Morgunblaðið - 17.12.2010, Blaðsíða 10

Ylfa Kristín K. Árnadóttir
ylfa@mbl.is
Þorgerður Þorgeirsdóttir hófstörf sem heimilis-fræðikennari í Laugar-nesskóla árið 1949 og
kynntist þar Vilborgu Björnsdóttur
sem kenndi sömu grein. Við kennsl-
una studdust þær við bókina Lærðu
að matbúa eftir Helgu Sigurð-
ardóttur en þeim fannst vanta ít-
arlegri kennslubók og ákváðu að
skrifa slíka bók í sameiningu.
Strákar ekki með
í heimilisfræði
Bókin Unga stúlkan og eldhús-
störfin kom út árið 1967 og var að
sögn Þorgerðar vel tekið. „Fyrst
þegar ég byrjaði að kenna voru nær
eingöngu stúlkur í heimilisfræði í
skólunum. Það var ekki reiknað með
strákum og þeir voru ekki með
nema þeir bæðu sérstaklega um
það. Það var því sjálfsagt að við lét-
um bókina heita fyrir stúlkurnar og
tileinkuðum þeim hana. Svo breytt-
ist þetta og strákarnir stóðu alveg
jafnfætis stúlkunum í þessu fagi. Þá
breyttum við nafni bókarinnar
þannig að það höfðaði til beggja
kynja,“ segir Þorgerður en þegar
bókin var gefin út að nýju árið 1975
höfðu talsverðar breytingar verið
gerðar á henni, m.a. þær að nafninu
var breytt í Unga fólkið og eldhús-
störfin.
Ekki síður þörf fyrir
bókina nú en árið 1967
Árið 1980 var næringarfræði
bætt inn í bókina. Þorgerður og Vil-
borg höfðu skrifað ágrip af næring-
arfræði sem nefndist Fæðan og gildi
hennar og var það fellt inn í bókina.
„Við kenndum alltaf næringarfræði
jafnframt matreiðslunni og gáfum
út smápésa um hana og það var
ákveðið að taka hann inn í bókina,“
segir Þorgerður.
Bókin var síðast gefin út árið
1983 og er því löngu uppseld. Þor-
gerður segir marga hafa spurt eftir
bókinni og beðið um að hún yrði gef-
in út aftur. Tóku hún og dóttir Vil-
borgar, Guðríður Lillý Guðbjörns-
dóttir, höndum saman og kemur
bókin nú út í sama búningi og 1983.
Þorgerður telur ungt fólk ekki
síður hafa gagn af bókinni nú árið
2010 en árið 1967. „Það er verið að
kenna helstu grunnaðferðirnar. Það
eru ekki flottar myndir eða neitt
svoleiðis í bókinni en það er verið að
sýna ungu fólki hvernig það getur
mælt, vegið og bjargað sér við ein-
földustu heimilisstörf.“
Kennir grunn-
aðferðir við
heimilisstörf
Hvernig á að þvo ullarpeysur eða hreinsa skó?
Hvernig á að flaka fisk, búa til pönnukökur eða jafna
með hveitijafningi? Hvað eru kolvetni og af hverju
eru vítamín svona mikilvæg? Svör við þessum spurn-
ingum og fjölmörgum öðrum er að finna í bókinni
Unga fólkið og eldhússtörfin sem kom fyrst út árið
1967. Síðan þá hefur bókinni verið breytt talsvert og
ýmsum gagnlegum upplýsingum bætt inn í hana.
Jólaleg Þorgerður Þor-
geirsdóttir með bókina
fyrir framan sig.
10 DAGLEGT LÍF
MORGUNBLAÐIÐ FÖSTUDAGUR 17. DESEMBER 2010
Nú þegar frostið herðir á ískalda Ís-
landi og dagarnir eru hvað dimm-
astir, er gott að láta sig dreyma um
sumar og sól. Ef slóðin hér að ofan
(absolutely-beautiful-beach) er sleg-
in inn á leitarvef (google.com) opn-
ast flipi á vefsíðu þar sem meðal
annars er að finna 65 undurfagrar
myndir af ströndum um víða veröld.
