Almanak Hins íslenska þjóðvinafélags - 01.01.1942, Side 89

Hilmar Stefánsson. Jakob Möller.
herra aðalbankastjóri í stað Páls Eggerts Ólasonar
og gegndi starfinu til dauðadags. Haustið 1935 var
Hilmar Stefánsson skipaður aðalbankastjóri. Hafði
hann áður stýrt útibúi Landsbankans á Selfossi og
einnig verið aðalféhirðir þess banka.
Kreppuárin höfðu verið landinu hin erfiðustu í
hvívetna. Á árunum 1928—1930 hafði verið mjög
ríflegur tekjuafgangur á rekstrarreikningi rikissjóðs,
en á öllum árunum 1931—1934 varð halli og á sum-
um allverulegur. 1932 hafði verzlunarjöfnuðurinn að
vísu verið hagstæður um 10 millj. kr., og átti það
rót sína að rekja til mikilla birgða frá árunum áður
og hinnar almennu kyrrstöðu í atvinnulífinu, en
árin 1933—1934 eru viðskiptin við útlönd óhagstæð
og 1934 byrjuðu Spánverjar að takmarka saltfisks-
kaup sín. Varð það upphaf þess, að Spánarmarkað-
urinn lokaðist algerlega á skömmum tíma, en Spánn
hafði verið höfuðmarkaðsland íslenzkra fiskútflytj-
enda.
Árið 1934 varð Eysteinn Jónsson fjármálaráðherra
í ráðuneyti Hermanns Jónassonar, og hafði hann
áður verið skattstjóri í Reykjavík. Á þing hafði hann
verið kosinn í Suður-Múlasýslu 1933. Á árinu 1934 er
(87)