Morgunblaðið - 15.10.2010, Blaðsíða 4

4 FRÉTTIRInnlent
MORGUNBLAÐIÐ FÖSTUDAGUR 15. OKTÓBER 2010
FRÉTTASKÝRING
Rúnar Pálmason
runarp@mbl.is
Að öllu óbreyttu mun Íbúðalána-
sjóður eignast tvær ókláraðar
blokkir í Vindakór 2-8 í Kópavogi
en félagið sem byggði þær lagði
upp laupana fyrri hluta árs 2008.
Blokkirnar, sem liggja undir
skemmdum, yrðu fyrstu blokkirnar
sem sjóðurinn eignast á höfuðborg-
arsvæðinu frá því að efnahagslífið
hrundi. Ein fjölskylda býr í blokk-
unum.
Byggingarfélagið Stafnás
byggði blokkirnar og ætlaði að
ljúka við þær í árslok 2007. Íbúð-
irnar í Vindakór 2-8 eru fremur
stórar, oft um 150 m² og þær áttu
að vera afar vel búnar, m.a. átti að
selja þær með tvöföldum ísskáp og
nuddbaðkari. Stafnás lenti hins
vegar í miklum erfiðleikum á árinu
2007 og varð gjaldþrota 2008.
Blokkirnar komust þá í eigu VBS-
fjárfestingarbanka, sem hafði lánað
fyrir hluta framkvæmdanna, og
þær eru nú í eigu HK fasteigna
ehf., dótturfélags VBS. VBS er nú í
slitameðferð, eins og kunnugt er.
Boðnar upp 19. október
Íbúðalánasjóður hafði einnig
lánað Stafnási fyrir framkvæmd-
unum og er á 1. veðrétti og þar sem
ekki hefur verið greitt af lánunum
hefur sjóðurinn gert kröfu um
nauðungaruppboð á blokkunum
tveimur. Sjóðurinn á þegar nokkrar
af íbúðunum en framhaldsuppboð á
44 af 54 íbúðum mun fara fram 19.
október nk. Framhaldsuppboð er
lokastigið í uppboðsferlinu. Þá kom-
ast allar íbúðirnar í eigu sjóðsins,
nema þeim mun betra boð berist en
það hlýtur að teljast ólíklegt.
Þar sem ekki hefur verið lokið
við að klæða blokkirnar að utan
liggja þær undir skemmdum, sér-
staklega önnur þeirra þar sem
framkvæmdir eru komnar skemmra
á veg.
Verja skemmdum og selja
Ásta H. Bragadóttir, fram-
kvæmdastjóri Íbúðalánasjóðs, segir
að markmið sjóðsins sé að selja all-
ar húseignir sem hann eignast.
Sjóðurinn verði þó væntan-
lega að
byrja á að
verja
blokkirnar
fyrir frekari skemmdum en vonandi
vilji einhver verktaki kaupa og
ljúka verkinu. Hún segir að þetta
sé fyrsta blokkin sem sjóðurinn
muni eignast á höfuðborgarsvæðinu
og hún veit ekki til þess að fleiri
blokkir á svæðinu séu á leið í fang
sjóðsins.
Tilboð ekki nógu há
Viggó Viggósson, sem situr í
stjórn HK fasteigna, segir að
nokkrir hafi sýnt blokkunum áhuga.
Þar sem miklar skuldir hvíli á
blokkunum sé nánast ómögulegt að
selja þær. Stærsti kröfuhafinn sé
ÍLS. Söluverðið verði að duga fyrir
þeim kröfum sem á húsunum hvíla,
að öðrum kosti verði HK fasteignir
að borga mismuninn.
Viggó segir að því miður eigi
HK fasteignir ekki fyrir því að loka
húsunum og verja þau fyrir
skemmdum. „Það kostar töluvert
að loka þessum húsum. Og það er
ekki nóg, það kostar líka töluvert
að halda þeim heitum og verja þau
fyrir innbrotum. Töluvert hefur
verið brotist þarna inn,“ segir hann.
