Saga - 2002, Qupperneq 85

MENNINGARMUNUR Á ÍSLANDI í LOK 18. ALDAR
83
Tvær dætur Teits giftust kaupmönnum eins og fleiri dætur
handverksmanna. Þórunn Teitsdóttir giftist Magnúsi Ólafssyni
Bergmann, einum hinna virtari kaupmanna í bænum. Þau fluttust
síðar að Skildinganesi, en Magnús hélt áfram kaupmennsku. Einn
sona Þórunnar og Magnúsar fór í Bessastaðaskóla. Önnur dóttir
Teits, Amdís, giftist Finnboga Björnssyni kaupmanni. Finnbogi
varð að sönnu gjaldþrota, en það virðist ekki hafa haft nein áhrif
á börn þeirra Amdísar. Næstyngsta dóttirin varð þjónustustúlka
hjá apótekaranum. Elsta dóttirin giftist prentara í Viðey og þar var
líka einn sonanna bókbindari. Dóttursonur hans, Teitur Finn-
bogason, varð vinnumaður hjá G. Stephansen (Guðbrandi Stef-
ánssyni) smið og kvæntist dóttur hans. Eftir það er hann skráður
„tojsmed" (sennilega áhaldasmiður) og dýralæknir.51
Telja verður að Teiti Sveinssyni og afkomendum hans hafi farn-
ast vel,52 en það gildir einnig um marga aðra íbúa Reykjavíkur.
Um margt minntu þessir bæjarbúar mjög á fyrirmyndarbændurna,
því að þeir virðast hafa farið eins með það sem þeir höfðu milli
handanna. Þeir komu sér sjaldan í skuldir, gegndu trúnaðarstörf-
um í Reykjavík og svo framvegis. Aftur á móti voru þeir ólíkir
fyrirmyndarbændum á öðrum sviðum. í fyrsta lagi lifðu þeir eins og
hægt var á handverki eða verslun. Þeir tengdust hver öðrum með
mægðum og héldu að mestu kyrru fyrir í Reykjavík (en ekki alltaf
eins og sjá má af Teiti Sveinssyni þótt hann sneri aftur til bæjarins).
Munur á þeim og bændum kemur einnig fram í því hvaða hluti
þeir áttu.
Taflan „Búshlutir og fatnaður á Seltjamarnesi eftir félagslegri
stöðu, 1770-1836" er unnin úr upplýsingum í dánarbús-, skipta-
og uppboðsbókum 105 manna í Seltjarnarneshreppi. Upplýsingar
sem sóttar eru í skipti eru alltaf bundnar nokkurri óvissu. Það eru
ekki til skipti eftir alla íbúa á svæðinu og ekki hægt að vera viss
um að allir hlutir séu upp taldir í þeim skiptum sem til eru. Þótt
ekki fáist áreiðanleg heildarmynd af eigum fólks er þó hægt
að sjá hvað það hefur átt í raun. í töflunnni er sýnt nokkuð af þeim
51 ÞÍ. Kirknasafn. BC. 4. Sóknarmannatal 1805-1824, (1824). - ÞÍ. Aðalmann-
tal 1835.
52 Klemens Jónsson sem'hefur ritað um sögu Reykjavíkur segir oft um af-
komendur handverksmannanna að af þeim séu komnar góðar ættir í bæn-
um. Sjá Klemens Jónsson, Saga Reykjavíkur I.