Morgunblaðið - 17.12.2010, Blaðsíða 18

18 FRÉTTIRViðskipti | Atvinnulíf
MORGUNBLAÐIÐ FÖSTUDAGUR 17. DESEMBER 2010
STUTTAR FRÉTTIR
● Skuldabréfavísitala GAMMA var
óbreytt eftir viðskipti gærdagsins og
endaði daginn í 199,86 stigum. Verð-
tryggði hluti vísitölunnar lækkaði um
0,03 prósent en sá óverðtryggði
hækkaði um 0,05 prósent. Velta var
rétt rúmir fjórir milljarðar króna.
Úrvalsvísitala Kauphallar Íslands
lækkaði um 1,1 prósent í dag í 23,5
milljóna króna viðskiptum. Marel lækk-
aði um 1,22 prósent. bjarni@mbl.is
Lítil velta í gær
● Nýsköpunarsjóður námsmanna hefur
valið 20 verkefni til að fara áfram til
skoðunar hjá dómnefnd Nýsköpunar-
verðlauna forseta Íslands. Alls bárust
215 lokaskýrslur um verkefni til sjóðsins.
Á meðal þeirra fyrirtækja sem valin
voru til áframhaldandi þátttöku í sam-
keppninni er Valamed, sem er nýsköp-
unarfyrirtæki á sviði lyfjarannsókna og
þróar aðferðir til að gera lyfjameðferð
við krabbameini einstaklingsmiðaðri.
Dómnefnd Nýsköpunarverðlauna for-
seta Íslands er skipuð fulltrúum frá
Rannsóknamiðstöð Íslands, mennta- og
menningarmálaráðuneytinu, Stúd-
entaráði Háskóla Íslands, Samtökum
iðnaðarins og Reykjavíkurborg. Verð-
launaafhendingin fer fram á Bessastöð-
um í febrúar árið 2011.
Nýsköpunarsjóður námsmanna hefur
styrkt 255 verkefni á árinu og hefur sjóð-
urinn aldrei styrkt jafnmörg verkefni á
einu ári. Vinna við verkefnin fór fram í
öllum landshlutum og voru um 250
nemendur styrkþegar sjóðsins á árinu
2010.
Valamed Þróar aðferðir til að
næmisprófa krabbameinsfrumur.
20 verkefni keppa um
nýsköpunarverðlaun
Bjarni Ólafsson
bjarni@mbl.is
Óvissa er um hvernig efnahags- og
skattanefnd Alþingis mun taka á
frumvarpi fjármálaráðherra um
virðisaukaskatt á gagnaver. Iðnað-
arnefnd skilar áliti sínu til efnahags-
og skattanefndar í dag og í kjölfarið
fundar sú síðarnefnda um málið.
Samtök íslenskra gagnavera hafa í
nokkra mánuði gert ítrekaðar at-
hugasemdir við frumvarpið, eins og
það var lagt fram og segja að óbreytt
komi frumvarpið í raun í veg fyrir að
geirinn geti komist á lappirnar hér á
landi.
Samkvæmt heimildum Morgun-
blaðsins er talið líklegt að iðnaðar-
nefnd taki í áliti sínu undir tillögur
samtakanna, en öllu meiri óvissa er
um úrslit málsins í efnahags- og
skattanefnd. Snýst óvissan einkum
um afstöðu þingmanna Vinstri
grænna.
Athugasemdir samtakanna snúa í
meginatriðum að þremur þáttum. Í
fyrsta lagi því að leggja skuli virð-
isaukaskatt á útflutta þjónustu
gagnaveranna. Segja samtökin að í
Evrópusambandinu sé reglan sú að
þjónusta sé skattlögð þar sem við-
skiptavinurinn er staðsettur. Þá sé
almennt ekki innheimtur virðisauka-
skattur á útflutta vöru hér á landi.
Í öðru lagi gagnrýndu samtökin að
leggja ætti virðisaukaskatt á inn-
flutning erlendra aðila á netþjónum,
sem hýsa á í íslenskum gagnaverum.
Heimildir Morgunblaðsins herma að
nokkuð almenn sátt sé um það í efna-
hags- og skattanefnd að falla frá
þessari skattheimtu.
Þriðja atriðið, sem samtökin hafa
gert athugasemd við, varðar starfs-
stöðvar erlendra viðskiptavina
gagnavera. Ákveði erlendur við-
skiptavinur að flytja inn eigin net-
þjóna, til hýsingar hjá verunum, þarf
hann, samkvæmt áliti ríkisskatt-
stjóra, að setja upp fasta starfstöð á
Íslandi. Samtökin segja að í því felist
umtalsverður kostnaður fyrir við-
skiptavini og það sé til þess fallið að
fæla þá frá Íslandi.
Morgunblaðið/Eggert
Thor Frá opnun gagnavers Thor
Data Center í maí á þessu ári.
Óvissa um framtíð
gagnavera
Örn Arnarson
ornarnar@mbl.is
Rósa Björk Brynjólfsdóttir, fjöl-
miðlafulltrúi fjármálaráðuneytisins,
staðfestir að fulltrúar almennra
kröfuhafa hafi ítrekað viðrað hug-
myndir sínar að lausn Icesave-deil-