Innrétting á íbúðunum var reyndar
skammt á veg komin og t.d. var
ekki búið að setja þar inn ísskápa
og baðkör.
Viggó bendir á að mál Vinda-
kórs 2-8 sé ekki einsdæmi, víða hafi
hálfbyggð hús verið boðin upp. Al-
gjör óvissa sé um hvenær mark-
aður verði fyrir eignir af þessu tagi,
sérstaklega í ljósi þess að mikla
fjármuni þarf til að ljúka við bygg-
ingu þeirra. „Þetta er eitt af þess-
um stóru dæmum sem menn náðu
ekki að klára fyrir hrun. Það er
fjöldi fjölbýlishúsa úti um allt sem
eru í þessari stöðu,“ segir hann.
Fjölskyldan sem býr í húsinu
leigir af HK fasteignum og vissi af
stöðu mála þegar hún flutti inn.
Fær tvær blokkir í fangið
 Íbúðalánasjóður mun eignast tvær ókláraðar blokkir í Vindakór þegar 44 íbúðir verða boðnar upp
 Fasteignafélag VBS-banka getur ekki lokið við klæðningu og blokkirnar liggja undir skemmdum
Morgunblaðið/Ómar
Fokið Töluverðar skemmdir hafa orðið á annarri blokkinni vegna vatns og vinda enda er einangrun óvarin.
Íbúðalánasjóður hefur keypt 692
eignir á nauðungarsölu á þessu
ári. Auk þess var sjóðurinn kröfu-
hafi vegna 100 eigna sem voru
slegnar öðrum kröfuhöfum á
uppboðum á þessu ári,
samkvæmt upplýs-
ingum frá sjóðnum.
Íbúðalánasjóður á nú
868 húseignir og þar af
eru komin kauptilboð í 13. Hann
hefur eignast þær allar á nauðung-
arsölum.
Sjóðurinn leigir út fasteignir og
skv. upplýsingum frá sjóðnum er
leiguverð fundið út með aðstoð
fasteignasala, íbúðin er verðmetin
og einnig er kannað ráðandi leigu-
verð hjá leigufélögum. Markaður-
inn sé hvorki yfir- né undirboðinn.
692 eignir slegnar ÍLS á árinu
ÍBÚÐALÁNASJÓÐUR Á 868 HÚSEIGNIR
Eftir Ómar Friðriksson
omfr@mbl.is
Stjórnendur Norðuráls ætla að
einbeita sér að því að reisa álverið í
Helguvík í þremur 90 þúsund
tonna áföngum, þannig að árleg
framleiðslugeta þess verði að því
loknu 270 þúsund tonn. Samkvæmt
upplýsingum Morgunblaðsins er
Norðuráli ekkert að vanbúnaði að
hefja framkvæmdir um leið og
samkomulag um orkukaup og
nauðsynleg leyfi liggja fyrir.
Áætlanir fyrirtækisins hafa gert
ráð fyrir að byggt yrði 360 þúsund
tonna álver í fjórum áföngum en að
sögn Ragnars Guðmundssonar,
forstjóra Norðuráls, er hugmyndin
núna sú að byggja álverið í þremur
áföngum. Þegar því verði lokið
verði hægt að vinna að fjórða
áfanganum þegar aðstæður leyfa.
Að sögn hans er auðveldara að
ná utan um verkefnið með þessum
hætti á þessu stigi. „Við gerum ráð
fyrir að um leið og staðfestingar
frá orkufyrirtækjunum liggja fyrir
getum við farið af stað. Það getur
gerst mjög hratt,“ segir Ragnar.
Skipulagsmál komin á skrið
Haldinn var fjölmennur sam-
ráðsfundur fulltrúa sveitarfélaga á
Suðurnesjum, orkufyrirtækja,
stjórnvalda, ASÍ, SA og fleiri aðila
í gær um stöðu Helguvíkurverk-
efnisins og orkuöflunar á Suður-
nesjum. Fyrsti fundur þessara að-
ila var haldinn í lok ágúst að
frumkvæði iðnaðarráðherra og er
markmiðið að ryðja úr vegi fjölda
hindrana.
