Morgunblaðið - 03.03.2011, Side 4

4 | MORGUNBLAÐIÐ
S
íðustu tvö árin hafa markaðsmálin,
hérlendis sem erlendis, snúist um
að komast af í kreppu. Sitt sýnist
hverjum um strauma og stefnur í
markaðs- og kynningarmálum en
fræðin hafa samt sem áður nokkuð staðfasta
forskrift af því sem gera skal ef á bátinn
gefur – slá hvergi af heldur spýta í og sækja
sem fastast. Hvernig finnst Gunnari hafa
tekist til hér heima?
„Við erum með dæmi um alls konar við-
brögð við niðursveiflunni hérlendis. Í raun-
inni erum við að horfa upp á eina allsherjar
tilraun í því hvað á að gera og hvað ekki. Ég
hlakka þar af leiðandi mikið til að sjá rann-
sóknir um árangur mismunandi aðferða, eft-
ir því hvort fyrirtæki drógu skarpt úr mark-
aðsstarfinu eða bættu í. Hitt er annað mál
að í sumum tilfellum eru niðurstöður farnar
að birtast hvað þetta varðar því fyrirtæki
sem spöruðu við sig í markaðsaðgerðum til
að mæta minnkandi tekjum eru að súpa
seyðið af því á ótrúlega skömmum tíma eða
tveim árum. Vörur gleymast ef þeim er ekki
sinnt því markaðsstarfsemin er svo gríð-
arlega mikilvæg.“ Gunnar bendir þó að að
ekki dugi að moka fúlgum fjár í kynning-
arstarfsemi.
„Ef það er ein lexía sem svona ástand
kennir fólki þá er það að taka markaðs- og
sölumálin fastari tökum, ekki með því draga
saman seglin heldur skipuleggja sig ennþá
betur, vera viss um tilgang hverrar krónu
sem varið er og vera handviss um hvað mað-
ur er að gera.“
Þessu til stuðnings nefnir Gunnar að til
séu mörg dæmi hérlendis um fyrirtæki sem
brugðust við aðstæðunum með viðeigandi
hætti og bættu stöðu sína í kjölfarið.
Samfélagsmiðlar sækja í sig veðrið
Með hverjum deginum færast í aukana að-
gerðir fyrirtækja á vettvangi hina svonefndu
samfélagsmiðla (e. social
media) á borð við Facebook
og Twitter. Erlendis er þró-
unin víðast á þá leið að innan
fyrirtækja hefur ákveðinn
hópur fólks fullt starf af því
að sinna þeim hluta kynning-
arstarfsins, ef þeim er ekki
hreinlega úthýst til auglýs-
ingastofa og ráðgjafafyr-
irtækja. Á Gunnar von á
svipaðri þróun hérlendis í
bráð? „Sum fyrirtæki eru
þegar að þróast langt í þessa
átt og sinna þessum málum
af fullri alvöru. Líttu til
dæmis á það hvernig Ice-
landair tókst að vinna út úr hinum mikla
vanda í tengslum við eldgosið mikla á síð-
asta ári. Að sjálfsögðu var þetta mikil krísa
fyrir flugfélag á Íslandi en samfélagsmiðlar
og internetið almennt gegndi augljóslega
lykilhlutverki í því að koma upplýsingum
áleiðis til almennings.“
Gunnar er sem sé á því að Ísland fari fyrr
en síðar í sömu átt og þróunin hefur legið
erlendis, en bendir engu að síður á að um-
hverfið hérlendis sé um margt frábrugðið
útlöndum.
„Hinir hefðbundnu miðlar eru afar sterkir
hér á landi, sjónvarpsstöðvar með 30-50%
áhorf, dagblöðin eru með öfluga dreifingu og
mikinn lestur og heimsóknartölurnar sem
mest sóttu vefsvæðin fá eru algerlega ótrú-
legar. Aftur á móti verður þróun ekki stöðv-
uð og markaðsfólk þarf sífellt að tileinka sér
nýja hluti. Síðan er alltaf gamli kjarninn
sem breytist ekkert – þú þarft plan, mark-
hóp, markmið.“
Áhugavert á árinu
Þegar talið berst að áhugaverðum markaðs-
aðgerðum erlendis á síðasta ári er Gunnar
fljótur til svars.
„Af athyglisverðum erlendum vörumerkj-
um langar mig til að nefna vörumerki sem
ég tengist beint úr starfi
mínu hjá Ölgerðinni en það er
vörumerkið Red Bull, vinsæl-
asti orkudrykkur í heimi. Mér
finnst algjörlega einstakt að
fylgjast með aðferðum þeirra
við að tengja vörumerkið ým-
iss konar upplifunum. Ég
held að það sé mikið hægt að
læra af þeirra aðferðum. Ég
er sérstaklega hrifinn af því
hvernig þeir búa til viðburði.
