Saga - 2002, Síða 307

FRÁ SÖGUFÉLAGI2000-2001
305
Múlasýslna kæmu út á árinu 2000, en af því varð ekki því miður. Verk-
ið reyndist það umfangsmikið, á sjöunda hundrað síðna, að ekki tókst
að ljúka vinnslu þess í desember. Kom ritið ekki út fyrr en í apríl. Ekki
er því að leyna að viðtökur við því á Austurlandi voru mim lakari en
vænta hefði mátt. Hafa innan við 200 eintök selst, en til þess að hafa
upp í kostnað þurfa að seljast um 450 eintök. Er sala á Múlasýslunum
enn verulega minni en á bókinni um Skaftafellssýslu sem er þó mim
fámennara svæði. Að vísu kann þetta að stafa að einhverju leyti af því
að Sýslu- og sóknalýsingar Skaftafellssýslu komu út í hefðbundnum
bókaútgáfumánuði, þ.e. rétt fyrir jól, en Múlasýslur í apríl eins og áður
sagði. Eins og ítarlega var rætt um á síðasta aðalfundi er það vilji Sögu-
félags að ljúka útgáfu sýslu- og sóknalýsinganna sem fyrst; handrit að
Dalasýslu er nú tilbúið og átti að gefa það út á þessu ári. Þrátt fyrir lof-
orð um styrk til þess verks frá Menningarsjóði er ekki ljóst nú hvort
fjárhagslegur grundvöllur er fyrir þeirri útgáfu.
Snemma á þessu ári ákvað stjóm Sögufélags að gefa út afmælisrit til
heiðurs Einari Laxness, fyrmm forseta félagsins, sem varð sjötugur í
ágúst síðastliðnum. Er um að ræða safn ritgerða eftir hann sem og
minningar hans eða minni um samferðamenn. Þetta er mikil bók, 352
síður, og kallast Saga og minni. Hún var unnin hjá Valgeiri Emilssyni í
Repró og Prenthúsinu, en Margrét Einarsdóttir Laxness gerði kápu.
Verkið vannst svo vel að unnt var að afhenda Einari fyrsta eintak bók-
arinnar £ afmælismánuðinum. Er þess vænst að þessi bók falli heilla-
óskendum og öðrum vel í geð enda gefur hún góða mynd af löngum
og farsælum ritferli Einars Laxness á sviði sagnfræðinnar. Þá bregður
víða fyrir, í máli og myndum, svipmyndum úr ævi hans sjálfs.
Á síðasta aðalfundi og reyndar oft áður hefur verið fjallað um útgáfu
á dómum Yfirréttarins á Alþingi. Stóð lengi til að Gunnar heitinn
Sveinsson sæi um þá útgáfu, en hann lést áður en verkinu var lokið. Á
liðnu vori var þess farið á leit við Björk Ingimundardóttur skjalavörð
að hún tæki að sér vinnu við útgáfu þessara dóma. Fyrir velvilja Ólafs
Ásgeirssonar þjóðskjalavarðar var ákveðið að Björk fengi leyfi frá
störfum til að vinna að þessu verki. Helgi Bemódusson fulltrúi á Al-
þingi hafði milligöngu um að kynna þetta verkefni fyrir forsætisnefnd
þingsins og Halldór Blöndal átti mestan þátt í að Alþingi hefur stutt
fjárhagslega þetta verk sem nú er þegar hafið. Sögufélag þakkar öllu
þessu fólki stuðninginn og væntir þess að Acta Yfirréttarins verði
virðulegt framhald Alþingisbóka íslands.
Samstarf Sögufélags við önnur fræðafélög hefur verið með svipuðu
móti og síðustu ár. Mest munar um samstarfið við Þjóðvinafélagið er
gefur út ársritin Andvara og Almanakiö sem Sögufélag sér síðan um
dreifingu á. Er af þessu bæði nokkur fjárhagslegur styrkur og kynning
á starfsemi Sögufélags.
20-SAGA