Morgunblaðið - 15.07.2010, Page 32

32 MenningFÓLK
MORGUNBLAÐIÐ FIMMTUDAGUR 15. JÚLÍ 2010
Matthías Árni Ingimarsson
matthiasarni@mbl.is
Tónlistarhátíðin Bræðslan verður
haldin á Borgarfirði eystra í sjötta
skiptið dagana 23.-25. júlí. Meðal
þeirra sem koma fram á hátíðinni í
ár er sænsk/breska hljómsveitin
Fanfarlo. Hljómsveitin var stofnuð
árið 2006 af Svíanum Simon Balt-
hazar sem gerir nú sveitina út frá
Lundúnum ásamt þeim Amos Me-
mon, Cathy Lucas, Justin Finch og
Leon Beckenham. Í byrjun síðasta
árs kom út fyrsta breiðskífa þeirra,
Resevoir og vakti hún strax athygli
fyrir skemmtilegt og melódískt indí-
rokk. Einnig hefur ljósmynd á
plötuumslaginu eftir Lilju Birg-
isdóttur vakið athygli. Þá hafa lög
eftir Fanfarlo ratað í sjónvarps-
þætti eins og Grey’s Anatomy,
House og nýverið heyrðist lagið
„Atlas“ í nýjustu myndinni úr Twi-
light-myndaflokknum.
Fyrirgefðu ef ég vakti þig
Þegar blaðamaður heyrði í for-
sprakkanum Balthazar var fyrsta
spurningin ósjálfrátt: „Fyrirgefðu
Simon var ég nokkuð að vekja þig?“
„Nei, nei alls ekki. Ég hljóma
bara oftast eins og ég sé nývakn-
aður og er þannig svona fram til tíu
á kvöldin. En ég var að klára viðtal
fyrir nokkrum mínútum og þú ert
annar blaðamaðurinn sem spyr mig
að þessu í dag,“ segir Svíinn og
hlær.
Balthazar segir að hljómsveitin
hafa haft í nógu að snúast síðan
platan kom út og að sumarið hafi
aðallega farið í að spila á stórum
tónlistarhátíðum.
„Það er búið að vera alveg brjál-
að að gera hjá okkur síðan í október
og við höfum eiginlega búið í ferða-
töskum okkar. Þetta hefur reyndar
aðeins róast síðastliðinn mánuð og
við erum að reyna að vera sem mest
í London og semja nýtt efni. En svo
er platan okkar að fara koma út í
Ástralíu seinna í mánuðinum, þann-
ig við verðum að taka okkur smá-
pásu frá því að semja og eftir Ísland
förum við á tónleikaferðalag
um Ástralíu, Japan, Taív-
an.“
Ógnvekjandi
– Er ekkert erfitt að gera
nýja plötu á öllu þessu
flakki?
„Jú, við erum svona að semja
hér og þar þegar við höf-
um tíma. Öll þessi
ferðalög trufla það,
sem getur verið
mjög stressandi.
Það virðist vera
auðveldara að
semja sína fyrstu
plötu, þar sem lög-
in verða til yfir
lengri tímabil. En
núna þurfum við að
setjast niður og
semja, sem getur
gert það að verkum að upplifunin að
gera plötu númer tvö getur stund-
um verið ögn ógnvekjandi.“
Balthazar segir ekkert hafa verið
ákveðið með útgáfudag en hljóm-
sveitin stefni þó á að fara í hljóðver
á árinu og fólk megi búast við að
sveitin fari nýjar leiðir á plötunni og
prófa sig áfram með nýjan hljóm.
Fólk hætt að kaupa plötur
Þegar talið berst að Twilight seg-
ist Balthazar hafa vitað að sú
spurning ætti eftir að koma.
„Ég ætla ekki að ljúga því að
þetta séu uppáhalds bíómyndir mín-
ar. En þegar tækifæri gefst að leyfa
milljónum manns að heyra tónlist-
ina þína, þá sé ekki hægt að hafna
því. Svo er fólk því miður líka hætt
að kaupa plötur í dag og við þurfum
að borga leiguna eins og aðrir. En
hlutir eins og Twilight og þættirnir
eru í lagi, þú ættir að heyra sumt af
því sem við höfum hafnað. Sumt
gerir maður bara ekki, þó að það sé
vel borgað.“
Tónleikarnir á Bræðslunni verða
þeir fyrstu sem hljómsveitin heldur
hér á landi en Balthazar segir að Ís-
land hafi verið ofarlega á listanum
yfir lönd sem Fanfarlo hefur langað
að heimsækja og halda tónleika í.
Fyrst Ísland svo Ástralía
 Sænsk/breska hljómsveitin Fanfarlo er væntanleg til landsins  Söngvarinn Simon
Balthazar segir sveitina ætla að prófa sig áfram með nýja hluti á næstu plötu
Fanfarlo Hljómsveitin spilar í fyrsta sinn hérlendis á Bræðslunni á Borgarfirði eystri um aðra helgi.
Tónlistarhátíðin Bræðslan á Borg-
arfirði eystri fer fram helgina 23. -
25. júlí næstkomandi. Forsala á
hátíðina er í fullum gangi þessa
dagana og gengur hún vel að
sögn aðstandenda. En þegar
hafa rúmlega 700 aðgöngu-
miðar selst af þeim 800 sem eru
í boði í forsölu. Verð að-
göngumiða í forsölu er
5.500.- kr. en á staðn-
um hækkar það í
6.500.- kr.
