Eining - 01.10.1947, Blaðsíða 13

E I N I N G
13

Áfengismálin í Danmörku
fbúar Dannierkur eru 4,050,000. Þeir geta ekki talizt bindindisþjóð. íslenzkir and-
banningar og áfengisdýrkendur, hafa jafnan vitnað í áfengisneyzlu Dana, sem einhverja
fyrirmynd. En samkvæmt þeirra eigin skvrslum, sem lagðar voru fram prentaðar á 17.
Norræna bindindisþinginu í Stokkhólmi 1947, er áfengisneyzla þeirra liæst allra Norður-
landa. Hún liefur verið þessi:
1938 ................... 2,54 lítrar 100% áfengis á mann.
1939 ...................... 2,67 — — — —
1940 ...................... 2,20 — — — —
1941 ...................... 2,57 — — — —
1942 ...................... 2,42 — — _ _
1943 ...................... 2,66 _ _ — —
1944 ...................... 3,00 _ _ _ _
1945 ...................... 2,62 — — _ _
1946 ...................... 3,28 — — _ _
Öll hin Norðurlöndin eru fyrir neðan 3 lítra. ísland með 2.
1939 drukku Danir 1,17 lítra sterkra drykkja
1945 — — 1,92 — — —
1939 — — 2,36 lítra af léttari vínum
1945 _ _ 1,99 — — — —
1939 — — 39,6 lítra af sterku öli
1945 _ — 31,1 — — — —
1939 — — 19,9 lítra veikt öl
1945 — — 17,1 — — —
Alls eru þetta yfir 50 lítrar af áfengum drykkjum og öli á livert mannsbarn í land-
inu, þessar rúmar fjórar milljónir manna. Þetta er drjúgur sopi og lítt til fyrirmyndar.
Þá er það eftirtektarvert, að í Danmörku, líkt og í Finnlandi, hefur neyzla sterku
drykkjanna aukizt á tímabili því, er skýrslan nær yfir, en neyzla veikari drykkjanna
minnkað. Þetta fer í öfuga átt við það, sem andbanningar á íslandi stöðugt fullyrða, að
^ neyzla sterkari drykkja mundi minnka með meiri neyzlu öls og léttari víntegunda og
sem frjálsastrar áfengissölu. Öll undanbrögð slíkra manna reynast alltaf og alls staðar
helberar blekkingar.
Handtökur fyrir ölvun og ofbeldi í sambandi við ölvun voru á árunum 1938 12,305
og 1943 12,743.
1938 komu á skrá 9 alkóholistar (menn haldnir ölæði)
1945 komu á skrá 16 alkóliolistar — — —
I í Danmörku eru mörg mismunandi bindindisfélög og reglur. Flest hafa þessi félög
gengið í landssamband. Kemur þar í ljós góður vilji, en við ramman er reip að draga.
Fram að síðustu árum hefur þótt minnkun í Danmörku að vera alger bindindismaður.
1930 voru taldir 100,000 bindindismenn í landinu, 1938 73,000, 1946 53,000. Hér er átt
við fullorðna. Afturförin er þ?í mjög áberandi, en nú er æskulýðurinn í Danmörku að
hefjast banda og færir það vonandi betri tíma í þessum efnum.
Þjáningar og þorsti
Plato sagði, að þjáningarnar væru
heilsulind sálarinnar.
Kagawa, hinn mikli postuli Japans,
segir: Guð hefur sáð jörðina tárasæða
til þess að auðga líf mannanna.
Milton var blindur, Beethoven heyrn-
arlaus, Pasteur varð að fást við vís-
indamannsstörf sín líkamlega lamaður
t að nokkru leyti.
Carlyle sagði um Dante: „Ef lífið
hefði leikið við hann, þá hefði Flórens
reyndar átt sinn borgarstjóra, en heim-
urinn hefði ekki eignast skáldverkið
Divine Comedy.
