Ljósmæðrablaðið - 01.01.1963, Blaðsíða 20
14
LJÓSMÆÐRABLAÐIÐ
Einkenni bacteriell reactionar
geta komið meðan fyrstu 50 ml eru að renna inn og
eru þau: snögg hitahækkun, kuldahrollur, magnleysi,
æðalömum og lágur blóðþrýstingur, (sem oft er ekki hægt
að fá upp aftur), hraður hjartsláttur, uppköst, niðurgang-
ur og blóð með saur. Ennfremur brunatilkenning eftir æð-
inni, sem notuð er. Sjúklingur deyr svo eftir nokkra
klukkutíma. Staðfesting fæst með ræktun.
Ef þetta er vægt, (blóð ekki mjög mengað), getur það
líkzt hitaaukaverkun (pyrogen reaction).
Meðferö: Stöðva blóðgjöf. Noradrenalin til þess að fá
blóðþreýstinginn upp. Blóð eða plasma til að reyna að
koma sjúklingi úr lostinu og mjög stóra skammta af anti-
biotica.
Ef blóð er mjög mengað, er lítil von til að bjarga sjúk-
lingnum.
C. Ofnæmis-áhrif (allergisk reactin)
geta stafað af því, að sjúklingur þolir ekki ýms eggja-
hvítuefni, sem komin eru frá fæðunni í blóðgjafa eða mót-
efni (reagin) frá blóðgjafa verka gegn mótefnavaka sjúk-
lings og fær hann þá ofnæmiseinkenni, t.d. ofsakláða, út-
brot, asthma.
Til að fyrirbyggja þetta, er stundum gefið antihistam-
in-lyf, áður en blóðgjöf hefst, t.d. Benadryl og skyld lyf.
Sumir gefa Prednisolon í æð með góðum árangri.
Þegar þessar reactionir koma, skal stöðva blóðrennslið
og gefa adrenalin eða ephedrin. Einnig er hægt að draga
ur eða komast hjá þeim, með því að gefa blóðkom (packed
cells) eða þvegin blóðkorn.
7. Anaphylactisk reaction
er sjaldgæft, en kemur skyndilega og líkist losti. Getur
valdið dauða sjúklings, en er vanalega ekki lífshættuleg.
Ráðlegt er í slíkum tilfellum að gefa adrenalin.