,,Við erum bjartsýnni en við vor-
um áður,“ sagði Ásmundur Frið-
riksson, bæjarstjóri í Garði, eftir
fundinn. Hann segir að ráðning
Runólfs Ágústssonar sem verkefn-
isstjóra til að samræma vinnu allra
sem að því koma hafi gefið góða
raun. „Það er greinilegt að frá því
að við hittumst fyrir rúmum mán-
uði hafa menn tekið við sér.“
Ásmundur segir að margs konar
jákvæðar upplýsingar hafi komið
fram á fundinum. Skipulagsmál
sveitarfélaganna á Reykjanesi sem
hafa flækt málið eru nú að komast
fyrir vind, að sögn hans.
Albert Albertsson, aðstoðarfor-
stjóri HS Orku, upplýsti á fundin-
um að tilraunaborun á Reykjanesi
gæfi mjög góðar vonir og háhita-
svæðið ætti að geta staðið undir
raforkuframleiðsluaukningu
Reykjanesvirkjunar. Niðurstöð-
urnar verða sendar Orkustofnun
eftir helgina með ósk um aðvirkj-
unarleyfi verði gefið út.
,,Það var upplýst að borholan á
Reykjanesi gæfi gríðarlega mikinn
kraft sem er mjög jákvætt. Menn
telja núna að orkusvæðið á Reykja-
nesi sé stærra en talið var,“ segir
Ásmundur.
Viðræður í gangi um orkusölu
Á fundinum kom einnig fram að
skipulagsmál í Grindavík væru í
ágætum farvegi og er talið að sam-
komulag sé í sjónmáli á milli HS
Orku og Grindavíkur vegna hug-
mynda um virkjun í Eldvörpum.
Viðræður eru í gangi á milli HS
Orku og Norðuráls um orkusölu til
álversins en viðræður við Orku-
veitu Reykjavíkur ganga hægar
fyrir sig.
Gylfi Arnbjörnsson, forseti ASÍ,
bendir á að vinnu sveitarfélaga við
deiliskipulag sé ólokið og mikil-
vægt sé að hraða henni. Að sama
skapi verði sveitarfélögin Hafnar-
fjörður og Grindavík, sem hafi þá
orkustefnu að nýta eigi orku á
þeirra svæði innan bæjarmarkana,
að horfa á þessi mál út frá hags-
munum þjóðarinnar. „Atvinnu-
svæði svona verksmiðju er allt suð-
vesturhornið.“
Norðurál áformar um 270 þúsund
tonna álver í þremur áföngum
 Tilraunaholan á Reykjanesi lofar góðu  Skriður kominn á undirbúning vegna Helguvíkurálvers
Morgunblaðið/RAX
Orka Rannsóknarholan vekur vonir um að hægt sé að virkja meira.
Ásmundur Frið-
riksson, bæjarstjóri
í Garði, segir mjög
jákvætt að Norður-
ál skuli nú vera
tilbúið að einbeita
sér að því að ljúka
fyrstu þremur
áföngunum við
byggingu álvers í
Helguvík í stað þess að stefna strax á
að reisa það í fjórum áföngum.
Þetta geri að verkum að auðveldara
eigi að vera að tryggja álverinu raforku
en orkuþörfin eftir að fyrstu þrír áfang-
ar álversins í Helguvík verða að veru-
leika yrði um það bil 450 MW eða um
150 MW fyrir hvern áfanga.
Uppbyggingin gæti staðið yfir í sex
til tíu ár. „Allan þann tíma erum við að
tala um 2.000 störf við þessa upp-
byggingu. Það er því gríðarlega mikil-
vægt að koma þessu verkefni í gang.
Það er verkefni okkar núna. Ég er bjart-
sýnni eftir þennan fund en áður,“ segir
Ásmundur.
Bjartsýnni á
verkefnið
2.000 STÖRF Á 6-10 ÁRUM
Ásmundur
Friðriksson