Kristur var „harmkvælamaður og
1|
kunnugur þjáningum", sem „á dögum
holdsvistar sinnar bar fram með sár-
um kveinstöfum og táraföllum bænir og
auðmj úk andvörp fyrir þann, sem megn-
aði að frelsa hann frá dauða, og fékk
bænheyrslu vegna guðhræðslu sinnar“,
samkvæmt orðum Hebreabréfsins.
Vegur mestu manna heimsins hefur
jafnan verið þyrnumstráður. Við hræð-
umst mest, það sem jafnan lyftir hæst
og göfgar mest.
K jör ferðamanna
Enn kvarta ferðamenn all verulega
undan slæmri aðbúð á gististöðum. Er
illt til þess að vita, að þar gjalda oft
saklausir fyrir seka, því að sum gisti-
hús eru góð.
Ekki er langt síðan ég lenti á einu
gistihúsi, sem er mjög ábótavant. Her-
bergið var kallt. Miðstöðvarofninn allt
of lítill og illa heitur. Herbergið sjálft
ekki faðmur á breidd, ekkert borð í því,
mjór bekkur fyrir rúm, fiður í sæng-
inni, sem féll báðum megin af bekkn-
um, svo að tómt verið var eftir ofan á
þeim, sem undir sænginni átti að sofa,
en svaf ekki fyrir kulda.
Kjötið, sem borið var á borð, var ól-
seigt og ótyggjandi. Ég varð að láta
marga bitana út úr mér aftur. Salernið
var sætislaust, aðeins glerskálin, flugu-
svermur var í borðsalnum og voru gest-
ir, bæði innlendir og erlendir, að reka
flugurnar frá mjólkurkönnum, sykur-
kerum og matarílátum, og hvolfdu jafn-
vel diskum yfir mjólkurkönnurnar.
Dæmi eru til þess, að gestum er enn
boðin óhrein rúm.
Trú í verki
Bindindisráð Meþódista kirkjunnar í
Ameríku, hefur nýlega komið því til
vegar, að haldin var ráðstefna í Chicago
með fulltrúum frá öllum deildum þess-
arar kirkju í landinu til þess að ræða
áfengisvandamálið.
Ráðstefna þessi sendi frá sér boð-
skap, þar sem hún skorar á Meþódista
um heim allan, en þeir eru um 8 millj-
ónir, að gerast albindindismenn og að
afneita sem kristnir og þjóðhollir menn
áfengi í öllum myndum. Sérstakur
sunnudagur er tiltekinn næsta ár, þegar
allir, sem kalla sig Meþódista, fá tæki-
færi til að undirrita heit um algert bind-
indi.
Þing þetta staðhæfði: „Það er tími
til kominn. Nú er nóg komið, já, meira
en nóg“.
Ástand sem ógnar
Alþjóðar bindindis- og bannmanna-
ráð Bandaríkjanna, sem talar í nafni
margra félaga-sambanda, stofnana og
kerfa, hefur sent út áskorun til allra
rétthugsandi manna, karla og kvenna,
og sérstaklega kirknanna, að hefjast
handa og rísa gegn hinu hræðilega á-
fengisböli þjóðarinnar. Drykkjureikn-
ingur þjóðarinnar sé nú orðinn árlega
8 milljarðar dollara, en samfara þess-
ari eyðslu séu slys, ofbeldi og níðings-
verk, hótelbrunar, glæpaflóð, lagabrot
og glæpir unglinga, spilling, neyð og
alls konar hörmungar.
Leiðrétting.
Sú missögn varð í ágústblaðinu, að
Sigdór V. Brekkan kennari hafi verið
aðalgæzlumaður barnastúkunnar þar
frá upphafi hennar. Valdimar Snævarr
fyrrv. skólastjóri var aðalgæzlumaður
stúkunnar frá 1922—1935 eða 36, en
síðan hefur Brekkan verið aðalgæzlu-
maður hennar, en áhugasamur félagi og
starfsmaður stúkunnar frá stofnun
hennar.