Morgunblaðið - 14.09.2011, Side 30

30 MENNING
MORGUNBLAÐIÐ MIÐVIKUDAGUR 14. SEPTEMBER 2011
Börkur Gunnarsson
borkur@mbl.is
Tónleikar verða haldnir í Norræna
húsinu í kvöld, miðvikudaginn 14.
september, klukkan 20:00. Einleik-
arinn Miklós Dalmay mun spila verk
eftir Franz Liszt, Claude Debussy og
frumflytja verk eftir Elínu Gunn-
laugsdóttur.
Miklós Dalmay hóf píanóleik við
Tónlistarskólann í Búdapest að-
eins 5 ára gamall og útskrifaðist það-
an 8 árum síðar.
Árið 1982 hlaut hann inngöngu í
hina virtu Franz Liszt Akademíu
(Tónlistarháskólann) í Búdapest og
útskrifaðist þaðan með einleik-
arapróf árið 1987.
Hann stundaði viðbótarframhalds-
nám við Tónlistarháskólann í Stokk-
hólmi og kom fram sem einleikari
með sænsku útvarpshljómsveitinni
og hlaut einleikaraverðlaun Kon-
unglegu sænsku listaakademíunnar
árið 1990.
Að loknu námi starfaði Miklós í
Ungverjalandi við tónlistarflutning,
tónsmíðar og kennslu en árið 1994
flutti hann til Íslands ásamt fjöl-
skyldu sinni og segir hann að það hafi
verið mikil viðbrigði. „Já, þetta kom
þannig upp að ungverskur kórstjóri
hér frétti af starfi sem hentaði mjög
vel fyrir hjón og hafði samband við
okkur,“ segir Miklós. „Ég sagði við
konuna mína að svona tækifæri til að
búa og starfa í svona fjarlægu og
spennandi landi kæmi ekki nema
einu sinni á ævinni og að við ættum
að láta reyna á þetta. Við gætum þá
alltaf komið aftur heim ef þetta væri
ekki ánægjulegt. Það kom nú samt á
konuna mína þegar við fengum flug-
miðana senda fyrir alla fjölskylduna,
þetta voru fimm flugmiðar til Íslands,
en aðeins aðra leiðina,“ segir Miklós
hlæjandi. „En það kom ekki að sök,
því okkur hefur liðið mjög vel hér frá
upphafi. Við bjuggum ein tólf ár á
Flúðum og það var algjör draumur,
sérstaklega fyrir krakkana. En þetta
voru sérkennilegir tímar og margt
sem var framandi fyrir okkur. Við
vorum að setjast hér að þegar snjó-
flóðin voru að valda miklum hörm-
ungum hér á Íslandi og þessháttar
hættur af náttúrunni könnuðumst við
ekki við að heiman. En sem tónlist-
armaður kom það mér á óvart hvað
tónlistarlífið var og er fjölbreytt hér.
Ég man þegar við komum á Skaga-
strönd og opnuðum Morgunblaðið og
sáum auglýsingar um tónleika útum
allt. Ég spurði konuna mína hvernig
þetta væri hægt á svona litlu landi að
hafa svona mikið tónlistarlíf.
En ferillinn hjá mér á Íslandi fór
fyrst í gang þegar ég vann Tónlist-
arkeppni Ríkisútvarpsins, Tónvak-
ann, árið 1996. Ég fékk fyrstu verð-
laun þar árið 1996. Það jók mjög
möguleikana fyrir mig sem
einleikara. Þá fór ég að
spila með Sinfón-
íuhljómsveit Íslands og
ýmsum kammersveitum
og með bestu einsöngv-
urum landsins.“
Aðspurður hvernig
honum líki við Norræna
húsið sem tónleikahús,
segir hann að það sé
mjög huggulegt. „Það
er mjög kósí þarna, þetta
er ekki stór tónleika-
staður en það er hægt að ná
góðri stemmingu þar. Þeg-
ar maður heldur tónleika í
þessu húsi þá kemur allt-
af meira af ungu há-
skólafólki og það er
gaman að ná til þess,“
segir Miklós Dalmay.
Klassísk og kósí stemming
Píanó Um dagskrána segir Miklós Dalmay; „Þetta er tímaflakk frá rómantík um impressjónisma til nútímans, í gegnum þrjú tónskáld frá þremur löndum.“
Morgunblaðið/Sigurgeir S
Tónskáldið Á dagskránni í kvöld í Norræna húsinu er frumflutningur á
verki Elínar Gunnlaugsdóttur sem nefnist Púnktar og línur.
 Tónleikar með Miklós Dalmay í Norræna húsinu í kvöld  Liszt og Debussy á
efnisskránni  Dalmay fannst það merkilegt tækifæri að fá að koma til Íslands
Sýningin Grasrót IX verður
opnuð á laugardaginn, 14.
september, klukkan 17:00 í
Nýlistasafninu. Sýningar
undir heitinu Grasrót hafa
verið haldnar þar árlega frá
árinu 2000. Grasrótarsýn-
ingar miða að því að sýna
verk eftir upprennandi
myndlistarmenn og er ætlað
að gefa þverskurð af því
sem ungir listamenn fást við á hverjum tíma.
Listamennirnir átta sem sýna nú í ár eru
Bryndís, Helga Björk, Irene Ósk, Klængur,
Kolbrún Ýr, Kristín, Sigríður Tulinius og Sig-
urður Atli.