unnar við fulltrúa íslenskra stjórn-
valda. „Þær hugmyndir gengu allar
út á að ná til baka með einum eða
öðrum hætti þeim forgangsrétti
sem innistæðueigendum var veittur
umfram almenna kröfuhafa með
neyðarlögunum. Þessar hugmyndir
fulltrúa hópa almennra kröfuhafa
eru knúnar áfram af kröfum al-
þjóðlegra fjármálastofnana, sem
vegna forgangsréttar innistæðueig-
enda, sáu fram á að fá ekkert eða í
besta falli mjög lítinn hlut, upp í
sínar kröfur við slitameðferð
Landsbankans,“ að sögn Rósu.
Eins og fram kom í Morgun-
blaðinu í gær bauðst stór hluti óvar-
inna kröfuhafa Landsbankans til
þess í vor að lána bankanum fyrir
greiðslu handa breskum og hol-
lenskum stjórnvöldum vegna trygg-
ingar þeirra á Icesave-innistæðum
upp að 21 þúsund evrum. Lánið yrði
veitt með fyrsta veðrétti í eignum
Landsbankans. Með þessu myndu
íslensk stjórnvöld losna undan
ábyrgð á útgjöldum breskra og hol-
lenskra stjórnvalda vegna Icesave.
Lánið yrði veitt að því gefnu að
bresk og hollensk stjórnvöld féllust
á að farið yrði með kröfur umfram
21 þúsund evra innistæðutrygging-
arnar eins og hefðbundnar kröfur
en ekki forgangskröfur. Með öðrum
orðum þýðir þetta að forsenda út-
færslunnar yrði að bresk og hol-
lensk stjórnvöld myndu taka á sig
skerðingu (e. haircut) og hún kæmi
fram í því að þau myndu fallast á
þetta atriði. Hinsvegar kæmi á móti
að þau fengju umsvifalaust ein-
greiðslu fyrir 21 þúsund evra trygg-
ingunni og þar með væri möguleg
ábyrgð íslenska ríkisins úr sögunni.
Þessar hugmyndir voru unnar af
sérfræðingum Deutsche Bank fyrir
óvörðu kröfuhafana.
Morgunblaðið hefur heimildir
fyrir því að málið hafi verið reifað
við háttsetta menn innan bresku
stjórnsýslunnar og þar hafi hug-
myndin þótt allrar athygli verð.
Rósa segir hinsvegar „ekkert sem
hefur komið fram sem styður það
að Bretar og Hollendingar styddu
hugmyndir fulltrúa hópa almennra
kröfuhafa í þrotabú Landsbank-
ans“.
„Fyrst og fremst stórir
alþjóðlegir bankar“
Eðli málsins samkvæmt felur
hugmynd óvörðu kröfuhafanna í sér
að mögulegar endurheimtur þeirra
úr þrotabúi Landsbankans yrðu
meiri en ella. Rósa segir þetta
ganga gegn hugmyndafræði neyð-
arlaganna: „Kjarni hugmyndafræð-
innar í neyðarlögunum var einmitt
að slá vörð um innistæðueigendur
en að almennir kröfuhafar yrðu að
sætta sig við niðurstöður úr gjald-
þrotaskiptameðferð bankanna. Í því
sambandi verður að hafa í huga að
innistæðueigendur voru að lang-
stærstum hluta til einstaklingar
með til þess að gera lágar fjárhæðir
hver fyrir sig en sem í mörgum til-
fellum áttu hlutfallslega mjög mikið
undir endurheimtum þeirra. Á hinn
bóginn voru almennir kröfuhafar
fyrst og fremst stórir alþjóðlegir
bankar.“
Þeir fulltrúar óvörðu kröfuhaf-
anna sem blaðið hefur rætt við telja
að útfærsla þeirra hefði einmitt
ekki gengið þvert á neyðarlögin þar
sem bresk og hollensk stjórnvöld
hefðu þegar tryggt Icesave-inni-
stæðueigendum í löndunum tveim
endurgreiðslur á innlánum sínum.
Hugmyndum alþjóðlegra
fjármálastofnana hafnað
 Fjármálaráðuneytinu leist illa á tillögur Deutsche Bank að lausn Icesave
Lausn kynnt Drög að nýjum Icesave-samningi voru kynnt í Reykjavík í vikunni sem leið.
Morgunblaðið/Kristinn
Þrátt fyrir að
sumir telji sig sjá
merki efnahags-
bata í Bandaríkj-
unum heldur
húsnæðisverð
vestra áfram að
lækka. Nýlegar
skýrslur benda
til þess að verð
lækki nú um 0,7
prósent á mán-
uði. Það sem af er ári hefur virði
íbúðarhúsnæðis í Bandaríkjunum
lækkað um 1.700 milljarða dala of-
an á 1.050 milljarða dala lækkun
árið 2009. Árið 2006 var heild-
arvirði húsnæðis um 24.000 millj-
arðar dala, en hefur frá þeim tíma
lækkað um heila 9.000 milljarða.
bjarni@mbl.is
Fasteigna-
verð lækkar
Hús í Arizona.
 Lítið bólar á
uppgangi vestra
 


