Freyr - 01.03.1958, Page 16

100
PRE YR
Þegar snúningur segulbrúarinnar stöðvast þannig andartak, stríkkar
á fjöður, sem veitir brúnni meiri hraða en hún venjulega hefur. Andar-
taki síðar fer fjöðrin úr tengslum. Þannig myndast neisti við gang-
setninguna, sem er nógu öflugur til að kveikja í eldsneytinu. Hraðkveikj-
an hefur auk þess annað hlutverk. Þegar hún er í lagi, stillist kveikjan
á sjálfvirkan hátt hægar við litinn hraða heldur en þegar hreyfillinn
gengur með meiri hraða og straumhöggið vinnur ekki. Með þessum
hætti verður kveikjan seinni við ræsingu en annars og því minni hætta
á bakslagi. Ef straumhöggið (impulsen) er ekki í lagi, verður neistinn
lítill og erfitt að ræsa hreyfilinn. Auk þess verður kveikjan fljótari og
mikil hætta á bakslagi. Gætið því þess, að straumhöggið „slái“ þegar
ræsa á hreyfilinn. Smyrjið það með nokkrum dropum af þunnri olíu af
teg. 10 W eða 20/20 W einu sinni í viku. Ef það er ekki í lagi þrátt fyrir
þetta, þá þvoið það með steinolíu og smyrjið síðan.
Rafgeymirinn þarf góða umhirðu.
Flestir dragar hafa rafgeymi með eða án háspennukeflis (spennu-
breytis). Þessi útbúnaður er mjög dýr í viðhaldi, ef ekki er vel hirt um
hann. Gætið þess, að rafgeymirinn sé ætíð vel hlaðinn. Athugið vökvann
á geyminum vikulega. Bætið við vatni (helzt eimuðu), svo að yfirborð
vökvans sé um 1 cm yfir geymisplötunum. Hreinsið hrúður og klepra af
skautum og tengiklemmum og smyrjið þau með feiti. Hafið aldrei illa
hlaðinn rafgeymi í miklum kulda, því þá getur frosið á honum. Geymið
rafhlöðuna í frostlausri geymslu yfir veturinn, ef hún er ekki notuð.