Símablaðið - 01.01.1956, Blaðsíða 26

20
SIMABLAÐIÐ
Talsímakona á 1 fl. B-stö'ö skrifar:
Mig langar til að biðja Símablaðið
fyrir nokkrar línur til starfssystra
minna á 1 fl B-stöðvum, sem ekki eru
enn í neinum félagssamtökum.
Vilja nú ekki einhverjar af elztu stúlk-
unum í þessu starfi, eða einhverjar, sem
eru félagsvanar, beita sér fyrir samtök-
um okkar í milli? Við eigum mörg sam-
eiginleg hagsmunamál og áhugamál,
sem við þurfum að vinna að, og erum
víst eini starfshópurinn í þjónustu
Landssímans, sem hvergi eigum höfði
að að halla. En hvernig ættu þessi sam-
tök að vera?
Ég held, að við yrðum að hafa þau
í sama formi og stöðvarstjórarnir, og
þá vil ég spyrja Símablaðið, ogbiðja um
svar, hvort nokkuð er því til fyrirstöðu,
að við gætum verið deild í F.I.S. Ann-
ars værum við ekki vel settar.
Símastúllca á 1 fl. B-stöö.
Símablaðinu er ánægja að koma þess-
ari orðsendingu til hlutaðeigenda, —
og vill undirstrika innihald hennar.
Á félagsráðsfundum F.I.S. hefur oft
verið rætt um samtök þessara síma-
stúlkna og hvernig þeim yrði bezt fyrir
komið. Og Símablaðið telur víst, að sam-
tök þeirra gæti orðið deild í F.I.S.
Með reglugerð um launakjör á Síma-
stöðvunum er þessum stúlkum ákveðin
lífvænleg laun og fastur starfstími. Þær
eru ráðnar sem starfsstúlkur Landssím-
SÍMABLAÐIÐ
er gefið út af Félagi ísl. símamanna.
Ritstjóri:
A. G. Þormar.
Auglýsingastjóri:
Júlíus Pálsson.
Félagsprentsmiðj an.
ans, og verða því frá sjónarmiði
F.I.S., að heyra undir lög um réttindi
og skyldur opinberra starfsmanna. Um
það eru þó deildar meiningar utan F.I.S.
Réttast og auðveldast myndi vera, að
þessar stúlkur, einhverjar, sem taka
vildu forystuna, sneru sér til fram-
kvæmdastjórnar F.I.S. og bæði hana
um aðstoð til að stofna þessa félags-
deild, og fá hana samþykkta í félags-
ráði.
Og umfram allt ætti þessar stúlkur
ekki að láta það dragast, að kaupa sér
réttindi í Lífeyrissjóði starfsmanna rík-
isins.
I sambandi við það, sem sagt er hér
að framan, vill Símablaðið einnig vekja
athygli þeirra símastjóra í 1. fl. B-
stöðvum, sem enn greiða ekki iðgjald í
Lífeyrissjóð, að kippa því í lag. — Af
óskiljanlegum ástæðum hafa mistök
orðið á því. En þessum starfsmönnum
ber skylda til að kaupa sér þenna líf-
eyri, og því fé er sannarlega ekki kast-
að á glæ.
—'k—