Freyr - 01.02.1996, Qupperneq 6

Það þarf að bjóða mönnum
eitthvað annað en dauðann
„Húsvíkingar láta sér mjög annt um Mjólkursamlagiö," segir
Hlífar Karlsson, samlagsstjóri.
Mjólkursamlag Kaupfélags Þingeyinga á Húsavík var stofnað 1947. Það er
fimmta stœrsta mjólkursamlag í landinu og verður það fjórða stœrsta þegar
Mjólkursamlagið í Borgarnesi hefur verið lagt niður, að sögn Hlífars Karlssonar,
mjólkursamlagsstjóra.
Hlífar Karlsson, mjólkursamlagsstjóri.
Mjólkursamlagið er í rúmgóðu
húsnæði, hefur yfir að ráða um 2700
fermetrum. Við mjólkurvinnsluna
starfa 17 manns, þaraf þrír mjólkur-
bílstjórar, auk viðgerðarmanns.
Tvö önnur fyrirtæki eru undir
sama þaki; þvottahús þar sem
fatnaður starfsfólks í kaupfélags-
fyrirtækjunum og Fiskiðjusamlagi
Húsavíkur er þveginn. Og einnig
Efnagerðin Sana.
Þrír starfsmenn eru við efna-
gerðina. Hún er í húsnæði þar sem
áður var starfrækt smjörgerð og
smjörfrystir.“ Eftir að við fórum
alveg yfir í framleiðslu á feitum
ostum dróst smjörframleiðslan það
mikið saman að frystirinn var mikið
stærri en þörf var á. Hann tók um 60
tonn af smjöri og var miðaður við
150 tonna framleiðslu en fram-
leiðslan er komin niður í 40 tonn.
Þetta var því ekki hagkvæm eining
og ákveðið var að leggja niður
smjörgerðina, flytja umframrjóma
til Akureyrar og kaupa smjör fyrir
heimamarkaðinn í staðinn,“ segir
Hlífar.
Léttara þegar annað en
dauðinn er í boði
„Við keyptum efnagerðina Sana
af Sanitas, sem þá var í þroti suður
í Reykjavík. Við settum hana upp
hér og reksturinn hefur gengið upp
og niður. Þetta er mikil barátta, því
að við erum t.d. langt frá markaði,
framboðið er mikið og samkeppni
bæði af innlendri og erlendri
framleiðslu, og erfitt er að koma sér
á framfæri. Þetta hefur verið mikil
reynslusaga fyrir okkur.
Það yrði ólíkt léttara að fara í
gegnum þessa hagræðngarumræðu
ef mjólkuriðnaðurinn sem ein heild
hefði eitthvað að bjóða í stað þess
sem lagt er til hliðar. Reyndar er
verið að vinna að því í Borgarnesi
að byggja upp fyrirtæki sem er eigu
Mjólkursamsölunnar, Osta- og
smjörsölunnar og Mjólkurbús Flóa-
manna. Það er ekki mjólkur-
iðnaðurinn sem heild sem kemur
þar að en allir eru mjög jákvæðir
þegar unnið er á þessum nótum.
Þetta er léttara þegar hægt er að
bjóða mönnum eitthvað annað en
dauðann."
Gullverðlaun í Danmörku
- Hvað er framleitt hjá mjólkur-
samlaginu?
„Við framleiðum feitan ost, 26%
gouda og Búra. Og einnig mysu-
osta, bæði fasta og mjúka. Þetta er
Gullverðlaunahafarfyrir ost og jógúrt: Jón Ingi Guðmundsson, Davíð Gunnarsson,
Hlífar Karlsson og Hermann Jóliannsson.
46 FREYR - 2 '96