Freyr - 01.11.1953, Síða 16

352
FREYR
Varöandi nafngiftir í töflunni, skal þetta
tekið fram. „Undirbúningstími“ er sá tími
nefndur, sem fer til að komast til og frá
vinnustað. Verði einhver bið í vinnunni, er
hún færð í línuna „Biðtími". Sem dæmi má
nefna, ef vagn þarf að bíða á túni vegna
þess, að næsti vagn á undan er ekki full-
hlaðinn.
í línuna „Bilanir o. fl.“ eru færðar smá-
bilanir, ef stilla þarf verkfæri og áhöld o.
þ. u. 1. „Raunveruleg vinna“ er tíminn alls
að frádregnum „Undirbúningstíma11, „Bið-
tíma“ og „Bilana“.
Vinni unglingur við verkið, er hann
reiknaður sem 1 maður þar sem hann
vinnur á við fullorðinn, t. d. við stiórn
dráttarvéla. Við erfiðisvinnu er hann hins-
vegar reiknaðúr sem y2 maður.
Tölurnar í dálk A og B eru frá athugun-
um, sem gerðar voru á Hvanneyrarfit um
20. ágúst. Var engið mjög vel sprottið eða
um 12 tonn gras af hektaranum. Grasið,
sem slegið var með heyskúffu, var ekki
hirt strax eftir slátt vegna óþurrka. Þegar
það var hirt, var heyið farið að þorna
nokkuð í görðunum. Þurrefnismagnið við
slátt var um 30% bæði í dálk A og B, en
er við hirðingu orðið 35,8 í dálk B. Vega-
lengd í hlöðu um 700 m.
Dálkur A. Hér var notuð hin danska
sláttulyfta „Svogerslev“. Slær hún heyið
og flytur upp á vagn, sem tengdur er aftan
í hana. Fyrir vélinni gekk traktor W-4 á
járnhjólum. Er það óþarflega kraftmikill
traktor á þurru og sléttu landi. Heyinu var
ekið beint í votheysgryfju. 3 vagnar voru
notaðir til heimflutningsins, en 2 traktor-
ar fluttu á milli. í hlöðu var heyinu fork-
að af vögnunum með heygöfflum, 7 manns
unnu að verkinu, þar af 3 unglingar 1
maður slær, 1 jafnar í vagni, 2 flytja heim
og 3 losa vagna. Það skal tekið fram, að
þeir, er unnu í hlöðu, höfðu fleiri störfum
að sinna en að losa þessa vagna, og er hjá
þeim aðeins reiknaður sá tími, sem fór til
að losa vagnana, en enginn biðtími. Er
þessu einnig þannig háttað í dálkum B,
C og Ð.
Dálkur B. Hér var notaður Farmall-Cub
til sláttar. Var tengd vanaleg heyskúffa
aftan við greiðuna og grasið slegið í garða
með um það bil 20 m millibili. Heyinu síð-
an ýtt í hrúgur með traktorýtu og því
forkað á vagna. Við heimflutninginn voru
notaðir 3 traktorar með hver sinn vagn.
Þegar flest var við hirðinguna unnu að
henni 7 fullorðnir og 4 unglingar, en 3
unglingarnir, sem stýrðu traktorunum, eru
reiknaðir sem fullkomnir menn.
í dálkunum C og D eru tölur frá athug-
unum, er gerðar voru á Hvanneyrartúni 26.
ágúst. Var þar um illa sprottna há að ræða,
eða aðeins 4,2 tonn gras pr ha. Vegalengd í
hlöðu um 500 m. Túnið er slétt og reitirnir,
sem slegnir voru, reglulega lagaðir. 3 menn
unnu að losun vagna í báðum tilfellum.
Dálkur C. Hvað vinnuaðferðir og verk-
færi snertir, nægir að vísa til þess, sem
sagt hefur verið um dálk ,A. Við heim-
flutninginn voru notaðir 2 vagnar og 1
traktor. 6 manns unnu að verkinu, þar af
2 unglingar.
Dálkur D. Hvað vinnuaðferðir og verk-
færi snertir, nægir að vísa til þess, sem
sagt hefur verið um dálk B. Notaðir voru
2 vagnar og 2 traktorar við heimflutning-
inn. 8 manns unnu við hirðingu, þar af 4
unglingar.
Dálkur E greinir frá niðurstöðum athug-
ana, sem gerðar voru að Egijsstöðum 3.
september síðastliðinn. Var þar að verki ný
amerísk vagnsláttuvél af merkinu Gehl.
Saxar hún heyið um leið og slegið er og
blæs því síðan upp í vagn, sem tengdur er
aftan í vélina. Túnið, sem slegið var, er
nokkuð mishæðótt og óreelulegt í lögun.
Vegalened að hlöðu um 100 m.
Við sláttinn var það traktor af gerðinni
Fordson-Major, sem notaður var. Ungling-
ur jafnaði í vagni eftir því sem þurfa þótti.
Vinnunni var þannig háttað, að notaður
var aðeins einn vagn, til það flytja heim
heyið á. Við heimaksturinn og losun unnu
sömu menn og slógu, ásamt þriðja manni.
Stóð því vagnsláttuvélin ónotuð á meðan
losun fór fram. Sá biðtími er ekki tekinn
með í þessum útreikningum.
Við samanburð á dálkunum A og B kem-
ur í ljós, að undirbúningstími er allmiklu
meiri hjá skúffusláttuvél en vagnsláttuvél.
Stafar það sennilega af því, að liðir hey-
skaparins eru þar fleiri. Biðtíminn er meiri