Á þessari síðu er boðið upp á þessar
myndir sem veggfóður (wallpapers)
sem fólk getur sett inn á tölvurnar
sínar. Það er ekki amalegt að skipta
kannski daglega um strönd í tölv-
unni sinni, svona til að ylja sér í
kulda og myrkri. En það er líka bara
gaman að skoða þessar myndir og
láta sig dreyma um suðrænar slóðir,
sólböð, hita og náttúrufegurð. Sjá
sig kannski fyrir sér að teygja úr fá-
klæddum skrokknum í skjóli pálma-
trjáa í góðum félagsskap og súpa á
einhverju svalandi. Og skella sér í
sjóinn og svamla um stund áður en
farið er í göngutúr og ókunnar slóðir
kannaðar.
vefsíðan www.absolutely-beautiful-beach
Dásamlegt Gott er að hverfa á vit suðrænna sandstranda og dagdreyma.
Draumar um sumar og sól
Síðasti Pop-Up-markaðurinn sem
haldinn verður á þessu ári verður
núna um helgina á Mýrargötu 6, þar
sem hárgreiðslustofan Rauðhetta og
úlfurinn var áður til húsa.
Opið verður frá kl. 13-22 á laugar-
daginn og kl. 13-18 á sunnudaginn.
Engir posar verða á markaðnum og
því er fólk beðið að mæta með
reiðufé.
Þeir sem taka þátt í Pop-Up-
markaðnum að þessu sinni eru: Hild-
ur Yeoman, EYGLO, Hlín Reykdal,
Elva, IBA, FærID, Shadow Creatures,
Go With Jan, Thelma, Áróra, Skap-
arinn, SHE, Baby K, Fafu Toys, Heli-
copter, Eight Of Hearts og Forynja.
Margvíslegar vörur verða í boði,
s.s. flíkur jafnt á börn sem fullorðna,
fylgihlutir, leikföng, skrautmunir fyrir
heimilið o.fl.
Endilega …
… Pop-ið ykkur Up
Morgunblaðið/Árni Sæberg
Í Hafnarhúsinu Pop Up hélt tísku-
sýningu síðastliðið sumar.
Jólaförðunin ár eftir ár á það sam-
merkt að vera glæsileg. Það er alltaf
glamúr yfir henni enda nauðsynlegt að
líta vel út þegar hátíð frelsarans geng-
ur í garð.
Rauðar neglur og varir eru af-
skaplega jólalegar og eru flest snyrti-
vörumerki með afbrigði af rauðum í
varalitum og naglalakki núna. Hjá Hel-
enu Rubinstein er ekki um neitt af-
brigði af rauðum að ræða í jólavör-
unum, jólanaglalakkið er bara
einfaldlega rautt og varaliturinn líka
eins og sjá má á henni Demi Moore á
meðfylgjandi mynd.
Augnskuggaboxið samanstendur af
fjórum litapallíettum, frá ljósum upp í dökkgráan með smá glimmer. Hægt er
að skapa fallega kvöldförðun með litunum úr þessu boxi eða nota eingöngu þá
ljósustu yfir daginn. Gloss setur svo punktinn yfir i-ið því hver vill ekki vera
kyssileg á jólahátíðinni?
Snyrtivörur
Jólaförðun Hér má sjá vörurnar í jólaförðun Helenu Rubinstein.
Rauður er litur jólanna
Glæsileg Leikkonan Demi Moore
auglýsir jólalínu HR.
Að þeyta
eggjahvítu
Þegar egg eru aðskilin verður
að gæta þess að sprengja ekki
rauðuna því að þá vill nokkuð af
henni fara með hvítunni og
hvítan þeytist ekki. Skál og
þeytari verða að vera vel þurr
og hrein. Eggjahvíta er hæfilega
þeytt þegar hvolfa má skálinni
án þess að hún falli úr. Eggja-
hvítu á að þeyta rétt áður en
hún er notuð. Ef hún bíður að
ráði fellur hún saman og ekki er
unnt að þeyta hana að nýju.
Þegar þeyttri eggjahvítu er
blandað saman við deig er það
gert gætilega með hníf eða
sleikju.
ÍS
L
E
N
S
K
A
/S
IA
.I
S
/U
T
I
52
23
6
11
/1
0
20% afsláttur
HOLTAGÖRÐUM GLÆSIBÆ KRINGLUNNI SMÁRALIND WWW.UTILIF.IS
SkíðapakkarJÓLAGJÖFIN