Ljósmæðrablaðið - 01.12.1986, Blaðsíða 18

146
LJÓSMÆÐRABLAÐIÐ
Auk meðgöngulengdar eru önnur atriði sem hafa áhrif á RDS.:
a) Móðir með sykursýki. Börn þessara mæðra eru líklegri til að
fá RDS en mæling á L/S hlutfalli og önnur surfactantpróf eru
ekki eins áreiðanleg.
b) Preeclampsia. Nýlegar rannsóknir (’79) sýna að aukin lungna-
þroski sést í tilfellum með króníska hypertensio á meðgöngu.
Þetta sést ekki í vægum preeclampsiu tilfellum.
c) Blæðing fyrir fæðingu.
d) Seinni tvíburi. Aukin tilfelli RDS hjá seinni tvíbura er trúlega
vegna meiri hættu þeirra til að verða fyrir súrefnisskorti í
fæðingu.
e) Elektivur keisaraskurður. Börn tekin með elektívum keisara-
skurði eru líklegri til að fá RDS heldur en börn fædd eðlilega
eða með keisaraskurði eftir að fæðing hefur verið reynd.
Nýlegar rannsóknir sýna að líklega verður losun á surfactant í
lungum fóstursins í fæðingu út í öndunarvegina vegna örvunar
frá hríðum eða stressi.
RDS er líklegri að komi ef barnið verður fyrir súrefnisskorti í
fæðingu. Drengir eru 3 sinnum líklegri til að fá RDS en stúlkur.
Þetta er einnig tengt kynþætti og erfðum. Nokkrar rannsóknir
hafa ennfremur sýnt að börn fædd eftir að vai n fer fyrir tímann fá
sjaldnar RDS.
4) Kyngreining fósturs
Hægt er að kyngreina með frumurannsókn við 15.-18. viku.
Mæling á testosteroni og FSH í legvatni er ekki eins áreiðanlegt til
kyngreiningar.
Þetta getur verið mikilvægt við leit að sjúkdómum sem erfast
með víkjandi X litning. Sjúkdómar þessir koma því eingöngu
fram hjá drengjum. Niðurstaða getur gefið tilefni til fóstureyðing-
ar ef um sveinbarn er að ræða. Dæmi um þetta eru vöðvarýrn-
unarsjúkdómurinn Duchenne og hemophilia.
5) Aðrir erfðagallar
Marga mismunandi erfðagalla hefur verið hægt að greina með
legvatnsrannsókn. U. þ. b. 75 erfðagallar bundir víkjandi X litn-
ing eða autosom litning eru nú þekktir.