Eining - 01.10.1947, Blaðsíða 7

i E I N I N G
7
Sjómanna- og gesta-
> heimili Siglufjarðar
Einingu hefur borizt Árbók Sjó-
manna og gestaheimilis Siglufjarðar
1946. Sést þar, að vegur þessarar stofn-
unar fer stöðugt vaxandi. í gestabók-
ina skrifuðu sig 29,526 um síldveiði-
tíma sumarsins, flestir 875 á einum
degi. Heimilið starfaði frá 16. júní til
30. september með sams konar fyrir-
komulagi og undanfarin ár. Veitingar
voru framreiddar alla daga, á borðum
lágu frammi helztu blöð og tímarit
landsins, einnig nokkur erlend. Pappír
og ritföng fengu gestir eftir þörfum
endurgjaldslaust, á skrifstofu heimilis-
( ins voru skrifuð 1211 bréf og sá það
um afgreiðslu þeirra, tók til vörzlu 12,
300,00 kr. og sendi fyrir gesti peninga
til ýmissa staða á landinu, alls kr. 6,
450,00.
Alls voru lánuð út 1230 bindi bóka
og bókakassar heimilisins voru lánaðir
í skip og var eftirspurn um þá mikil.
Ýmsir sendu heimilinu góðar bókagjaf-
ir og hefur verið þar fremstur í flokki
» Guðmundur Gíslason bókbandsmeistari
hjá Víkingsprent í Reykjavík.
Sjómönnum þykir mikill fengur að
geta fengið böð í þrifalegum baðklef-
um heimilisins, og fengu alls 6011 gest-
ir böð á starfstímabilinu.
Styrkir á árinu voru:
Ríkissjóður............kr. 5000,00
i Siglufjarðarbær.......... — 2000,00
Stórstúka íslands .... — 1500,00
Kirkjuráðið ............ — 1500,00
Síldarverksm. ríkisins — 1000,00
Auk þess fékk félagið gjafir frá næst-
um 70 skipshöfnum og einstökum mönn-
um, hæst kr. 1000,00. Stórstúka íslands
lét það fá 20% af ágóða happdrættis
templara og rennur fé það í bygginga-
* sjóð heimilisins, því að þörf er á aukn-
um húsakosti og mun stjórn heimilisins
hafa verulegar aðgerðir í hyggju í þeim
efnum.
Stjórn heimilisins er hin sama og
undanfarin ár:
Pétur Björnsson kaupmaður, séra
Óskar Þorláksson og Andrés Hafliðason
kaupmaður.
Starfsfólk var á þessu tímabili: Frú
Lára Jóhannsdóttir, sem starfað hefur
við heimilið undanfarin fimm ár, ung-
frú Anna Sigmundsdóttir, frú Soffía
Jóhannesdóttir, ungfrú Guðfinna Jóns-
dóttir, ungfrú Lára Valsteinsdóttir og
Páll Jónsson, starfsmaður Stórstúku
íslands, sem starfaði við heimilið um
tveggja mánaða tíma.
Það er stúkan Framsókn á Siglufirði,
sem starfrækir Sjómanna- og gesta-
heimilið. Slíkt er mikið fyrirmyndar
starf, metið og þakkað af öllum lands-
lýð.
tivað gerist í áfengis-
málunum í Ameríku
Héruð, þorp og bæir, sem hafa fólks-
fjölda 40,000 og þar fyrir neðan, hafa
bannað algerlega alla sölu á öli og á-
fengi í ríkjum, sem nú skulu talin:
í Massachusetts............... 65
1 New Hampshire um........... 100
í Vermont ................... 120
í Maine yfir................. 300
í Wisconsin ................. 350
1 Ohio ...................... 450
I Pennsylvaniu .............. 650
f Illinois ................. 1000
með samtals tveim milljónum íbúa.
f ríkinu Virginia eru nokkur þurr
héruð, í Louisana ............ 16
Minnisota .................... 20
Georgia ...................... 67
Alabama ...................... 47
Mississippi, af 82 ........... 53
Kentucky...................... 92
og 14 önnur að nokkru leyti þurr.
Kentucky er heimsfrægt ríki fyrir hið
eftirsótta áfengi þess. f Alabama eru
aðeins 20 héruð, sem leyfa áfengissölu.
f hinu voldugu Texasríki eru 139 hér-
uð þurr og skoðanakönnun hefur ný-
lega leitt í ljós, að 53% af kjósendum
eldri en 21 árs eru með algeru banni
fyrir allt ríkið.
Síðasta Gallup skoðanakönnunin
sýndi að 33% allra kjósenda í Ameríku
eru með áfengisbanni fyrir öll Banda-
ríkin.
Þetta sýnir glögglega, hvernig þjóðin
unir hinu stöðuglega vaxanai áfengis-
böli síðan bannlögin voru afnumin. Það
er heldur ekki svo langt um liðið, að
hún sé búin að gleyma, hversu marg-
víslega blessun — fjárhagslega, sið-
ferðilega og allavega, bannið færði þjóð-
inni.
Ameríkumenn geta líka séð, hvernig
bannið gefst, þar sem það er og hver
munur er á hinum „þurru“ og „votu“
svæðum. Þeir eru líka teknir að sjá og
skilja, að engin ráð nema bann duga
gegn áfengisauðmagni og áfengisbölinu.
Hóglífi
Hirtir lifa í eyðimörkum eða skóg-
um, frjálsu villilífi, fullu af hættum og
baráttu. Óveðrið steypist yfir þá, kúlur
veiðimannanna ógna þeim, hungrið sker
innýfli þeirra. Óvissa komandi dags er
allt, sem þeir hafa við að styðjast.
Margir þeirra farast, en þeir, sem af
lifa, eru sterkir, hertir og æfðir í öll-
um þrautum.
Takið nú þessa hirti, sýnið þeim um-
hyggjusemi og verndið þá fyrir veðra-
brigðum og hættum ævintýralífsins,
veitið þeim fagra dvalarstaði, fæðu eft-
ir vild, hvíld og öryggi. Þarna lifa þeir
í alls nægtum og rólegum svefni, eins
og erfingjar auðmannanna. En hvað
verður svo? Sinarnar linast, augun
daprast, hugrekkinu hrakar. Þeir verða
daufii', stirðir, ragir og taka upp ljótar
venjur, ávexti leiðinda og hóglífs. Ef
svo vill til, að þeir auki kyn sitt, verða
afkvæmi þeirra einungis skuggar for-
eldrisins, og í þriðja eða fjórða lið, úr
afturför í afturför, er enginn þeirra
eftir. Hóglífið hefur upprætt þá.
Mannlegt líf sýnir nákvæmlega hið
sama. Of mikið öryggi og næði eru ó-
vinir mannlegs eðlis.
C. Wagner, — Manndáð.
Hallargarðurinn á Drottningholm.
Við Buddamusterið í Tókíó í Japan
er stærsta klukka í heimi og vegur
871,800 kgr.
★
Fyrir nokkrum árum var seldur vasa-
klútur, sem tónskáldið mikla, Wagner,
hafði átt og var með fangamarki hans.
Hann fór fyrir 13000 mörk.
★
Augað þroskast fyrst allra lima lík-
amans og er sagt fullþroskað um 7 ára
aldur, en sjóninni tekur að hnigna, þótt
lítið beri á, eftir 10 ára aldur.