Fréttablaðið - 28.12.2011, Blaðsíða 21
Kynning - Auglýsing
Nú styttist óðum í áramót með t i lhey randi húll-umhæi. Fáir hlakka jafn
mikið til og Örn Árnason leikari,
sem er annálaður áhugamaður um
flugelda og ætlar sem endranær að
deila gleðinni með landsmönnum
með sölu á öflugum skottertum að
Víkurhvarfi 6 í Kópavogi.
„Ég kem til með að selja skot-
tertur eða það sem menn kalla
kökur, og ekki annað. Þetta eru
einar 23 mismunandi gerðir terta
sem eru til aðgreiningar kallað-
ar eftir íslenskum bæjarfélögum,
Akureyri, Ísafjörður, Hrísey og svo
framvegis,“ útskýrir Örn, sem á
sjálfur heiðurinn að hönnun skot-
tertanna í samstarfi við framleið-
anda í Kína og flytur til landsins.
Örn hóf innflutning og sölu á
f lugeldum á tíunda áratug síð-
ustu aldar, fyrst í samstarfi við
aðra og svo á eigin vegum. Hann
segist leggja heilmikla vinnu í að
hanna virkni hverrar skottertu
og Kínverjarnir eigi ekki í nein-
um vandræðum með að uppfylla
óskir hans.
„Ég reyni að hafa fjölbreytta
virkni í hverju skoti þannig að
fyrst komi eldhali, hvellur og
aftur sprenging. Svo eru mismun-
andi litir á milli terta og kannski
ein sem skýtur beint og önnur
með blævæng og svo framvegis.
Þannig að þetta er voldug sýning
í þrepum og hugsuð fyrir þá sem
ekki vilja verja öllu kvöldinu í að
klára úr pokanum heldur púðra úr
einni góðri tertu,“ upplýsir hann
og getur þess að gæta verði ítrustu
varkárni við notkun skottertanna
því engin leikföng séu þar á ferð
þótt ánægju megi hafa af.
En er ekki gaman að sjá hug-
myndirnar verða að veruleika?
„Jú, auðvitað. Kökurnar einar og
sér eru rosalega flott uppfinning.
Maður er kannski með allt að 200
til 300 skot í einni skottertu í stað
fjölda raketta þannig að þetta er
mikil skrautsýning í háloftun-
um og alveg geggjað að hugsa til
þess að maður hafi sjálfur hannað
brellurnar með framleiðandan-
um.“
Inntur út í f lugeldaáhugann
segir Örn hann hafa kviknað í
æsku. „Ein fyrsta minningin er
af gömlum karli sem bjó á fyrstu
hæðinni í húsinu heima þegar
ég var lítill polli. Hann mokaði
flugeldum til okkar strákanna og
leyfði okkur að prófa. Yfir þessu
var einhver töfraljómi og þannig
féll ég fyrir öllu rakettukyns, stóru
sem smáu. “
Áhuginn hefur síður en svo
minnkað með árunum að sögn
Arnar og þvert á móti aukist ef eitt-
hvað er. Nú taka hans eigin börn
virkan þátt í skotgleðinni. „Þau eru
öll með mér í þessu, bæði í að selja
og sprengja. Konan fær hins vegar
frí. Hún sér um heimilið á meðan
og það er nú aldeilis næg vinna, að
elda ofan í okkur og halda á lífi.“
En hefurðu mætt gagnrýni fyrir
að vera í samkeppni við björgunar-
sveitirnar um sölu á flugeldum?
„Vissulega, ég get ekkert sagt við
því annað en að þetta er löglegt
og viðskiptavinurinn ræður hvert
hann fer. Hins vegar flyt ég bara
inn tvö prósent af heildinni og lít
því ekki á sjálfan mig sem ógn við
björgunarsveitirnar. Ég er bara
valkostur með sérvöru, góð við-
bót við flóruna.“
Þannig að þú myndir stóla á
aðstoð björgunarsveitanna ef upp
kæmi sú staða að þú villtist á fjöll-
um? „Ætli ég verði ekki að gefa mér
að björgunarsveitamenn fari ekki
í manngreinarálit, ekki frekar en
ég. Vonandi erum við öll vinir.
Annars reyni ég bara eins og ég
get að villast ekkert,“ segir hann
og hlær.
Skrautsýning í háloftunum
Örn Árnason leikari veit fátt jafn skemmtilegt og að sprengja flugelda í faðmi fjölskyldunnar um áramót. Hann hefur jafnframt staðið fyrir
innflutningi og sölu á flugeldum um árabil undir merkjum bomba.is og býður að þessu sinni upp á fjölbreytt úrval skotterta af bestu gerð.
Örn Árnason leikari er forfallinn áhugamaður um flugelda. „Ég viðurkenni að þetta er hálfgerð geggjun. En þar sem ég nota ekki tóbak og neyti áfengis í litlum mæli sé ég ekkert
athugavert við að brenna þessu svona en ekki ofan í mig.“ MYND/VALLI
Opnunartímar
Miðvikudagur 28. des . . . . . . . . . . .10-22
Fimmtudagur 29. des . . . . . . . . . . . . 10-22
Föstudagur 30. des . . . . . . . . . . . . . . .10-22
Laugardagur 31. des . . . . . . . . . . . . .10-16
Sérhönnuð 200 skota terta
í íslensku fánalitunum,
blá, rauð og hvít.