Morgunblaðið - 27.09.2010, Qupperneq 9

FRÉTTIR 9Innlent
MORGUNBLAÐIÐ MÁNUDAGUR 27. SEPTEMBER 2010
Opið: má-fö. 12:30 -18:00,
Dalvegi 16a, Rauðu múrsteinshúsunum Kóp.201
S: 517 7727 www.nora.is og á Facebook.
Fyrir bústaðinn og heimilið
Hlíðasmára 14
sími 588 2122
www.eltak.is
Eltak sérhæfir sig
í sölu og þjónustu
á vogum
Bjóðum mesta úrval
á Íslandi af smáum
og stórum vogum
Hafðu samband
líðas ára 14
Sí i 588 2122
.eltak.is
Mæðrastyrksnefnd
Reykjavíkur
Þeir sem vilja leggja nefndinni lið vinsamlega
hafið samband á skrifstofutíma í síma 551 4349
eða á netfangið maedur@simnet.is.
Einnig er hægt að leggja framlög inn á reikning
nr. 0101-26-35021, kt. 470269-1119.
Ylfa Kristín K. Árnadóttir
ylfa@mbl.is
Björgunarsveitarmenn úr Kyndli frá
Kirkjubæjarklaustri björguðu á laug-
ardagskvöldið þremur mönnum sem
fastir voru í bíl á eyri í Núpsvötnum.
Sigurður Daði Friðriksson björg-
unarsveitarmaður synti 40 metra í
þungum straumi til mannanna en
mikil rigning var á Suður- og Suðaust-
urlandi á laugardaginn og henni
fylgdu miklir vatnavextir í ám.
„Það var bara tekið baksundið á
þetta,“ segir Sigurður Daði en bíllinn
hallaðist mikið og álitu björgunarsveitarmennirnir það
aðeins tímaspursmál hvenær hann ylti eða eyrin færi á
kaf.
Of mikill straumur til að
hægt væri að vaða
Útkallið vegna mannanna, sem voru í veiðiferð,
barst um kvöldmatarleytið. Tveir bílar voru sendir strax
á vettvang en samkvæmt þeim upplýsingum sem björg-
unarsveitarmönnum bárust í upphafi höfðu mennirnir
komist úr bílnum og á land. Þegar komið var á vettvang
kom í ljós að sú var ekki raunin.
„Við skoðuðum öll vöð sem við þekktum í ánni en
þau voru öll ómöguleg. Okkur grunaði að eyrin myndi
fara á kaf því það var mikil rigning,“ segir Sigurður Daði.
Hafa aðrir björgunarmenn á staðnum jafnvel talað um að
„úrhellisdemba“ hefði verið meðan á björgunarstörf-
unum stóð.
Upphaflega reyndu björgunarsveitarmenn að vaða
til mannanna en fljótlega varð ljóst að það væri ekki
hægt vegna þess hve straumurinn í ánni var þungur.
Jarðýta var kölluð til, björgunarstóll og fluglínutæki en
með því hefði verið hægt að skjóta línu yfir eyrina með
rakettu. Ekki kom þó til þess að nota þyrfti björgunar-
stólinn eða fluglínutækið þar sem Sigurður Daði ákvað
að freista þess að synda yfir. „Mig langaði að prufa að
synda, athuga hvort ég hefði það ekki. Við gerðum okkur
klár í það en það var bara tilviljun að það var ég en ekki
einhver annar sem synti yfir,“ segir Sigurður Daði.
Mennirnir voru sprækir
„Það var mikill straumur náttúrlega og ég þurfti að
fara ofarlega út í því mig rak hratt. Það var bara tekið
baksundið á þetta. Ég náði akkúrat í land neðst á eyrinni
og hefði því ekki mátt fara mikið neðar út í,“ segir Sig-
urður Daði en að hans sögn voru mennirnir sprækir þeg-
ar hann náði til þeirra. „Ég tek línuna yfir og þeir taka í
hana með mér og við strekkjum hana yfir eyrina frá
landi. Það var bundinn gúmmíbátur í þá línu og aðra sem
er í landi. Svo drógum við bátinn varlega yfir. Ég setti
mennina í björgunarvesti og hjálma og skellti þeim í bát-
inn. Svo vorum við dregnir yfir.“
Sigurður Daði og mennirnir voru komnir í land milli
kl. 22 og 23 en Sigurður Daði og fleiri björgunarsveit-
armenn voru ekki komnir til síns heima fyrr en rúmlega
6 á sunnudagsmorgun þar sem langan tíma tók að koma
jarðýtunni á staðinn og losa bílinn.
