Freyr - 15.09.2000, Blaðsíða 2

Ritfregn
Skógræktarritið 2000
S
t er komið Skógræktamtið árið 2000 en þetta rit
er eina sérrit um skógrækt hér á landi, gefið út af
Skógræktarfélagi Islands, en ritið hefur komið út
nær samfellt frá stofnun félagsins árið 1930.
Skógræktarritið í ár er sérlega glæsilegur prentgripur,
hvort sem litið er á efni eða búning.
Svo sem vænta má á það mest erindi
til skógræktarmanna, lærðra og
leikra, sem og alls áhugafólks um
ræktun, viðhald og eflingu gróðurs
hér á landi og þá ekki síst bænda, en
áhugi þeirra á skógrækt vex nú
hröðum skrefum. Um það vitna
m.a. stórverkefni í skógrækt sem
hafin eru í öllum landsfjórðungum,
þar sem Héraðsskógar riðu á
vaðið.
Efni þessa heftis má skipta í tvo
meginflokka, fræðilegar greinar
og alþýðlegt efni. Fræðilegu
greinamar eru meirihluti af efni
ritsins, en eiga þó beint erindi við
hinn almenna
skógræktaráhugamann eða
bændur. Má þar nefna greinar
um klóna víðitegunda til skjólbelta-
ræktunar. Tvær greinar em um samanburðarrannsóknir á
þeim, en vaxandi áhugi er á skjólbeltarækt í íslenskum
landbúnaði um þessar mundir.
Skipuleg skógrækt á íslandi er aldargömul um þessar
mundir. Lengi, einkum framan af öldinni, var mjög á
brattann að sækja fyrir skógræktaráhugamenn, e.t.v.
mest fyrir vantrú margra en einnig fyrir það að allt jarð-
næði var umsetið og gróður af skomum skammti fyrir
þann búsmala sem á landinu gekk og gaf arð í afurðum
sínum. Margra alda barátta þjóðarinnar við hungurvof-
una var þá djúpstæð í þjóðarvitundinni.
Við þessi skilyrði dugðu ekkert
minna en hugsjónamenn og helst
eldhugar til að beijast fyrir málstað
skógræktarinnar. Af því leiddi að
skógræktarmenn, meðvitað eða
ómeðvitað, stofnuðu til eins konar
bræðralags þar sem málstaðurinn ól
af sér sterkan samhug og stemningu.
Þessi sterka stemming hefúr lengi
einkennt skrif um skógrækt og hrifið
fólk með sér og sá lesandi er fátækur
í anda sem er ekki gripinn af áhuga og
framtíðarsýn skógræktarmanna.
Ýmislegt efni í ritinu flokkast undir
þetta.
Skógrækt er um þessar mundir einn
helsti vaxtarbroddur í íslenskum
landbúnaði. Bændur sem em að leggja
hana fyrir sig hafa fulla ástæðu til að
kynna sér það sem um skógrækt er
skrifað hér á landi og þar ber
Skógræktarritið hæst.
Ársrit Skógræktarfélags íslands fæst í bókabúðum en
allir félagsmenn í skógræktarfélögum em jafnframt
áskrifendur að því. M.E.
Lítil útgjöld
mikilvægust fyrir
útkomuna
Hagkvæmur rekstur á kúabúum
byggist á litlum framleiðslukostn-
aði frekar en miklum afurðum.
Það er niðurstaða rannsóknar á
vegum Sambands kúabænda í
Evrópu, European Dairy Farmers.
í rannsókninni tóku þátt 116 kúa-
bú í löndum ESB. Þeim var skipt í
þrjá hópa eftir hagkvæmni í
rekstri. Það sem sýndi sig að vera
mikilvægasta einkenni hagkvæm-
ustu búanna var lágur framleiðslu-
kostnaður. Bestu búin framleiddu
mjólk með 20% minni kostnaði en
meðalbúið í rannsókninni.
Á hagkvæmustu búunum vom
útgjöld vegna aðkeypts vinnuafls
einniglæst. Það stafaði ekki af lág-
um launum heldur af meiri fram-
legð þeirra sem unnu við búin.
Fjöldi kú og nyt þeirra skipti
minna máli fyrir útkomuna. Bestu
búin vom með 172 kýr samanbor-
ið við 150 kýr að meðaltali en árs-
nyt þeirra var 7000 kg samanborið
við 7400 að meðaltali.
Það er ekki unnt að draga fram
neitt sérstakt svæði í Evrópu sem
betra til mjólkurframleiðslu en
annað.
(Bondebladet nr. 37/2000,
eftir Land Lantbruk í Svíþjóð)
2 - FREYR 9/2000