Skipulagning þeirra, und-
anfari og eftirfylgni er eitt-
hvað sem önnur fyrirtæki
geta tekið til fyrirmyndar.“
Og Gunnar nefnir dæmi um
þá sérstöðu sem fyrirtækið hefur náð að
skapa sér.
„Þeir hafa til dæmis umtalsverðar og vax-
andi tekjur af því að selja fjölmiðlum efni
frá viðburðum tengdum Red Bull. Þetta er
öfundsverð staða að vera í. Að mínu mati er
Red Bull gott dæmi um þá verðmætasköpun
sem hægt er að ná fram með aðferðum
markaðsfræðinnar.Vissulega er varan mik-
ilvæg og Red Bull hefur margt með sér þar
en framsýni þeirra í markaðsstarfi á stóran
og mikinn þátt í þeirri söluaukningu sem átt
hefur sér stað á drykknum.“
Líður að hátíð, líður að lúðri
ÍMARK-hátíðin er haldin í 25. skiptið í dag
og það eru breytingar á fyrirkomulagi vals
verðlaunahafa í ár.
„Þetta er skemmtilegur viðburður þar
sem markaðsfólk og auglýsingagerðarfólk
kemur saman og heiðrar þá sem stóðu upp
úr í íslenskri auglýsingagerð,“ segir Gunnar.
„Við brugðum á það ráð að breyta örlítið
til við að dæma innsendingarnar. Að þessu
sinni var farin sú leið að ákveða tilnefningar
og sigurvegara með blöndu af atkvæða-
greiðslu og opinni umræðu. Þetta er nokkur
nýjung þar sem áður hefur verið leynileg at-
kvæðagreiðsla og hún var látin ráða. Reynsl-
an á eftir að dæma þessa aðferð en hún lofar
góðu. Við eigum örugglega eftir að sjá þetta
þróast enn frekar á komandi árum en ég tel
að þetta sé skynsamlegt skref. Lúðurinn
skiptir miklu máli og við viljum að sjálf-
sögðu hafa sem mesta sátt í kringum val-
ið.Við erum jú að leita að athyglisverðustu
auglýsingum hvers árs.“
Sem fyrr var dómnefndin skipuð markaðs-
fólki, starfsfólki á auglýsingastofum og há-
skólafólki.
„Það er mjög skemmtilegt að koma að
þessu verkefni og það er alveg skýrt í mín-
um huga að íslenskt auglýsingagerðarfólk er
að gera frábæra hluti.“
En það var ekki bara valferlið sem var
með nýju sniði í ár heldur lítur nýr lúður
dagsins ljós. Gunnar lýsir nýju verðlaun-
unum þannig:
„Við verðum með nýjan lúður sem snýr að
árangursríkustu auglýsingaherferðinni og
kallast ÁRA. ÁRAsamsvarar gömlu Effie-
verðlaununum sem veitt hafa verið und-
anfarin ár. Við veitum þar viðurkenningar
þeim herferðum sem náðu yfirburðaárangri
í að ná þeim markmiðum sem þær voru
hannaðar til að ná. Hér er verið að horfa á
dálítið aðra þætti en í keppninni um athygl-
isverðustu auglýsingarnar. Hér er mikið
horft til mælanlegs árangurs. Það verður af-
ar áhugavert að sjá tilnefningarnar í þessum
flokki en við erum með mörg dæmi um mjög
svo árangursríkar herferðir á síðasta ári,“
segir Gunnar að endingu. jon.olason@gmail-
.com
Í hringiðu síbreytileikans
Gunnar B. Sigurgeirsson er
stjórnarformaður ÍMARK og
þekkir því mætavel hinn sí-
breytilega heim markaðs-
málanna. Í tilefni uppskeru-
hátíðar ÍMARK sem fer fram á
morgun var Gunnar tekinn tali.
Morgunblaðið/RAX
Stjórnarformaðurinn „Lúðurinn skiptir miklu máli og við viljum að sjálfsögðu hafa sem mesta sátt í kringum valið.Við erum jú að leita að athyglisverðustu auglýsingum hvers árs. “
Við brugðum á það
ráð að breyta örlítið
til við að dæma inn-
sendingarnar. Að
þessu sinni var farin
sú leið að ákveða til-
nefningar og sig-
urvegara með blöndu
af atkvæðagreiðslu
og opinni umræðu.
Útgefandi: Árvakur Umsjón: Birta Björnsdóttir birta@mbl.is Blaðamenn: Ásgeir Ingvarsson asgeiri@mbl.is Birta Björnsdóttir birta@mbl.is Jón Agnar Ólason jon.olason@gmail.com María Ólafsdóttir maria@m-
bl.is Sigurður Bogi Sævarsson sbs@mbl.is Auglýsingar: Katrín Theodórsdóttir kata@mbl.is Forsíðumyndin er frá Getty. Breytingar annaðist Elín Esther Magnúsdóttir Prentun: Landsprent ehf.