Myndlist
Sýning á grasrót-
inni í myndlist
Verk eftir Irene
Minningartónleikar verða
haldnir á sunnudaginn kemur,
18. september, kl. 20:00 í Bú-
staðakirkju í Reykjavík. Svava
Kristín Ingólfsdóttir söngkona
heldur tónleikana til minn-
ingar um dótturdóttur sína
Karenu Mist Kristinsdóttur,
sem lést 23. desember síðast-
liðinn, og til minningar um
börn sem látist hafa úr vöggu-
dauða, veikindum eða í slys-
um.
Ýmsir þekktir listamenn munu koma fram á
minningartónleikunum og gefa þeir allir vinnu
sína. Miðinn á tónleikana kostar 1500 krónur.
Tónleikar
Tónleikar til minn-
ingar um látin börn
Svava
Kristín
Í kvöld, miðvikudaginn 14.
september klukkan 17:00,
verða lokatónleikar í tónleika-
röð sem gengið hefur í Kalda-
lóni Hörpu í allt sumar þar sem
sígild íslensk tónlist hefur ver-
ið kynnt. Haldnir hafa verið yf-
ir 60 tónleikar og hafa viðtök-
urnar verið góðar.
Viðfangsefnið í kvöld eru perl-
ur íslenskra einsöngslaga þar
sem lög eins og Draumalandið,
Hamraborgin og Í fjarlægð verða flutt. Flytj-
endur eru Hlöðver Sigurðsson tenór, Nathalía
Druzin Halldórsdóttir mezzósópran og Birna
Hallgrímsdóttir píanóleikari.
Tónleikar
Perlur íslenskra
einsöngslaga
Nathalía Druzin
Halldórsdóttir
Myndlistarmaðurinn Hadda Fjóla
Reykdal opnar einkasýningu í gall-
erí 21 í Malmö laugardaginn þann
17. september. Hadda Fjóla hefur
verið búsett í Gautaborg frá árinu
2002 en hún útskrifaðist frá Mynd-
lista- og handíðaskóla Íslands árið
1998. Verkin á
sýningunni eru
unnin í olíu á dúk,
en einnig verður
Hadda Fjóla með
verk unnin í
vatnslit og
blýant. „Íslensk
og sænsk náttúra
er uppspretta
hugmynda verka
minna,“ segir Hadda Fjóla. „Það
sem ég heillast helst af í náttúrunni
er samspil litanna og hvernig þeir
breytast eftir veðri og vindum, ná-
lægð, fjarlægð og birtu.“
Hadda Fjóla hefur haldið nokkrar
einkasýningar og sú síðasta var í
Gallerí Box í Gautaborg 2009. Hún
hefur einnig tekið þátt í samsýn-
ingum, meðal annars í Konunglegu
listaakademíunni í Stokkhólmi og
Liljevalchs Konsthall í Stokkhólmi.
Gallerí 21 var stofnað árið 1985 og er
eitt af elstu listamannareknu gall-
eríum Malmö. Sýningin stendur frá
17. september til 9. október.
Malmö Hadda Fjóla með einkasýningu.
Litir nátt-
úrunnar
breytast
 Hadda Fjóla með
sýningu í Malmö
Verk Höddu
Hrafnhildur
Gísladóttir sýnir
olíumálverk í
Café Milanó frá
12. september til
9. október. Á
sýningunni eru
14 málverk og
eru þetta myndir
af náttúrunni
tengdar grænni
orku, jarðvarma og sól. Hrafnhild-
ur Gísladóttir er úr Garðabænum
og er stúdent úr Flensborg í Hafn-
arfirði. Hún stundaði nám við
Handíða- og myndlistaskólann áður
en hann var sameinaður Listahá-
skólanum. Hrafnhildur er útskrif-
aður útstillingahönnuður úr Iðn-
skólanum í Reykjavík.
Olíumál-
verk í Café
Milanó
Verk Hrafnhildar
Hver væri til dæmis
ekki til í að sjá Jón
Ársæl baða sig með Össuri
Skarphéðinssyni eða Sóleyju
Tómasdóttur? 32
»
Tónleikadagskráin sam-
anstendur af verkum frá þrem-
ur löndum, þremur tímabilum
og eftir þrjú tónskáld. „Löndin,
tímabilin og tónskáldin þrjú
virðast í fyrstu fjarskyld,“ seg-
ir Miklós Dalmay, „en tónlistin
dregur þau nær hvert öðru og
myndar jafnvel sterkt sam-
band þeirra á milli.“
Liszt-rómantík-Ungverjaland.
Debussy-impressjónismi-
Frakkland.
Elín-nútímatónlist-Ísland.
„Píanóverk Franz Liszt
höfðu áhrif allt frá rómantíska
tímanum, alveg fram til byrj-
unar 20. aldar og á sjálfan De-
bussy.
Án frönsku impressjónist-
anna um aldarmótin væri síð-
an tæplega hægt að tala um
nútíma-píanótónlist. Elín
Gunnlaugsdóttir hefur oftar
en ekki dvalið í Parísarborg
við tónsmíðar og fóru
áhrif frönsku menning-
arinnar ekki framhjá
henni. Tónlist Debussys
lá fyrir framan hana þeg-
ar hún samdi verk sitt
Punktar og línur. Tímabilin
og landamærin verða
þokukennd, máttur tón-
listarinnar tengir líka
saman einstaklingana.“
Þrjú tónskáld
og þrjú lönd
EFNISSKRÁIN
Franz Liszt