Hátíðin hefur
styrkt sig í sessi
sem einn af
áhugaverðari
tónlistar-
viðburðum
landsins und-
anfarin ár. Í gegn-
um tíðina hafa þar
komið fram tónlistarfólk og hljóm-
sveitir á borð við Emilíana Torrini,
Damien Rice, Belle & Sebastian,
Magni, Lay Low, Þursaflokkurinn,
Megas og Senuþjófarnir, Páll Ósk-
ar og Monika og Eivör Pálsdóttir
svo fáein séu nefnd. Að jafnaði
hafa rúmlega 1.000 manns sótt
Borgarfjörð Eystri heim þegar há-
tiðin fer fram sem verður að telj-
ast ágætis viðbót við íbúafjöldann
sem telur um 100 manns. Í ár
koma fram m.a. Fanfarlo, Dikta, KK
& Ellen, 200.000 Naglbítar og sig-
urvegarar Músíktilrauna Of Mon-
sters and Men.
Bræðslan fékk nýlega Eyrarrós-
ina við hátíðlega athöfn að Bessa-
stöðum en Eyrarrósin er sérstök
viðurkenning fyrir framúrskarandi
menningarverkefni á landsbyggð-
inni.
Íbúafjöldinn fer úr 100 í 1000
á Borgarfirði eystri
BRÆÐSLAN 2010
 Nú styttist í að opnunarviku
listahátíðarinnar Villa Reykjavík
ljúki. Fjöldi tónleika hefur verið
haldinn í miðborginni síðastliðna
viku og í kvöld verða haldnir tón-
leikar og götupartí hjá skemmti-
stöðunum Bakkus og Venue. Her-
legheitin hefjast kl. 20 og munu
hljómsveitirnar Nolo, MSN (Me, the
Slumbering Napoleon), Markús and
the Diversion Sessions og Benni
Hemm Hemm spila fyrir gesti og
gangandi.
Lokatónleikar og götu-
partí Villa Reykjavík
Fólk
Hinir árlegu Nei – baráttutónleikar gegn
kynferðisofbeldi verða haldnir í fjórða sinn
fimmtudaginn 15. júlí á Sódómu Reykjavík.
Húsið verður opnað kl. 19 en tónleikarnir
hefjast kl. 20. Tónleikarnir eru fyrsti liðurinn
í Nei-átaki sumarsins en að átakinu stendur
Nei-hreyfing gegn kynferðisofbeldi sem
starfar innan Femínistafélags Íslands og hef-
ur vakið mikið umtal á síðustu árum.
„Átakið snýst um að vekja karla til um-
hugsunar um eðli og alvöru nauðgana og við
ætlum að víkka það aðeins út og fjalla þá
einnig um vændi, mansal, klámvæðingu og
svo framvegis, en í grunninn er það þetta sem
er efst á baugi. Svo er gott að nefna að við
höfum starfað mikið um verslunarmanna-
helgina á skemmtunum landsins. Það er um að
gera að fólk skemmti sér og skemmtanir og
virðing geta farið vel saman,“ segir Arnar
Gíslason, einn talsmanna átaksins sem flestir
ættu orðið að þekkja.
Fólk sem vill mæta, styðja málstaðinn og
skemmta sér um kvöldið er velkomið og fjöld-
inn allur af hljómsveitum gefur vinnu sína:
Agent Fresco, Árstíðir, Bróðir Svartúlfs,
Fræbblarnir, Lay Low, Myrra Rós, Orphic
Oxtra og Retro Stefson.
„Við höfum haldið þeirri línu að vera ekkert
að rukka inn og fólk svona leggur til það sem
það getur, sumir borga 500 kall aðrir 5.000
kall og peningarnir fara bara í að styrkja
þetta átak,“ segir Arnar að lokum. gea@mbl.is
Nei – baráttutónleikar gegn kynferðisofbeldi
Nei Baráttutónleikarnir eru í kvöld kl. 20.
 Nýr skemmti- og tónleikastaður
verður opnaður í kvöld þar sem
Grand Rokk var áður til húsa og
hefur hann fengið nafnið Faktorý. Í
kvöld hefst mikið opnunarpartí þar
sem Benni Hemm Hemm og ein
hressasta hljómsveit landsins,
Retro Stefson, leiða saman hesta
sína. Benni og Retro Stefson hafa
nýlega lokið upptökum á nýrri
plötu Benna sem kemur út á næstu
mánuðum, þar sem Retro Stefson
leikur undir söng Benna. Efri hæð
Faktorý verður opnuð stundvíslega
kl. 21 og er ókeypis inn á tón-
leikana í kvöld.
Benni Hemm Hemm og
Retro Stefson í kvöld
 Sumartónleikaröð Jazzklúbbsins
Múlans heldur áfram í Risinu,
Tryggvagötu í kvöld. Á tónleik-
unum gefst áheyrendum kostur á
að heyra tvö ólík dúóatriði flytja
tónlist af ólíkum uppruna. Fram
koma Kristjana Stefánsdóttir
söngkona og Agnar Már Magn-
ússon píanóleikari sem munu leika
mörg af sínum uppáhaldslögum allt
frá ABBA til Errol Garner. Síðan
koma fram Daníel Friðrik Böðv-
arsson gítarleikari og Ari Bragi
Kárason trompetleikari. Þeir leika
frumsamda tónlist af ýmsum toga
og freista þess að feta ótroðnar
slóðir.
Tónleikar Múlans fara fram í Ris-
inu (áður Glaumbar), Tryggvagötu
20, þeir hefjast kl. 21 og er 1.500
króna aðgangseyrir, 1.000 krónur
fyrir nemendur.
Tvær hliðar dúóforms-
ins á Múlanum