Almanak Hins íslenska þjóðvinafélags - 01.01.1953, Page 102

stund á ritstörf. Hann hefur gefiS út þrjár Ijóðabæk-
ur, Kaldavermsl 1920, Handan storma og strauma 1936
og TJndir sól að sjá 1939.
Jakob Smári er lisírænn á orðaval og kveðandi og
kann vel að forma kvæði. Hann mun hafa ort fleiri
sonnettur en nokkurt annað íslenzkt skáld, en sonn-
ettuformið er þröngur búnaður, sem efnið verður i
að rúmast. Smári hefur lýst fagurlega íslenzkri nátt-
úru, er mjög næmur á línur hennar og liti, en hin
fegurstu lönd og hina litrikustu heima hefur hann
skynjað í hillingum ímyndunarafls síns, dulhvggju
sinnar og drauma. í þeim heimum er friður, sam-
ræmi og fegurð, — þangað ná ekki stormar eða
straumar daglegs strits og stríðs eða neins konar ver-
aldarvafsturs. Kvæði Smára eru ekki tilbreytingar-
ríkur lestur og fátt af þeim þannig, að lítt þjálfaður
ijóðalesandi fái notið þeirra, en þar er að finna
mikla fegurð og djúpan frið fyrir þann, sem hefur
þroskað fegurðarskyn og sekkur sér niður í lestur
þeirra.
Þórbergur Þórðarson fæddist að Hala i Suðursveit
í Austur-Skaftafellssýslu árið 1889. Þórbergur fór á
unglingsárum sínum til Reykjavikur og stundaði nám
i ýmsum skólum i níu ár, en á sumrum lagði hann
stund á margvísleg störf á sjó og landi. Hann vann
lengi að orðasöfnun með rikisstyrk, en 1920—25 og
1928—31 stundaði hann íslenzkukénnslu. Siðan 1931
hefur hann eingöngu fengizt við ritstörf. Þórbergur
er kunnastur af ritum sinum i óbundnu máli. Hann
hefur haft allviðtæk áhrif á stíl ýmissa íslenzkra rit-
höfunda, bæði beint og óbeint.
Árin 1914 og 1915 komu út eftir Þórberg tveir
ljóðabæklingar, sem náðu til frekar fárra og vöktu
einkum athygli innan tiltölulega fámenns hóps manna
í Reykjavik. En árið 1922 gaf Þórbergur út ljóðabók-
ina Hvíta hrafna. Þar voru nokkur fögur ástaljóð,
sem bera keim af ástarkvæðum Heines, og líka eru
(100)