgreiðslugallerýið
Rokk og rúllur um helgina.
Alls ekki hættur
í bransanum
GEIRI NOTAST VIÐ BORVÉL
ÞEGAR HANN KLIPPIR FÓLK