   
  
   
  

 




 
  
  

   
 !"# $% " &'( )* '$*
++,-+
+.+-+/
++0-12
/3-,+2
+4-555
+,-40+
++4-2/
+-1.+5
+2.-32
+01-,1
++,-1.
+.+-0,
++0-2+
/3-,22
+4-03+
+2-33+
+/3-30
+-1.05
+2.-,
+05-3,
/3.-+.,4
++,-,,
+./
++,-30
/3-212
+4-00.
+2-30+
+/3-1.
+-1.45
+24-+1
+05-54
–– Meira fyrir lesendur
:
Þann 4. janúar 2011
kemur út glæsilegt
sérblað um skóla og
námskeið semmun
fylgjaMorgunblaðinu
þann dag.
MEÐAL EFNIS:
Háskólanám.
Verklegt nám og
iðnnám.
Endurmenntun.
Símenntun.
Listanám. Sérhæft
nám.
Námsráðgjöf og góð
ráð við námið.
Tómstundanám-
skeið og almenn
námskeið.
Nám erlendis.
Lánamöguleikar til
náms.
Ásamt fullt af öðru
spennandi efni
Skó
lar &
nám
ske
ið
Katrín Theódórsdóttir
Sími 569 1105
kata@mbl.is
NÁNARI UPPLÝSINGAR GEFUR:
PÖNTUNARTÍMI AUGLÝSINGA:
Fyrir kl. 16, miðvikudaginn
Skólar & námskeið
SÉ
RB
LA
Ð
Skól
ar &
nám
skei
ð