Ljósmæðrablaðið - 15.11.2001, Qupperneq 26

Stjórnarfundur
IMarðurlandasamtaka Ljósmæára
haldinn í Helsinki dagana 8. ag 3. júní 2001
Hildur Kristjánsdáttir Ijósmáðir
Hildur Kristjánsdóttir
Ijósmóðir hefur verið
fulltrúi LMFÍ
í Norðurlandasamstarji
Ijósmœðra
Fundurinn hófst kl. 13.00 þann 8. júni og
lauk kl. 16.00 daginn eftir. 12 ljósmæður sóttu
fundinn, tvær frá Svíþjóð, Noregi og
Danmörku, 3 frá Finnlandi og 1 ffá Færeyjum,
Islandi og fulltrúi frá ljósmæðradeild Norska
Hjúkrunarfélagsins. 22 mál voru á dagskrá
fundarins og fylgdu hefðbundinni dagskrá.
Forseti samtakanna flutti skýrslu sína þar
sem kom fram að árið hefði verið viðburðarríkt.
Samtökin hefðu haldið upp á 50 ára afmæli
sitt í tengslum við Norðurlandaráðstefnu
ljósmæðra sem haldin var í Stokkhólmi 15,-
17. september 2000. Gefin var út saga
samtakanna sem unnið hafði verið að í nokkur
ár og ákveðið að eitt eintak fylgdi með
ráðstefnugögnum og þeim eintökum sem eftir
var var skipt á milli landanna.
Á síðasta stjórnarfundi samtakanna var
rædd nauðsyn þess að endurskoða lög
samtakanna sérstaklega með tilliti til tilgangs
þeirra. Þetta er umhugsunarefni í ljósi breyttrar
heimsmyndar má segja, til dæmis með tilkomu
samskipta á netinu og með tölvupósti. Allt
upplýsingaflæði er mun auðveldara og
einfaldara heldur en var þegar samtökin voru
stofnuð og áherslur hafa ef til vill breyst.
Ennfremur þarf að taka afstöðu til þess fyrir
hveija samtökin eru og hveijir hafa aðgang að
þeim og hvernig.
Ákveðið var að halda vinnufund þar sem
kæmi einn fulltrúi frá hverju landi í
Kaupmannahöfn í febrúar 2000. Það var gert
og þessi vinna komst nokkuð vel af stað.
Markmiðið er að ný lög verði tilbúin til
kynningar og samþykktar árið 2003.
Á fundinum í Helsingfors núna var þetta
mál svo rætt áfram og fulltrúar félaganna
kynntu lög sinna félaga og hvemig ljósmæður
ættu aðild að ljósmæðrafélögum sinna landa.
Ljósmæður eru allstaðar á Norðurlöndunum
sameinaðar í einu félagi og eiga þannig aðild
að samtökunum, nema í Noregi þar sem
starfandi er deild ljósmæðra innan Norska
Hjúkrunarfélagsins sem óskað hefur eftir
sjálfstæðri aðild að samtökunum. Félögum í
þessari deild hefur fækkað hægt en jafnt á
síðustu árum, meðan félögum í Norska
ljósmæðrafélaginu hefur ijölgað. Umsókn
deildarinnar er til umræðu og er ein ástæða
þess að endurskoðunar er þörf á lögum
samtakanna. En lög samtakanna í dag eru
þannig að þar er kveðið á um að tiltekin
ljósmæðrafélög í hverju landi eigi aðild að
samtökunum. Engin niðurstaða fékkst í þessu
máli á fundinum núna, en það verður áfram
til umræðu og er meiningin að hvert land vinni
og komi með tillögur að markmiðum
samtakanna, skilgreini tilgang þeirra og hveijir
tilheyri þeim og hvernig. í ffamhaldi af þessu
er svo hægt að ræða lög fyrir samtökin.
Ákveðið var að fulltrúi Svíþjóðar myndi koma
í orð og á prent drögum að tillögu sem við hin
vinnum svo áfram út frá, en fyrstu drög voru
rædd á fundinum.
Löndin kynntu einnig í þessari umræðu
stefnumótun og siðareglur ljósmæðra i löndum
sínum og er mikill samhljómur þar. Flest löndin
styðjast að langmestu leyti við eða hafa gert
Alþjóðasiðareglur ljósmæðra að sínum og
stefnumótun ljósmæðra á Norðurlöndum er í
stórum dráttum sú áhersla að ljósmóðirin sé
með konunni og að samfella sé í þjónustu til
kvennanna sem sé í þeirra heimabyggð.
Rætt var um hvort ástæða væri til að gefa
út sameiginlegar siðareglur og framtíðarsýn
Ijósmæðra á Norðurlöndum og þótti ekki
ástæða til þess þar sem áherslur og siðareglur
væru svo líkar innan landanna. Einnig telur
stjórnin að samtökin geti notað
Alþjóðasiðareglur ljósmæðra sem sínar.
Að venju fluttu fulltrúar landanna útdrátt
úr skýrslum sínum, en fundarmenn höfðu
fengið þær áður til lestrar. Stafrófsröð er látin
ráða röðinni og fulltrúi Danmerkur byrjaði.
Ljósmæðrablaðið
nóv2001