Fréttablaðið - 28.12.2011, Blaðsíða 8

28. desember 2011 MIÐVIKUDAGUR8
RÚSSLAND, AP Fremsti leiðtogi
stjórnarandstöðunnar í Rússlandi
þessa dagana er Alexei Navalní,
sem hefur lagt meira fram en aðrir
til þess að leggja grunn að mót-
mælahreyfingunni sem nú velgir
Vladimír Pútín forsætisráðherra
undir uggum.
Navalní virðist eiga auðvelt með
að ná til fólks, eins og vel sást á fjöl-
mennum mótmælafundi í Moskvu
um helgina, þar sem tugir þúsunda
manna hrópuðu fagnandi. Ekki er
annað að sjá en að vegur hans eigi
aðeins eftir að fara vaxandi.
Navalní er lögfræðingur sem
hefur barist gegn spillingu í Rúss-
landi. Hann er einnig vinsæll
bloggari og virðist hafa náð til unga
fólksins, sem fór ekki að taka þátt
í mótmælum að ráði fyrr en eftir
að hafa lesið hvatningarorð hans á
netinu.
Hann var handtekinn fyrr í
mánuðinum eftir að hann fór í
fararbroddi mótmælagöngu gegn
þingkosningunum sem haldnar
voru í byrjun desember. Meðan
hann sat í fangelsi dró heldur úr
eldmóði mótmælendahópsins, en
hann var svo látinn laus skömmu
fyrir jól og þá hljóp nýr kraftur
í mótmælendur, sem mættu fíl-
efldir á laugardaginn var.
Rússneskir ráðamenn eru
farnir að átta sig á því að Navalní
geti reynst þeim skeinuhættur en
hafa lítið getað að gert. Vladimír
Pútín forsætisráðherra gerir
samt lítið úr stjórnarandstæð-
ingunum sem efnt hafa til þess-
ara fjölmennu mótmæla.
„Vandinn er sá að þeir hafa
ekki neina sterka stefnu, né
heldur skýrar og skiljanlegar
leiðir til að ná fram markmiðum
sínum, sem eru reyndar ekki
skýr heldur,“ sagði hann á fundi
með stuðningsmönnum sínum í
gær. „Þá vantar líka fólk sem er
fært um að gera eitthvað áþreif-
anlegt.“
Pútín segist hins vegar vilja að
forsetakosningarnar í mars verði
gegnsæjar og áreiðanlegar. Hann
hafi engan áhuga á því sem fram-
bjóðandi að niðurstöðurnar verði
ekki marktækar.
Hann hvatti jafnframt stuðn-
ingsmenn sína til að tryggja að
kosningarnar færu vel fram,
þannig að framkvæmdin kallaði
ekki á harða gagnrýni eins og
þingkosningarnar.
Hann neitar hins vegar að
verða við kröfum um að atkvæðin
úr þeim kosningum verði endur-
talin vegna ásakana um kosn-
ingasvindl. gudsteinn@frettabladid.is
Eyjarslóð 5 101 Reykjavík S: 511 2200 www.seglagerdin.is
TILBOÐSDAGAR
TIL ÁRAMÓTA
TILBOÐSDAGAR
Á NÝJUM OG NOTUÐUM FERÐAVÖGNUM
KOMDU OG GERÐU KAUP ÁRSINS - STÓRLÆKKAÐ VERÐ!
NÁNARI UPPLÝSINGAR Á WWW.SEGLAGERDIN.IS
OG HJÁ SÖLUFULLTRÚUM
Með því að kaupa FRIÐARLJÓSIÐ styrkir þú
hjálparstarf og um leið verndaðan vinnustað.
FRIÐARLJÓSIN verða seld við eftirtalda
kirkjugarða um jól og áramót.
Þau fást einnig víða í verslunum.
GUFUNESS- OG
FOSSVOGSKIRKJUGARÐUR
23. des. kl. 13–17
24. des. kl. 1O–17
31. des. kl. 13–17
KIRKJUGARÐURINN VIÐ SUÐURGÖTU
23. des. kl. 13–16
24. des. kl. 1O–16
KIRKJUGARÐUR AKUREYRAR
24. des. kl. 1O–17
31. des. kl. 13–17
P
IP
A
R
\T
B
W
A
-
1
02
97
5
LÁTUM
FRIÐARLJÓSIÐ
LÝSA UPP AÐVENTUNA
ALEXEI NAVALNÍ Hefur með eldmóði sínum og bloggskrifum náð að höfða til ungu kynslóðarinnar. FRÉTTABLAÐIÐ/AP
Gæti reynst Pútín
erfiður mótherji
Ný stjarna hefur skotið upp kollinum meðal mótmælenda í Rússlandi. Pútín
hafnar endurtalningu atkvæða úr þingkosningunum en hvetur stuðningsmenn
sína til að tryggja að framkvæmd forsetakosninganna í mars verði gallalaus.