Vann mikið björgunarafrek í
straumhörðum Núpsvötnum
 Synti 40 metra í þungum straumi  Mikil úrkoma á
Suður- og Suðausturlandi og miklir vatnavextir í ám
Ljósmynd/Ingibjörg Eiríksdóttir
Bjargvættur Sigurður Daði Friðriksson á leið út í ána í línu til að bjarga mönnum sem lentu í erfiðleikum.
Sigurður Daði
Friðriksson
Yfir 250 milljónir króna hafa safn-
ast í átaki Stofnunar Vigdísar
Finnbogadóttur til byggingar al-
þjóðlegrar tungumálamiðstöðvar
sem einnig mun hýsa kennslu er-
lendra tungumála við Háskóla Ís-
lands. Átakið hófst í vor í tilefni af
80 ára afmæli Vigdísar og vegna
þess að í sumar voru 30 ár liðin frá
sögulegu forsetakjöri hennar og
embættistöku. Um 800 milljónir
króna hafa nú safnast til verkefn-
isins en enn vantar 400 milljónir til
að fjármagna bygginguna að fullu.
Framlögin koma að stærstum
hluta frá innlendum aðilum en
jafnframt berst stuðningur erlendis
frá og þar munar mest um 100
milljóna styrk frá A.P. Møller-
sjóðnum í Danmörku og um 20
milljóna króna styrk frá fær-
eyskum stjórnvöldum og fyr-
irtækjum, segir í tilkynningu frá
Háskólanum.
Vegleg bókagjöf
Niðurstaða átaksins var kynnt í
gær, á Evrópska tungumáladeg-
inum, í Listasafni Sigurjóns Ólafs-
sonar, og við það tækifæri var Vig-
dísi Finnbogadóttur færð að gjöf
bók með textum 27 íslenskra rit-
höfunda sem þeir hafa skrifað sér-
staklega henni til heiðurs og prent-
smiðjan Oddi gaf prentun
bókarinnar í sama skyni. Í bókinni
fjalla rithöfundarnir á ólíkan hátt
um mikilvægi tungumálakunnáttu
fyrir Íslendinga. Með bókinni vilja
þeir leggja Vigdísi lið í baráttu
hennar fyrir því að alþjóðleg
tungumálamiðstöð geti orðið að
veruleika. Pétur Gunnarsson rit-
höfundur, sem á verk í bókinni,
færði Vigdísi fyrsta eintakið.
Kristín Ingólfsdóttir, rektor Há-
skóla Íslands, færði fyrir hönd
skólans einstaklingum, fyrirtækjum
og samtökum kærar þakkir fyrir
stuðning og rausnarlegt framlag og
sagði að það hefði verið ómetanlegt
að skynja slíka velvild á þessum
erfiðu tímum. Með samstilltu átaki
gætu Íslendingar ráðist í metn-
aðarfullt verkefni sem mundi
styrkja íslenska tungu og um leið
þekkingu á tungum og menningu
annarra þjóða. Í gær voru einnig
stofnuð hollvinasamtök til stuðn-
ings byggingu alþjóðlegu tungu-
málamiðstöðvarinnar undir heitinu
Vinir Vigdísarstofnunar. Ragnheið-
ur Jónsdóttir, formaður STÍL,
Samtaka tungumálakennara á Ís-
landi, stýrði stofnfundi velunnara-
samtakanna en samtökin hyggjast
leggjast á árar með stofnuninni og
Vigdísi. sunna@mbl.is
Skynja velvild á erfiðum tímum
Morgunblaðið/Árni Sæberg
Gjöf Pétur Gunnarsson rithöfundur færði Vigdísi Finnbogadóttur gjöf frá
sér og 26 öðrum rithöfundum. Rektor HÍ fylgist með.
250
milljónir hafa safnast í átaki Stofn-
unar Vigdísar Finnbogadóttur til
byggingar tungumálamiðstöðvar.
800
milljónir vantar enn
til að fjármagna bygginguna að fullu
‹ TUNGUMÁLAMIÐSTÖÐ ›
»