Ljósmæðrablaðið - 01.12.1986, Qupperneq 34

162
LJÓSMÆÐRABLAÐIÐ
85% starfandi ljósmæðra í Hollandi eru með eigin stofu (sjálf-
stæðan rekstur). Það er fastákveðin fjöldi stofa skrásettar og
þessar stofur eru reknar mann fram af manni. Ef ljósmóðir hefur
165 konur í meðgöngu og fæðingu á árinu telst hún hafa eðlilegar
tekjur og eðlilegan vinnutíma miðað við 40 stunda vinnuviku og
laun hjúkrunarfólks þar. Á ljósmæðrastofum er annast um
mærðavernd en hinsvegar er farið heim til kvenna til að taka á
móti börnum. Ljósmóðir heimsækir konuna svo einu sinni á dag
fyrstu fimm dagana eftir fæðingu og annan hvern dag eftir það
fram á tíunda dag. Þegar ljósmóðir fer í heimahús hefur hún enga
ákveðna fæðingarstofnun sem hún leitar til. Hún getur haft sam-
band við næsta sjúkrahús/fæðingardeild ef einhverjir erfiðleikar
koma uppá og flutt konuna þangað. Þegar þangað kemur metur
vakthafandi sérfræðingur hvort ljósmóðirin heldur áfram i
fæðingu eða hvort grípa þurfi inní.
Ef konan kýs að fæða á sjúkrahúsi fer ljósmóðir hennar með
henni á viðkomandi stofnun og tekur á móti barninu þar.
Þegar um áhættufæðingu er að ræða eins og sitjandi fæðingu
eða tvíbura, ákveður sérfræðingur á viðkomandi stofnun hvort
hann eða ljósmóðirin tekur á móti barninu/börnunum.
Þó ljósmæður í Hollandi megi starfa sjálfstætt hafa þær ekki
leyfi til að gefa nema ákveðin lyf án samráðs við lækna. Þau lyf
sem þær mega gefa eru Metergin, Syntocinon, Utopar og
Lidocain. Öll önnur lyf (verkjalyf) verða þær að fá lækni til að
skrifa uppá.
Starf ljósmæðra í Hollandi er að fylgjast með eðlilegri með-
göngu og fæðingu. Ljósmóðir sér um allar rannsóknir svo sem
blóðþrýsting, þvag- og blóðprufur, þyngd og þyngdaraukningu,
auk ytri og innri þreyfingar sé þess þörf.
í fæðingu má hún gera spangarskurð og sauma rifur í staðdeyf-
ingu.
Eftir fæðingu má hún gefa samdráttarlyf auk mótefna. Hún
tekur blóðprufur úr barninu og skoðar konuna sex vikum eftir
fæðingu. Ljósmóðir ráðleggur með getnaðarvarnir og skrifar
uppá pillu, setur lykkju.
í meðgöngunni athugar ljósmóðir blóðflokk, Rh-faktora,
syphylis og ákveður legvatnsástungu sé þess þörf.
Það er á hennar ábyrgð og hennar einnar að finna hvort