FRÉTTIR VIÐSKIPTI SPORT UMRÆÐAN LÍFIÐ SJÓNVARP
TAKTU VÍSI Á
HVERJUM MORGNI!
LANDBÚNAÐUR Hópur fólks og
félaga sem eru andvíg því að
erfðabreytt bygg verði ræktað
í gróðurhúsi Landbúnaðarhá-
skóla Íslands að Reykjum í Ölfusi
skorar á sveitarstjórnir á svæðinu
að beita sér fyrir því að leyfi til
ræktunarinnar verði afturkallað.
Í greinargerð sem hópurinn
hefur skrifað er Umhverfis-
stofnun harðlega gagnrýnd fyrir
að kynna málið ekki fyrir sveita-
stjórn í Hveragerði eða hags-
munaaðilum í nágrenni gróður-
hússins. Þá er það gagnrýnt að
engin grenndarkynning hafi átt
sér stað og íbúar því ekki fengið
tækifæri til að vega og meta áhrif
leyfisveitingarinnar.
Telur hópurinn einnig að heil-
brigði umhverfis nærri gróður-
húsinu, auk ímyndar svæðisins,
sé stefnt í hættu með því að leyfa
ræktunina.
Meðal þeirra sem skrifaðir
eru fyrir greinargerðinni eru
Heilsustofnun Náttúrulækninga-
félags Íslands, Samtök lífrænna
neytenda, Slow Food samtökin á
Íslandi og Neytendasamtökin.
Eins og fram hefur komið í
Fréttablaðinu er gróðurhúsið þar
sem ræktunin mun fara fram í
innan við þúsund metra fjarlægð
frá Heilsustofnun Náttúrulækn-
ingafélags Íslands í Hveragerði.
Umhverfisstofnun veitti leyfi
fyrir ræktuninni 30. nóvember
síðastliðinn. Í greinargerð stofn-
unarinnar segir að engar líkur
séu á því að plönturnar sem rækt-
aðar verða í gróðurhúsinu hafi
áhrif á plöntur utan þess. - bj
Hópur fólks og félaga vill að starfsleyfi fyrir erfðabreytta ræktun verði afturkallað:
Óásættanlegt að leyfi hafi verið veitt
ÓTTI Fullyrðingar um að ræktun á erfða-
breyttu byggi í Ölfusi sé hættulaus hafa
ekki slegið á ótta við að erfðabreyttar
plöntur komist út í íslenska náttúru.
LEIKSKÓLAR Leikskólagjöld hjá
öllum stærstu sveitarfélögum
landsins hækka um tvö til þrjú
þúsund krónur á mánuði um ára-
mótin. Hækkunin nemur tugum
þúsunda hjá foreldrum á árs-
grundvelli.
Gjaldskrár leikskólanna hækka
um fimm til þrettán prósent, mis-
jafnt eftir sveitarfélögum, að
því er fram kom í fréttum RÚV
í gær. Hækkunin er hlutfallslega
mest í Reykjavík og á Akureyri,
um tólf til þrettán prósent miðað
við átta tíma vistun. Leikskóla-
gjöldin verða eftir sem áður lægst
í Reykjavík. Fyrir átta tíma vist-
un munu foreldrar í Reykjavík
greiða 24.500 krónur, foreldrar í
Kópavogi 28.600 krónur og 28.600
í Hafnarfirði. Á Akureyri kostar
átta tíma vistun 29.500, 33.200 í
Fjarðabyggð og 34.600 á Ísafirði
samkvæmt samantekt RÚV. - bj
Öll stærstu sveitarfélögin hafa ákveðið að hækka leikskólagjöld um áramótin:
Hækka um tugi þúsunda á ári
GJÖLDIN HÆKKA Foreldrar í Reykjavík
greiða tæplega 3.000 krónum meira
á mánuði fyrir átta tíma vistun, um 36
þúsund krónur á ári.
FRÉTTABLAÐIÐ/GVA